ဟေရှာယ ၃၃:၁-၂၄
၃၃ ကိုယ်တိုင်ဖျက်ဆီးမခံရဘဲ သူများကို ဖျက်ဆီးတဲ့သူ၊+ကိုယ်တိုင်သစ္စာဖောက်မခံရဘဲ သူများကို သစ္စာဖောက်တဲ့သူ၊ မင်း အဖြစ်ဆိုးကြုံရလိမ့်မယ်။
သူများကို ဖျက်ဆီးပြီးတဲ့အခါ ကိုယ်တိုင် ဖျက်ဆီးခံရလိမ့်မယ်။+
သူများကို သစ္စာဖောက်ပြီးတဲ့အခါ ကိုယ်တိုင် သစ္စာဖောက်ခံရလိမ့်မယ်။
၂ အို ယေဟောဝါ၊ ကျွန်တော်တို့ကို မျက်နှာသာပေးလှည့်ပါ။+
ကိုယ်တော့်ကို မျှော်လင့်နေပါတယ်။
မနက်တိုင်း လက်ရုံးတော်နဲ့ ထောက်မပေးလှည့်ပါ။+
ဒုက္ခရောက်ချိန်မှာ ကယ်တင်ခြင်းကျေးဇူး ပေးသနားလှည့်ပါ။+
၃ ရုတ်ရုတ်သဲသဲအသံကြောင့် လူတွေ ထွက်ပြေးကုန်ပြီ။
ကိုယ်တော်ထတဲ့အခါ လူမျိုးတွေ ကွဲလွင့်ကုန်ပြီ။+
၄ ကျိုင်းကောင်တွေ အုပ်လိုက်ကြီး ရောက်လာသလို လူတွေက မင်းရဲ့ တိုက်ရာပါဥစ္စာတွေကို လုယက်ဖို့ စုပြုံရောက်လာမယ်။
ကျိုင်းကောင်အုပ်တွေလို တစ်ဟုန်ထိုး ပြေးလာပြီး လုယက်ကြမယ်။
၅ ယေဟောဝါကို ဂုဏ်တင်ချီးမြှောက်ကြလိမ့်မယ်။
ဘုရားက အထက်အရပ်မှာ စံမြန်းနေတယ်။
ဇိအုန်ကို တရားမျှတမှု၊ ဖြောင့်မတ်မှုနဲ့ ပြည့်စေမယ်။
၆ ဘုရားသခင်ဟာ မင်းတို့ရဲ့ ခေတ်ကာလကို တည်ငြိမ်အေးချမ်းစေတဲ့အရှင်ပဲ။
ကယ်တင်ခြင်း၊+ ဉာဏ်ပညာ၊ အသိပညာ၊ ယေဟောဝါကို ကြောက်ရွံ့ရိုသေတဲ့စိတ်ကို+ ကြွယ်ဝစွာပေးတဲ့အရှင်ပဲ။
ဒါဟာ သူ့ရဲ့ဘဏ္ဍာပဲ။
၇ ကြည့်ပါ။ သူတို့ရဲ့ သူရဲကောင်းတွေ လမ်းပေါ်မှာ အော်ဟစ်နေတယ်။
ငြိမ်းချမ်းရေးစေတမန်တွေ ချုံးပွဲချ ငိုကြွေးနေကြတယ်။
၈ လမ်းမတွေမှာ လူသူကင်းမဲ့ပြီး လမ်းသွားလမ်းလာ တစ်ယောက်မှ မရှိတော့ဘူး။
ရန်သူက ပဋိညာဉ်ကို ချိုးဖောက်ပြီး မြို့တွေကို ပစ်ပယ်တယ်။
သေမျိုးဖြစ်တဲ့လူကို အရေးမလုပ်ဘူး။+
၉ တိုင်းပြည်က ညည်းတွားငိုကြွေးနေတယ်။* ခြောက်ကပ်သွားတယ်။
လက်ဘနွန်က အရှက်ကွဲပြီး+ ဆွေးမြည့်သွားတယ်။
ရှာရုန်လွင်ပြင်ဟာ ကန္တာရလိုဖြစ်သွားတယ်။
ဗာရှန်ပြည်နဲ့ ကရမေလတောင်ကလည်း သစ်ရွက်တွေကို ခါချတယ်။+
၁၀ ယေဟောဝါ ပြောတယ်– “အခု၊ ငါထမယ်။
ငါ့ကိုယ်ငါ ချီးမြှောက်မယ်။+
ငါ့ကိုယ်ငါ ဂုဏ်တင်မယ်။
၁၁ မင်းတို့က မြက်ခြောက်ကို ကိုယ်ဝန်ဆောင်ပြီး ရိုးပြတ်ကို မွေးဖွားတယ်။
မင်းတို့ရဲ့စိတ်ဓာတ်က မင်းတို့ကို မီးလို ဝါးမျိုလိမ့်မယ်။+
၁၂ လူတွေဟာ မီးကျွမ်းနေတဲ့ ထုံးကျောက်လို ဖြစ်လိမ့်မယ်။
ခုတ်ဖြတ်ပြီး မီးရှို့ခံရတဲ့ ဆူးပင်တွေလို ဖြစ်လိမ့်မယ်။+
၁၃ ရပ်ဝေးကလူတို့၊ ငါဘာလုပ်မယ်ဆိုတာကို နားထောင်ကြ။
ရပ်နီးကလူတို့၊ ငါ့အစွမ်းတန်ခိုးကို အသိအမှတ်ပြုကြ။
၁၄ ဇိအုန်မှာရှိတဲ့ အပြစ်ကျူးလွန်သူတွေ ကြောက်လန့်နေတယ်။+
