လူတိုင်းမှာ ဘဝနဲ့ပတ်သက်တဲ့ မေးခွန်းတွေ ရှိကြတယ်။ ကျွန်တော်တို့ ဘာကြောင့် အသက်ရှင်နေကြသလဲ။ လူတွေ ဘာကြောင့် ဆင်းရဲဒုက္ခ ရောက်ရသလဲ။ လူသေရင် ဘာဖြစ်သွားသလဲ။ အနာဂတ်မှာ ဘာဖြစ်လာမလဲ။ ဒီမေးခွန်းတွေရဲ့ အဖြေကို လူတိုင်းလိုလို သိချင်ကြတယ်။ စားဝတ်နေရေး၊ မိသားစု ပျော်ရွှင်ရေးအတွက်လည်း နေ့တိုင်း စိတ်ပူနေကြတယ်။ လူများစွာဟာ အဲဒီမေးခွန်းတွေရဲ့ အဖြေကိုသာမက နေ့စဉ်ဘဝအတွက် လက်တွေ့ကျ အကြံဉာဏ်တွေကိုပါ ကျမ်းစာမှာ ရှာတွေ့ခဲ့ကြပြီ။ ကျမ်းစာကနေ အကျိုးရနိုင်တယ်လို့ ထင်ပါသလား။

၁။ ကျမ်းစာထဲမှာ ဘယ်မေးခွန်းတွေရဲ့ အဖြေ ပါသလဲ။

ကျမ်းစာမှာ ဒီအရေးကြီး မေးခွန်းတွေရဲ့ အဖြေ ပါတယ်။ သက်ရှိတွေ ဘယ်လို အစပြုခဲ့သလဲ။ ဘဝရည်ရွယ်ချက်ဟာ ဘာလဲ။ လူတွေ ဘာကြောင့် ဒုက္ခရောက်ရသလဲ။ လူသေရင် ဘာဖြစ်သွားသလဲ။ လူတိုင်း ငြိမ်းချမ်းရေး လိုလားပေမဲ့ စစ်ပွဲတွေ ဘာကြောင့် ဒီလောက် များရသလဲ။ အနာဂတ်မှာ ကမ္ဘာကြီး ဘာဖြစ်သွားမလဲ။ ဒီမေးခွန်းတွေကို အဖြေရှာဖို့ ကျမ်းစာ အားပေးထားပါတယ်။ ကျမ်းစာအဖြေကြောင့် လူများစွာ စိတ်ကျေနပ်မှု ရခဲ့ကြတယ်။

၂။ နေ့စဉ်ဘဝမှာ ပျော်ရွှင်ဖို့ ကျမ်းစာက ဘယ်လို ကူညီပေးနိုင်သလဲ။

ကျမ်းစာမှာ အကြံဉာဏ်ကောင်းတွေ ပါတယ်။ ဥပမာ၊ မိသားစု ပျော်ရွှင်အောင် ဘာလုပ်ရမလဲ။ စိတ်ဓာတ်ကျလာရင် ဘာလုပ်ရမလဲ။ အလုပ်မှာ ပျော်အောင် ဘာလုပ်ရမလဲ။ ဒီအကြောင်းတွေနဲ့ပတ်သက်တဲ့ ကျမ်းစာအဖြေကို သိလာပါလိမ့်မယ်။ အတူလေ့လာရင်း သိလာမယ့်အကြောင်းတွေလည်း ရှိသေးတယ်။ “ကျမ်းစောင်အားလုံး [ကျမ်းစာမှာ ဖော်ပြထားသမျှ] ဟာ . . . အကျိုးဖြစ်ထွန်းစေတယ်” ဆိုတဲ့ ကျမ်းစကားကို လက်ခံလာပါလိမ့်မယ်။—၂ တိမောသေ ၃:၁၆။

၄။ ကျမ်းစာက ကျွန်တော်တို့ရဲ့ မေးခွန်းတွေကို အဖြေပေးနိုင်

 ၅။ ကျမ်းစာဖတ်ရတာ ပျော်စရာကောင်းလာနိုင်

၆။ ကျမ်းစာကို နားလည်ဖို့ တခြားသူတွေ ကူညီပေးနိုင်

ကျမ်းစာကို တစ်ယောက်တည်း ဖတ်ရုံမက တခြားသူတွေနဲ့ ဆွေးနွေးတာကလည်း အကူအညီ ဖြစ်စေမှန်း လူများစွာ တွေ့ရှိခဲ့ကြတယ်။ တမန်တော် ၈:၂၆-၃၁ ကို ဖတ်ပါ။ ပြီးတဲ့နောက် ဒီမေးခွန်းကို ဆွေးနွေးပါ။

• ကျမ်းစာကို ဘယ်လို နားလည်နိုင်မလဲ။—အခန်းငယ် ၃၀၊ ၃၁ ကို ကြည့်ပါ။

 အနှစ်ချုပ်

ကျမ်းစာမှာ နေ့စဉ်ဘဝအတွက် အကြံဉာဏ်တွေ၊ အရေးကြီး မေးခွန်းတွေရဲ့ အဖြေ ပါတယ်။ လူတွေကို နှစ်သိမ့်မှု ပေးပြီး မျှော်လင့်ချက် ရှိစေတယ်။

ပြန်လည်သုံးသပ်ခြင်း

• ကျမ်းစာမှာ ဘာအကြံဉာဏ်တွေ တွေ့နိုင်သလဲ။

• ကျမ်းစာမှာ ဘယ်မေးခွန်းတွေရဲ့ အဖြေ ပါသလဲ။

• ကျမ်းစာထဲက ဘယ်အကြောင်းကို လေ့လာချင်ပါသလဲ။