यशया ५३:१-१२
५३ आमच्याकडून ऐकलेल्या गोष्टीवर* कोणी विश्‍वास ठेवला आहे?+
आणि यहोवाच्या हाताचं सामर्थ्य+ कोणाला प्रकट झालं आहे?+
२ तो त्याच्यासमोर* एका छोट्या फांदीसारखा वाढेल,+ कोरड्या जमिनीत तो मुळासारखा रुजेल.
त्याचं रूप दिमाखदार नाही किंवा वैभवशाली नाही;+त्याला पाहून आकर्षित व्हावं असंही त्याचं रूप नाही.
३ त्याला तुच्छ समजण्यात आलं आणि लोकांनी त्याला टाळलं,+दुःख काय असतं हे त्या माणसाला चांगलं समजत होतं, आणि आजारपण काय असतं हे त्याला चांगलं माहीत होतं.
त्याचा चेहरा जसा काय आमच्यापासून लपलेला होता.*
त्याला तुच्छ समजण्यात आलं, आणि आम्ही त्याची काहीच किंमत केली नाही.+
४ खरंच, त्याने आमचे आजार+ आणि आमची दुःखं स्वतःवर घेतली.+
आम्ही मात्र त्याला पिडलेला, देवाकडून शिक्षा झालेला आणि दुःख सोसलेला असं समजलं.
५ पण आमच्या अपराधांसाठी+ त्याला भोसकलं गेलं;+आमच्या पापांसाठी त्याला चिरडलं गेलं.+
त्याला झालेल्या शिक्षेमुळे आम्हाला शांती मिळाली,+आणि त्याला झालेल्या जखमांमुळे आम्ही बरे झालो.+
६ आम्ही सगळे मेंढरांसारखे भरकटलेले आहोत,+प्रत्येक जण आपापल्या मार्गाने चालत आहे,आणि आमच्या सगळ्यांच्या पापांचा भार यहोवाने त्याच्यावर लादला आहे.+
७ त्याच्यावर जुलूम करण्यात आले,+ पण त्याने ते सोसले.+
त्याने आपल्या तोंडातून एक शब्दही काढला नाही.
एखाद्या मेंढरासारखं त्याला कत्तल करण्यासाठी नेण्यात आलं.+
मेंढी जशी लोकर कातरणाऱ्‍यांपुढे गप्प राहते,तसं तो गप्प राहिला; त्याने आपलं तोंड उघडलं नाही.+
८ त्याच्यावर जुलूम करण्यात आला आणि योग्य न्याय न करताच त्याला नेण्यात आलं;कोणी हे जाणून घेण्याचा प्रयत्न केला का, की तो कोण आहे, कुठला आहे?*
त्याला जिवंतांच्या देशातून छाटून टाकण्यात आलं;+माझ्या लोकांच्या अपराधांसाठी त्याला मारण्यात आलं.*+
९ त्याने कोणताही अपराध केला नव्हता,आणि त्याच्या तोंडून कपटीपणाच्या* गोष्टी कधी निघाल्या नव्हत्या.+
पण तरी दुष्टांच्या कबरेत त्याची कबर नेमण्यात आली,*+आणि मृत्यूनंतर त्याला श्रीमंताच्या कबरेत पुरण्यात आलं.+
१० पण, तो चिरडला जावा ही यहोवाची इच्छा होती, आणि म्हणून त्याने त्याला दुःख सोसू दिलं.
हे देवा, तू जर त्याचं जीवन दोषार्पण म्हणून दिलंस,+तर तो आपली संतती* पाहील, आणि त्याला दीर्घायुष्य लाभेल.+
आणि त्याच्याद्वारे यहोवाची इच्छा पूर्ण होईल.+
११ सगळं काही सोसल्यानंतर तो आपल्या कष्टाचं फळ पाहील आणि त्याला समाधान मिळेल.
माझा नीतिमान सेवक+ आपल्या ज्ञानाने
अनेकांना नीतिमान ठरायला मदत करेल,+आणि तो त्यांच्या पापांचा भार वाहील.+
१२ म्हणून मी त्याला अनेकांसोबत वाटा देईन,आणि तो शूरवीरांसोबत लूट वाटून घेईल.
कारण त्याने आपलं जीवन दिलं,*+आणि त्याला अपराध्यांमध्ये मोजण्यात आलं;+त्याने अनेकांच्या पापांचं ओझं वाहिलं,+आणि अपराध्यांसाठी त्याने मध्यस्थी केली.+
तळटीपा
^ किंवा कदाचित, “आम्ही ऐकलेल्या गोष्टीवर.”
^ “त्याच्यासमोर,” हे पाहणाऱ्‍या एखाद्या माणसाला किंवा देवाला सूचित करत असावं.
^ किंवा कदाचित, “त्याला पाहून लोक आपलं तोंड फिरवायचे.”
^ शब्दशः “त्याच्या पिढीची माहिती जाणून घेण्याचा कोणी प्रयत्न केला का?”
^ किंवा “मारून टाकण्यात आलं.”
^ किंवा “हिंसेच्या.”
^ किंवा “तो त्याची कबर दुष्टांच्या कबरेत नेमेल.”
^ शब्दशः “बीज.”
^ शब्दशः “मरेपर्यंत आपलं जीवन ओतलं.”
