स्तोत्रं ४८:१-१४
कोरहच्या मुलांचं गीत.+ स्तुतिगीत.
४८ आमच्या देवाच्या शहरात, त्याच्या पवित्र पर्वतावर,यहोवा महान आणि सगळ्यात स्तुतिपात्र आहे.
२ उत्तरेच्या टोकावर सीयोन पर्वत,महान राजाची नगरी आहे.+
उंचावर वसलेली ती सुंदर नगरी, सबंध पृथ्वीचा आनंद आहे.+
३ तिच्या मजबूत बुरुजांमध्ये,देवाने स्वतःला एक सुरक्षित आश्रय* म्हणून प्रकट केलंय.+
४ कारण पाहा! राजे एकत्र जमले;*ते सोबत मिळून पुढे सरसावले.
५ त्यांनी तिला पाहिलं, तेव्हा ते चकित झाले.
ते भयभीत झाले आणि घाबरून पळून गेले.
६ ते तिथे भीतीने थरथर कापू लागले,प्रसूतिवेदना होणाऱ्‍या स्त्रीसारखी त्यांची स्थिती झाली.
७ पूर्वेकडच्या वाऱ्‍याने तू तार्शीशची जहाजं तोडतोस.
८ पूर्वी ज्याबद्दल ऐकलं होतं, ते आता आम्ही,सैन्यांचा देव यहोवा याच्या नगरीत, आमच्या देवाच्या नगरीत
आपल्या डोळ्यांनी पाहिलंय;देव सर्वकाळ या नगरीचं रक्षण करतो.+ (सेला )
९ हे देवा, तुझ्या मंदिरामध्येआम्ही तुझ्या एकनिष्ठ प्रेमाबद्दल विचार* करतो.+
१० हे देवा, तुझ्या नावाप्रमाणेच तुझा महिमा
पृथ्वीच्या कानाकोपऱ्‍यांपर्यंत पोहोचलाय.+
तुझा उजवा हात नीतीने परिपूर्ण आहे.+
११ सीयोन पर्वत+ आनंद करो!
यहूदाची शहरं* तुझ्या न्याय-निर्णयांमुळे हर्ष करोत!+
१२ सीयोनभोवती फिरा; तिला फेरा घाला;तिचे बुरूज मोजा.+
१३ तिच्याभोवती असलेल्या भिंतींकडे* लक्ष द्या.+
तिच्या मजबूत बुरुजांची पाहणी करा.
म्हणजे पुढच्या पिढ्यांना तुम्हाला या गोष्टी सांगता येतील.
१४ कारण हा देव, आमचा सदासर्वकाळाचा देव आहे.+
तो शेवटपर्यंत* आम्हाला मार्ग दाखवेल.+
तळटीपा
^ किंवा “उंच आश्रयस्थान.”
^ किंवा “ठरवून भेटले.”
^ किंवा “मनन.”
^ शब्दशः “मुली.”
^ किंवा “तटबंदीकडे.”
^ किंवा कदाचित, “आम्ही मरेपर्यंत.”
