यशया ११:१-१६
११ इशायच्या+ बुंध्यातून एक छोटी फांदी+ उगवेल,आणि त्याच्या मुळांतून फुटलेला अंकुर+ फळ देईल.
२ यहोवाची पवित्र शक्‍ती* त्याच्यावर राहील.+
त्यामुळे तो बुद्धिमान+ आणि समंजस असेल,तो उत्तम सल्ला देईल आणि शक्‍तिशाली असेल,+त्याच्याकडे भरपूर ज्ञान असून त्याला यहोवाबद्दल खूप आदर असेल.
३ यहोवाचं भय बाळगण्यात तो आनंद मानेल.+
डोळ्यांना दिसेल तेवढ्यावरूनच तो न्याय करणार नाही,किंवा कानांनी ऐकेल तेवढ्यावरूनच तो कानउघाडणी करणार नाही.+
४ तो गरिबांना खरा न्याय देईल,*आणि नम्र लोकांच्या भल्यासाठी तो इतरांचं योग्य ताडन करेल.
तो पृथ्वीला आपल्या मुखाच्या छडीने मारेल,+आणि आपल्या फुंकरेने दुष्ट लोकांचा नाश करेल.+
५ नीतिमत्त्व त्याचा कमरबंद,आणि विश्‍वासूपणा त्याच्या कमरेचा पट्टा असेल.+
६ लांडगा कोकरासोबत शांतीने राहील,+आणि चित्ता बकरीच्या पिल्लाजवळ झोपेल.
वासरू, सिंह आणि धष्टपुष्ट प्राणी सगळे एकत्र राहतील;*+आणि एक लहान मूल त्यांना वाट दाखवेल.
७ गाय व अस्वल एकत्र चरतील,आणि त्यांची पिल्लं एकत्र झोपतील.
सिंह बैलाप्रमाणे गवत खाईल.+
८ दूध पिणारं बाळ नागाच्या बिळाजवळ खेळेल,आणि दूध तुटलेलं मूल विषारी सापाच्या बिळात हात घालेल.
९ माझ्या संपूर्ण पवित्र डोंगरावर ते कोणालाही त्रास देणार नाहीत,+किंवा कोणतंही नुकसान करणार नाहीत.+
कारण जसा समुद्र पाण्याने भरलेला आहे,तशी संपूर्ण पृथ्वी यहोवाच्या ज्ञानाने भरून जाईल.+
१० त्या दिवशी, राष्ट्रांसाठी निशाणी म्हणून इशायचं मूळ+ झेंड्यासारखं उभं राहील.+
राष्ट्रा-राष्ट्रांतले लोक मार्गदर्शनासाठी त्याच्याकडे येतील,*+आणि त्याचं निवासस्थान वैभवशाली होईल.
११ त्या दिवशी, यहोवा आपल्या उरलेल्या लोकांना परत आणण्यासाठी दुसऱ्‍यांदा हात पुढे करेल. तो अश्‍शूर,+ इजिप्त,+ पथ्रोस,+ कूश,+ एलाम,+ शिनार,* हमाथ इथून; तसंच, समुद्राच्या बेटांवरून आपल्या उरलेल्या लोकांना परत आणण्यासाठी हात पुढे करेल.+
१२ तो राष्ट्रांसाठी निशाणी म्हणून झेंडा उभारेल आणि इस्राएलच्या विखुरलेल्या लोकांना गोळा करेल.+ तो पृथ्वीच्या कानाकोपऱ्‍यांतून यहूदाच्या पांगलेल्या लोकांना एकत्र करेल.+
१३ एफ्राईमची ईर्ष्या नाहीशी होईल,+आणि यहूदाच्या शत्रूंचा नाश होईल.
एफ्राईम यहूदाबद्दल ईर्ष्या बाळगणार नाही,आणि एफ्राईमबद्दल यहूदाच्याही मनात शत्रुत्व राहणार नाही.+
१४ ते पश्‍चिमेकडे पलिष्ट्यांच्या उतारांवर* झडप घालतील;एकत्र मिळून ते पूर्वेकडच्या लोकांना लुटतील.
ते अदोमवर+ आणि मवाबवर आपला हात उचलतील,*+आणि अम्मोनी लोक त्यांच्या अधीन होतील.+
१५ यहोवा इजिप्तच्या समुद्राची खाडी* दुभागेल,*+आणि महानदीवर* आपला हात उगारेल.+
तो आपल्या उष्ण श्‍वासाने* तिचे सात फाटे कोरडे करेल,*आणि लोक पायांतले जोडे न काढता पार जातील.
१६ इस्राएल इजिप्तमधून बाहेर निघाला, तेव्हा त्याने त्याच्यासाठी जसा एक महामार्ग बनवला होता,+तसा महामार्ग तो आपल्या उरलेल्या लोकांना अश्‍शूरमधून निघण्यासाठी बनवेल.+
तळटीपा
^ शब्दार्थसूची पाहा.
^ किंवा “गरिबांचा नीतीने न्याय करेल.”
^ किंवा कदाचित, “वासरू आणि सिंह एकत्र चरतील.”
^ किंवा “त्याला शोधतील.”
^ म्हणजे, बॅबिलोनिया.
^ शब्दशः “खांद्यांवर.”
^ किंवा “अधिकार गाजवतील.”
^ शब्दशः “जीभ.”
^ किंवा कदाचित, “कोरडी करेल.”
^ म्हणजे, फरात नदी.
^ किंवा “पवित्र शक्‍तीने.”
^ किंवा कदाचित, “तिचे सात फाटे करेल.”
