A Zeova Kaset rãmbã gɩdgame tɩ b ra ges filim kẽere, bɩ b ra karem sɛb wall b kelg mizik kẽer bɩ?
Ayo. Tõnd siglgã pa vaeesd filim-dãmba, sɛb wall mizigsi, n na n bãng a Zeova Kaset soab sã n segd n laka a meng ne rẽ ye. Bõe yĩnga?
Biiblã sagenda ned fãa t’a modg n tall yam, n tõog n bãng sẽn yaa sõma ne wẽng n bake.—Ebre-rãmbã 5:14.
Sagls n be Biiblã pʋgẽ, kiris-ned sẽn tõe n bʋgs b zugu, n bãng n yãk pemsem kokr bɩ reem sẽn zemse. a Sẽn yaa bũmb ning fãa pʋgẽ, tõnd rat n ‘mak n bãnga bũmb nins sẽn tat Zu-soabã yam.’—Efɛɛs-rãmbã 5:10.
Biiblã wilgame tɩ yaa zak-soben-dãmbã n segd n yãk pemsem kokr bɩ reem nins sẽn zems ne b zakã rãmbã. (1 Korẽnt-rãmbã 11:3; Efɛɛs-rãmbã 6:1-4) Zakã pʋgẽ sẽn yãk a toogo, ned pa tar sor n na n wilg filim bɩ mizik wall reem tigingã neb sẽn pa tog n ges bɩ n kelg ye.—Galat-rãmbã 6:5.
a Wala makre, Biiblã wilgame tɩ d zãag d mens ne reem buud fãa sẽn naag ne zĩn-dãmb yɛla, pa rẽ bɩ yoob wall nen-kɛglem.—Tõodo 18:10-13; Efɛɛs-rãmbã 5:3; Koloos-rãmbã 3:8.
Découvrez aussi…
BIIBLÃ SẼN YETE
Kos-y Biibl zãmsgo
Y tõe n paamame t’a Zeova Kaset soab wa zãms yãmb Biiblã, yãmb y ye bala.