स्तोत्रं १०५:१-४५
-
यहोवाने आपल्या लोकांसाठी केलेली विश्‍वासूपणाची कार्यं
१०५ यहोवाचे आभार माना,+ त्याचं नाव घेऊन त्याला प्रार्थना करा,राष्ट्रा-राष्ट्रांतल्या लोकांना त्याच्या कार्यांबद्दल सांगा!+
२ त्याच्यासाठी गीत गा, त्याच्या स्तुतीसाठी गीत गा,*त्याच्या सर्व अद्‌भुत कार्यांवर मनन करा.*+
३ त्याच्या पवित्र नावाचा अभिमानाने गौरव करा.+
यहोवाचा शोध घेणाऱ्‍यांचं मन हर्षित होवो.+
४ यहोवाचा आणि त्याच्या सामर्थ्याचा शोध घ्या.+
आपले डोळे सतत त्याच्याकडे लावा.
५ त्याने केलेली अद्‌भुत कार्यं आठवा,त्याचे चमत्कार आणि त्याने जाहीर केलेले न्याय-निर्णय आठवा.+
६ त्याचा सेवक अब्राहाम याच्या वंशजांनो,+याकोबच्या मुलांनो, त्याच्या निवडलेल्या लोकांनो, तुम्ही ते आठवा.+
७ तो आपला देव यहोवा आहे.+
त्याचे न्याय-निर्णय संपूर्ण पृथ्वीसाठी आहेत.*+
८ त्याचा करार तो सर्वकाळ आठवणीत ठेवतो,+त्याने दिलेलं अभिवचन* तो हजारो पिढ्यांपर्यंत लक्षात ठेवतो.+
९ त्याने अब्राहामसोबत केलेला करार+आणि शपथ घेऊन इसहाकला दिलेलं वचन तो लक्षात ठेवतो.+
१० त्याने ती शपथ, याकोबसाठी एक नियम म्हणूनआणि इस्राएलसाठी कायमचा करार म्हणून स्थापन केली.
११ तो म्हणाला होता, “मी तुम्हाला कनान देश देईन,+वारसा म्हणून मी तो तुम्हाला देईन.”+
१२ त्या वेळी त्यांची संख्या कमी होती,+हो, ते संख्येने अगदीच कमी होते आणि विदेशी म्हणून त्या देशात राहत होते.+
१३ ते एका राज्यातून दुसऱ्‍या राज्यात,एका राष्ट्रातून दुसऱ्‍या राष्ट्रात भटकत राहिले.+
१४ त्याने कोणत्याही माणसाला त्यांच्यावर जुलूम करू दिला नाही,+उलट त्यांच्यासाठी त्याने राजांना फटकारलं.+
१५ तो म्हणाला, “माझ्या अभिषिक्‍त जनांना हात लावू नका,माझ्या संदेष्ट्यांना कसलाही त्रास देऊ नका.”+
१६ त्याने देशात दुष्काळ आणला;+त्याने त्यांचा अन्‍नपुरवठा थांबवला.*
१७ त्याने त्यांच्यापुढे एका माणसाला, योसेफला पाठवलं;त्याला गुलाम म्हणून विकण्यात आलं.+
१८ त्याच्या पायात बेड्या घालण्यात आल्या;*+त्याच्या गळ्यात लोखंडी साखळ्या घालण्यात आल्या.
१९ यहोवाचे शब्द खरे ठरेपर्यंत,+त्याच्या वचनांनी त्याला शुद्ध केलं.
२० राजाने त्याची सुटका करायला माणसं पाठवली,+लोकांच्या शासकाने त्याला मुक्‍त केलं.
२१ त्याने त्याला आपल्या घराण्याचा मालकआणि आपल्या सगळ्या संपत्तीवर अधिकारी म्हणून नेमलं.+
२२ त्याने त्याला आपल्या अधिकाऱ्‍यांशी मनाप्रमाणे वागण्याचा;आणि आपल्या वडीलजनांना बुद्धी शिकवण्याचा अधिकार दिला.+
२३ मग इस्राएल इजिप्तला आला;+हामच्या देशात याकोब विदेशी म्हणून राहिला.
