၂၀၂၃ ခုနှစ်၊ ဇန်နဝါရီ ၂၄ ရက်မှာ သိပ္ပံပညာရှင်တွေဟာ ကမ္ဘာပျက်မယ့်အချိန်ကို ညွှန်ပြတဲ့ နာရီ aကို သန်းခေါင်ချိန်အနား ရွှေ့လိုက်ပါတယ်။ အဲဒီ သန်းခေါင်ချိန်ဆိုတာ ကမ္ဘာပျက်မယ့်အချိန်ကို ရည်ညွှန်းတယ်။

•   “ယူကရိန်းစစ်ပွဲ၊ နျူကလီးယား တင်းမာမှုနဲ့ ရာသီဥတု ကပ်ဆိုက်နေမှုတွေကြောင့် ကမ္ဘာပျက်မယ့်အချိန်ကို ညွှန်ပြတဲ့ နာရီကို သန်းခေါင်ချိန်အနား အနီးဆုံးနေရာကို အင်္ဂါနေ့တုန်းက ရွှေ့လိုက်ကြတယ်။ အရင်က အဲဒီလောက် တစ်ခါမှ မနီးဖူးဘူး။”—AFP International Text Wire.

•   “ကမ္ဘာပျက်မယ့်အချိန်ကို ညွှန်ပြတဲ့ နာရီကို သန်းခေါင်ချိန်အနား ၉၀ စက္ကန့်အလို နေရာကို ရွှေ့လိုက်ကြောင်း သိပ္ပံပညာရှင်တွေ အင်္ဂါနေ့တုန်းက ထုတ်ဖော်ပြောကြားခဲ့တယ်။ အာမဂေဒုန်ရောက်ဖို့ သိပ်နီးနေပြီ။”—ABC News.

•   “လူသားမျိုးနွယ် ဆက်ရှင်သန်ဖို့ အန္တရာယ်အရှိဆုံး အခြေအနေ ဖြစ်နေတယ်လို့ နိုင်ငံတကာ သိပ္ပံပညာရှင် အဖွဲ့တစ်ဖွဲ့က သတိပေးခဲ့တယ်။”—The Guardian.

 ကမ္ဘာမြေနဲ့ လူသားမျိုးနွယ် မကြာခင် ပျက်စီးတော့မှာလား။ အနာဂတ်မှာ ဖြစ်လာမယ့် အရာတွေနဲ့ပတ်သက်ပြီး တွေးကြောက်နေဖို့ လိုသလား။ သမ္မာကျမ်းစာ အဆိုက ဘာလဲ။

 “ကမ္ဘာမြေကတော့ ထာဝစဉ်တည်တယ်။” လူသားတွေဟာ “ကမ္ဘာမြေကို ပိုင်ဆိုင်ပြီး ထာဝစဉ် နေထိုင်ရလိမ့်မယ်” လို့ ကျမ်းစာ ဆိုတယ်။ (ဒေသနာ ၁:၄။ ဆာလံ ၃၇:၂၉) လူသားတွေကြောင့် ကမ္ဘာမြေနဲ့ သက်ရှိတွေ မပျက်စီးသွားပါဘူး။

 ဒါပေမဲ့ ပျက်စီးသွားမယ့်အရာကို ကျမ်းစာမှာ ဖော်ပြထားတယ်။ ဥပမာ၊ “ဒီလောက . . . ရွေ့သွားကွယ်ပျောက်နေတယ်” လို့ ဆိုထားတယ်။—၁ ယောဟန် ၂:၁၇။

•   ဒီလောက ကွယ်ပျောက်တော့မယ်လို့ ကျမ်းစာပြောတဲ့အခါ ဘာကိုဆိုလိုကြောင်း သိနိုင်ဖို့ “ဒီလောက အဆုံးတိုင်တော့မလား။ ကမ္ဘာပျက်ကပ်ဆိုတာ ဘာလဲ” ဆောင်းပါးကို ဖတ်ပါ။

•   မကြာခင်ဖြစ်လာမယ့် ကမ္ဘာ့ဖြစ်ရပ်တွေအကြောင်း ကျမ်းစာအဆိုကို ပိုသိနိုင်ဖို့ “လောက ဘယ်တော့ အဆုံးတိုင်မလဲ” ဆောင်းပါးကို ဖတ်ပါ။

 လက်ရှိ ကမ္ဘာ့ပြဿနာတွေ ဘယ်လိုပဲ ရှိပါစေ အပြုသဘောထား ဆက်ရှိနိုင်အောင် ကျမ်းစာက ကူညီပေးနိုင်တယ်။ ဘယ်လိုနည်းနဲ့လဲ။

•   နေ့စဉ်ဘဝအသက်တာအတွက် အထောက်အကူပြုမယ့် အကြံဉာဏ်တွေကို ကျမ်းစာမှာ ဖော်ပြထားပါတယ်။ (၂ တိမောသေ ၃:၁၆၊ ၁၇) ဥပမာ၊ ဘဝပြဿနာတွေကြားမှာ အပြုသဘောထား ဆက်ရှိနေအောင် ကျမ်းစာ ကူညီပေးနိုင်ပုံကို သိဖို့ “စိုးရိမ်ပူပန်မှု ပြေလျော့နည်း” ဆောင်းပါးကို ဖတ်ပါ။

•   အနာဂတ်နဲ့ပတ်သက်ပြီး ယုံကြည်စိတ်ချနိုင်တဲ့ ကတိ ကျမ်းစာမှာ ပါတယ်။ (ရောမ ၁၅:၄) အခုအချိန်မှာရော အနာဂတ်မှာပါ ဖြစ်လာမယ့်အရာ အတိအကျကို ကျမ်းစာမှာ ရှင်းပြထားတယ်။ ဒါကြောင့် ကမ္ဘာ့အခြေအနေတွေ ဘယ်လိုပဲ ဖြစ်နေပါစေ ယုံကြည်စိတ်ချမှုအပြည့် ရှိနေနိုင်တယ်။

 ကျမ်းစာကနေ အကျိုးအပြည့်အဝ ရနိုင်ဖို့ ကျွန်တော်တို့ရဲ့ အခမဲ့ကျမ်းစာလေ့လာမှု အစီအစဉ်မှာ ပါဝင်ဖို့ ဖိတ်ခေါ်ပါတယ်။