Salm 80:1-19
Lid-direttur; fuq l-għanja taʼ “Il-Ġilji.” Tfakkira. Għanja t’Asaf.
80 Ismagħna Ragħaj t’Iżrael,Int li qed tiggwida lil Ġużeppi bħal merħla.
Ħalli d-dawl tiegħek jiddi,Int li qiegħed bilqiegħda fuq it-tron fuq* il-kerubini.
2 Uri s-saħħa tiegħek quddiem Efrajm, Benjamin, u Manasse.
Jekk jogħġbok ejja salvana.
3 Alla tagħna, aċċettana lura;Ħenn għalina u salvana.
4 Alla Ġeħova tal-armati, kemm se ddum irrabjat magħna, il-poplu tiegħek,U ma tismax it-talb tagħna?
5 Minflok tajtna l-ħobż, ġegħeltna nibku,Int iġġegħelna nibku ħafna.
6 Int tħalli lill-ġirien tagħna jiġġieldu bejniethom għall-art tagħna;L-għedewwa tagħna jibqgħu jiddieħqu bina kif iridu.
7 Alla tal-armati, aċċettana lura;Ħenn għalina u salvana.
8 Int ħriġt lill-poplu tiegħek mill-Eġittu bħallikieku qlajt dielja minn postha.
Imbagħad keċċejt lill-popli mill-art tagħhom, u ħawwilt id-dielja hemm.
9 Int naddaft post għaliha,U din rabbiet l-għeruq u mliet l-art.
10 Hi għamlet id-dell fuq il-muntanji,U bil-friegħi tagħha għattiet is-siġar taċ-ċedri li int ħawwilt.
11 Il-friegħi tagħha waslu sal-baħar,U l-weraq ġodda sax-Xmara.*
12 Għala kissirt il-ħitan tas-sejjieħ tal-għalqa tad-dwieli,U b’hekk kull min jgħaddi jieħu mill-frott tagħha?
13 Il-ħnieżer slavaġ jeqirduha,U l-annimali slavaġ jieklu minnha.
14 Alla tal-armati, jekk jogħġbok erġaʼ ħenn għalina;Ittawwal mis-sema u ara x’inhu jiġri.
Ħu ħsieb din id-dielja
15 Li idek il-leminija ħawlet,U pproteġi l-fergħa* li int saħħaħt għall-unur tiegħek.
16 Id-dielja ġiet imqaċċta u maħruqa.
Il-poplu jmut bit-theddida tiegħek.
17 Jalla tgħin lir-raġel li qiegħed fuq il-lemin tiegħek,Il-bniedem li int saħħaħt għall-unur tiegħek.
18 B’hekk ma nitilqukx.
Żommna ħajjin, ħalli nfaħħru lil ismek.
19 Alla Ġeħova tal-armati, aċċettana lura;Ħenn għalina u salvana.