२४ देवाने आपल्या लोकांना खूप फलदायी केलं;+त्यांच्या शत्रूंपेक्षा त्याने त्यांना शक्‍तिशाली केलं.+
२५ त्याने शत्रूंची मनं बदलू दिली;त्यांना आपल्या लोकांचा द्वेष करू दिला
आणि आपल्या सेवकांविरुद्ध कटकारस्थानं करू दिली.+
२६ त्याने आपला सेवक मोशे याला पाठवलं+आणि आपण ऩिवडलेल्या अहरोनलाही पाठवलं.+
२७ त्यांनी लोकांसमोर* त्याची चिन्हं दाखवली;हामच्या देशात त्यांनी त्याचे चमत्कार दाखवले.+
२८ त्याने अंधार पाठवला तेव्हा देशात काळोख झाला;+त्यांनी* त्याच्या आज्ञेविरुद्ध बंड केलं नाही.
२९ त्याने त्यांच्या पाण्याचं रक्‍त केलंआणि त्यातले मासे मारून टाकले.+
३० त्यांचा देश बेडकांनी भरून गेला,+राजाच्या महालातही बेडकं शिरली.
३१ त्याने गोमाश्‍यांना त्यांच्यावर हल्ला करण्याचा आदेश दिलाआणि त्यांच्या सगळ्या प्रदेशांत चिलटं पाठवली.+
३२ त्याने त्यांच्यावर पावसाऐवजी गारा पाडल्याआणि त्यांच्या देशात विजा* पाठवल्या.+
३३ त्याने त्यांचे द्राक्षवेल आणि अंजिराची झाडं नष्ट केलीआणि त्यांच्या प्रदेशातल्या झाडांचा नाश केला.
३४ टोळांनी हल्ला करावा असा त्याने आदेश दिला,तेव्हा असंख्य टोळ आले.+
३५ त्यांनी देशातली सगळी झाडंझुडपंआणि जमिनीचं पीक फस्त केलं.
३६ मग त्यांच्या देशातल्या प्रत्येक प्रथम जन्मलेल्या,त्यांच्या पुरुषत्वाच्या पहिल्या फळाला त्याने मारून टाकलं.+
३७ त्याने आपल्या लोकांना सोनंचांदी घेऊन बाहेर आणलं;+त्याच्या वंशांपैकी कोणीही अडखळलं नाही.
३८ ते गेले तेव्हा इजिप्तच्या लोकांना आनंद झाला,कारण त्यांना इस्राएली लोकांची* दहशत बसली होती.+
३९ त्याने ढगाचा पडदा पसरवून आपल्या लोकांचं संरक्षण केलं+आणि त्याने रात्री आगीने त्यांना उजेड दिला.+
४० त्यांनी मागणी केली तेव्हा त्याने लावे* आणले;+आकाशातल्या भाकरीने तो त्यांना तृप्त करत राहिला.+
४१ त्याने खडक फोडला तेव्हा पाणी बाहेर आलं;+वाळवंटात नदीसारखं पाणी वाहू लागलं.+
४२ कारण त्याने आपला सेवक, अब्राहाम याला दिलेलं पवित्र वचन आठवणीत ठेवलं.+
४३ त्यामुळे त्याने आपल्या लोकांना जयजयकार करत बाहेर आणलं,+त्याने आपल्या निवडलेल्या लोकांना जल्लोष करत बाहेर आणलं.
४४ त्याने त्यांना राष्ट्रांचे प्रदेश दिले;+इतरांच्या कष्टाचं फळ त्यांना वारसा म्हणून मिळालं.+
४५ त्याच्या लोकांनी त्याचे आदेश आणि कायदे पाळावेत,+म्हणून त्याने असं केलं.
याहची स्तुती करा!*
तळटीपा
^ किंवा कदाचित, “कार्यांबद्दल बोला.”
^ किंवा “संगीत रचा.”
^ किंवा “पृथ्वीवर लागू होतात.”
^ शब्दशः “त्याने आज्ञा दिलेला शब्द.”
^ शब्दशः “भाकरींची प्रत्येक सळई मोडली.” हे कदाचित भाकरी अडकवून ठेवण्यासाठी वापरल्या जाणाऱ्‍या सळयांना सूचित करत असावं.
^ शब्दशः “पीडित केलं.”
^ हे इजिप्तच्या लोकांना सूचित करतं.
^ हे कदाचित मोशे आणि अहरोन यांना सूचित करत असावं.
^ किंवा “अग्निज्वाला.”
^ शब्दशः “त्यांची.”
^ एक लहानसा १८ सें.मी. (७ इंच) लांबीचा गुबगुबीत पक्षी, ज्याचं मांस खूप चविष्ट असतं.
^ किंवा “हालेलूयाह!” “याह” हे यहोवा या नावाचं संक्षिप्त रूप आहे.
