မကောင်း​မှု​ပြု​ရန် စာ​တန် လူ​တို့​ကို​ဖြား​ယောင်း​သွေး​ဆောင်​သည်။ ဘုရား​သခင့်​မိတ်​ဆွေ​ဖြစ်​လို​သူ​တစ်​ဦး​သည် ယေဟောဝါ​စက်​ဆုပ်​ရွံ​ရှာ​ရာ​များ​ကို မုန်း​တီး​ဖို့​လို​သည်။ (ဆာလံ ၉၇:၁၀) ဘုရား​သခင့်​မိတ်​ဆွေ​များ ရှောင်​ကြဉ်​ကြ​သော​အရာ​အချို့​ကား–

လိင်​ဆိုင်​ရာ​အပြစ်​များ။ “သူ့​မယား​ကို​မပြစ်​မှား​ရ။” (ထွက်မြောက်ရာ ၂၀:၁၄၊ က​ဘ) လက်​မထပ်​မီ လိင်​ဆက်​ဆံ​ခြင်း​သည်​လည်း မှား​၏။—၁ ကောရိန္သု ၆:၁၈။

သောက်​ကြူး​ခြင်း။ “သေရည်​သေရက်​နှင့်​ယစ်​မူး​သော​သူ . . . သည် ဘုရား​သခင်​၏​နိုင်ငံ​တော်​ကို အမွေ​မခံ​ရ​ကြ။”—၁ ကောရိန္သု ၆:၁၀။

လူ​သတ်​မှု၊ ကိုယ်​ဝန်​ဖျက်​ချ​ခြင်း။ “လူ့​အသက်​ကို​မသတ်​ရ။”—ထွက်မြောက်ရာ ၂၀:၁၃၊ က​ဘ။

ခိုး​ယူ​ခြင်း။ “သူ့​ ဥစ္စာ​ကို​မခိုး​ရ။”—ထွက်မြောက်ရာ ၂၀:၁၅၊ က​ဘ။

လိမ်​လည်​ခြင်း။ ယေဟောဝါ​သည် “မု​သာ​၌​ကျင်​လည်​သော​လျှာ” ကို​မုန်း​တော်​မူ​၏။—သုတ္တံ ၆:၁၇။

 အကြမ်း​ဖက်​ခြင်း​နှင့် မထိန်း​ချုပ်​နိုင်​သော​အမျက်​ဒေါ​သ။ “လု​ယူ​ဖျက်​ဆီး​လို​သော​သူ​ကို [ယေဟောဝါ] မုန်း​တော်​မူ​၏။” (ဆာလံ ၁၁:၅) “ဇာ​တိ​ပက​တိ​အကျင့်​တို့​တွင် . . . အမျက်​ထွက်​ခြင်း [ပါ​ဝင်​၏။]”—ဂလာ​တိ ၅:၁၉၊ ၂၀။

လောင်း​က​စား​ခြင်း။ “လော​ဘ​လွန်​ကျူး . . . သူ​တို့​နှင့် မပေါင်း​ဖော်​ရ။”—၁ ကောရိန္သု ၅:၁၁။

လူ​မျိုး​နွယ်၊ လူ​မျိုး​စု​မုန်း​တီး​ခြင်း​များ။ “သင်​တို့​၏​ရန်​သူ​တို့​ကို​ချစ်​ကြ​လော့။ . . . သင်​တို့​ကို နှောင့်​ယှက်​ညှဉ်း​ဆဲ​သော​သူ​တို့​အဖို့ ဘုရား​သခင်​ကို ဆု​တောင်း​ကြ​လော့။”—မဿဲ ၅:၄၃၊ ၄၄။

ဘုရား​သခင်​မိန့်​တော်​မူ​ရာ​များ​သည် ကျွန်ုပ်​တို့​ကောင်း​ကျိုး​အတွက်​ဖြစ်​၏။ မကောင်း​မှု​များ​ကို ရှောင်​ကြဉ်​ခြင်း​သည် အစဉ်​သဖြင့်​မလွယ်​ကူ​ချေ။ ယေဟောဝါ​နှင့် ကိုယ်​တော့်​သက်​သေများ​၏​အကူ​အညီ​ဖြင့် ဘုရား​သခင်​မနှစ်​သက်​ရာ​များ​ကို သင်​ရှောင်​ကြဉ်​နိုင်​သည်။—ဟေရှာယ ၄၈:၁၇; ဖိ​လိပ္ပိ ၄:၁၃; ဟေဗြဲ ၁၀:၂၄၊ ၂၅။