स्तोत्रं ८६:१-१७
दावीदची प्रार्थना.
८६ हे यहोवा, माझी प्रार्थना ऐक* आणि मला उत्तर दे,कारण मी असाहाय्य आणि गरीब आहे.+
२ माझ्या जिवाचं रक्षण कर, कारण मी एकनिष्ठ आहे.+
तुझ्यावर भरवसा ठेवणाऱ्‍या तुझ्या या सेवकाला वाचव,कारण तू माझा देव आहेस.+
३ हे यहोवा, माझ्यावर कृपा कर+कारण मी दिवसभर तुला हाक मारतो.+
४ हे यहोवा, तुझ्या या सेवकाला* आनंदी होऊ देकारण तुझ्याकडे माझे डोळे लागले आहेत.
५ हे यहोवा, तू चांगला+ आणि क्षमाशील आहेस;+तुला हाक मारणाऱ्‍या सर्वांवर तुझं अपार प्रेम* आहे.+
६ हे यहोवा, माझी प्रार्थना ऐक;आणि माझ्या मदतीच्या याचनांकडे लक्ष दे.+
७ संकटाच्या दिवशी मी तुला हाक मारतो,+कारण तू मला नक्की उत्तर देशील.+
८ हे यहोवा, देवांमध्ये तुझ्यासारखा कोणीही नाही.+
तुझ्यासारखी कार्यं करणारा दुसरा कोणीही नाही.+
९ तू निर्माण केलेली सगळी राष्ट्रंतुझ्यापुढे येऊन तुला नमन करतील.+
हे यहोवा, ती तुझ्या नावाचा गौरव करतील.+
१० कारण तू महान आणि अद्‌भुत गोष्टी करतोस;+तू, फक्‍त तूच देव आहेस.+
११ हे यहोवा, मला तुझ्या मार्गाचं शिक्षण दे.+
मी तुझ्या सत्याच्या मार्गाने चालीन.+
मला तुझ्या नावाचं मनापासून* भय बाळगायला शिकव.+
१२ हे यहोवा, माझ्या देवा, मी अगदी पूर्ण मनाने+ तुझी स्तुती करतोआणि मी सर्वकाळ तुझ्या नावाचं गुणगान करीन.
१३ कारण तू माझ्यावर भरभरून एकनिष्ठ प्रेम केलं आहेस;तू अगदी खोल कबरेतून* माझा जीव वाचवला आहेस.+
१४ हे देवा, गर्विष्ठ माणसं माझ्याविरुद्ध उठतात;+क्रूर माणसांची टोळी माझा जीव घ्यायला टपून बसली आहे,त्यांना तुझ्याबद्दल जराही आदर नाही.*+
१५ पण हे यहोवा, तू दयाळू आणि करुणामय* देव आहेस.
तू सहनशील, एकनिष्ठ प्रेमाने भरलेला आणि विश्‍वासू देव आहेस.+
१६ माझ्याकडे लक्ष दे आणि माझ्यावर कृपा कर.+
तुझ्या या सेवकाला ताकद दे+आणि तुझ्या दासीच्या या मुलाला वाचव.
१७ मला तुझ्या चांगुलपणाची एखादी खूण* दाखव,म्हणजे माझा द्वेष करणारे ती पाहून लज्जित होतील.
कारण हे यहोवा, मला मदत करणारा आणि माझं सांत्वन करणारा तूच आहेस.
तळटीपा
^ किंवा “खाली वाकून ऐक.”
^ किंवा “तुझ्या या सेवकाचा जीव.”
^ किंवा “एकनिष्ठ प्रेम.”
^ किंवा “एकाग्र मनाने.”
^ हिब्रू भाषेत “शिओल.” शब्दार्थसूची पाहा.
^ किंवा “त्यांनी तुला आपल्यापुढे ठेवलं नाही.”
^ किंवा “कृपाळू.”
^ किंवा “पुरावा.”