အယူဖောက်ပြန်သူတွေ ဖိမ့်ဖိမ့်တုန်ပြီး ‘မီးတောက်လောင်တဲ့နေရာမှာ ဘယ်သူ နေနိုင်မှာလဲ။+
လောင်မြိုက်နေတဲ့ မီးလျှံနဲ့အတူ ဘယ်သူ နေနိုင်မှာလဲ’ လို့ပြောကြတယ်။
၁၅ ဖြောင့်မတ်ခြင်းလမ်းမှာ အမြဲလျှောက်လှမ်းတဲ့သူ၊+မှန်ရာကို ပြောတဲ့သူ၊+မသမာနည်း၊ မရိုးသားတဲ့နည်းနဲ့ စီးပွားမရှာတဲ့သူ၊လာဘ်ထိုးတာကို လက်မခံဘဲ ငြင်းပယ်တဲ့သူ၊+သွေးထွက်သံယိုမှုအကြောင်း မကြားရအောင် နားပိတ်ထားတဲ့သူ၊မကောင်းမှုကို မတွေ့ရအောင် မျက်စိမှိတ်ထားတဲ့သူဟာ၊
၁၆ မြင့်တဲ့နေရာတွေမှာ နေထိုင်ရလိမ့်မယ်။
ကျောက်ရဲတိုက်ထဲမှာ ခိုလှုံရလိမ့်မယ်။
သူ့အတွက် အစားအစာ အမြဲရှိမယ်။
သောက်ရေကလည်း ဘယ်တော့မှ ပြတ်လပ်မှာ မဟုတ်ဘူး။”+
၁၇ ဘုန်းတန်ခိုးကြီးတဲ့ ဘုရင်တစ်ပါးကို မင်းတို့မြင်ရမယ်။
တိုင်းပြည်ကိုလည်း အဝေးကနေ မြင်ရမယ်။
၁၈ ကြောက်လန့်စရာတွေကို ပြန်တွေးကြည့်တဲ့အခါ “စာရေးက ဘယ်ရောက်သွားသတုံး။
ဆက်ကြေးကောက်တဲ့သူ ဘယ်မှာတုံး။+
မျှော်စင်တွေကို ရေတွက်သူကော ဘယ်ရောက်သွားသတုံး” လို့ ပြောလိမ့်မယ်။
၁၉ ရိုင်းစိုင်းတဲ့လူတွေ၊နားမလည်နိုင်လောက်အောင်ခက်ခဲတဲ့စကားကို ပြောတဲ့လူတွေ၊နားမလည်နိုင်လောက်အောင် ထူးဆန်းတဲ့စကားကို ပြောတဲ့လူတွေကို မမြင်ရတော့ဘူး။+
၂၀ ပွဲတော်တွေဆင်နွှဲတဲ့ ဇိအုန်မြို့ကို ကြည့်ကြပါ။+
ဂျေရုဆလင်မြို့ဟာ ငြိမ်သက်အေးချမ်းတဲ့နေရာ ဖြစ်သွားတာကို မင်းတို့ မြင်ရလိမ့်မယ်။
အဲဒီမြို့ဟာ တစ်ခါမှ မပြောင်းမရွှေ့ရတဲ့ တဲနဲ့ တူလိမ့်မယ်။+
တဲငုတ်တိုင်တွေ ဆွဲနုတ်ခံရမှာ မဟုတ်ဘူး။
တဲကြိုးတစ်ချောင်းမှ ပြတ်မှာ မဟုတ်ဘူး။
၂၁ ဘုန်းတန်ခိုးကြီးတဲ့အရှင် ယေဟောဝါဟာ မြစ်တွေ၊ တူးမြောင်းကြီးတွေလို ငါတို့ကို ကာကွယ်မယ်။
အဲဒီမှာ စစ်လှေတစ်စင်းမှ သွားလာမှာ မဟုတ်ဘူး။
ခမ်းနားတဲ့သင်္ဘောတစ်စင်းမှ ဖြတ်သန်းမှာ မဟုတ်ဘူး။
၂၂ ယေဟောဝါဟာ ငါတို့ရဲ့ တရားသူကြီး၊+ယေဟောဝါဟာ ပညတ် ပြဋ္ဌာန်းရှင်၊+ယေဟောဝါဟာ ငါတို့ရဲ့ဘုရင်ပဲ။+
ငါတို့ကို ကယ်တင်တဲ့အရှင်ပဲ။+
၂၃ မင်းတို့ရဲ့ ရွက်ကြိုးတွေ ပြေလျော့နေလိမ့်မယ်။
ရွက်တိုင်ကို ထိန်းထားနိုင်မှာ၊ ရွက်ဖြန့်နိုင်မှာ မဟုတ်ဘူး။
အဲဒီအချိန်မှာ တိုက်ရာပါဥစ္စာတွေ အမြောက်အမြား ခွဲဝေယူကြလိမ့်မယ်။
ခြေမသန်တဲ့သူတောင် အများကြီး သိမ်းယူနိုင်လိမ့်မယ်။+
၂၄ ပြည်သူပြည်သားတွေက “နေမကောင်းဘူး” လို့ မညည်းရတော့ဘူး။+
တိုင်းပြည်မှာ နေထိုင်သူတွေဟာ အပြစ်မှန်သမျှ ခွင့်လွှတ်ခံရလိမ့်မယ်။+
အောက်ခြေမှတ်ချက်များ
^ “ခြောက်သွေ့နေတယ်” လည်းဖြစ်နိုင်။
