SAK 76
A Zeezi riga neb wẽnd-doogẽ wã
Yʋʋmd 30 wã tʋʋl-nif kiuugã pʋgẽ, a Zeezi kẽnga Zerizalɛm. Neb wʋsg ra waame n na n maan Pakã kibsa. Kibsã sasa, b ra kʋʋda rũms n maand maand wẽnd-doogẽ wã. Neb kẽer tallda b rũms n wa, tɩ sãnda wat n daad rũmsã Zerizalɛm.
A Zeezi taa wẽnd-doogẽ wã n mik tɩ neb n koosd rũms wẽnd-doogã pʋgẽ. B ra baooda ligd a Zeova roogẽ wã. Bõe la a Zeezi maan-yã? A rɩka wĩ n maan kalwaase, n dig piisã la niisã n yiis wẽnd-doogẽ wã. A luba ligd-tekdbã taabl-dãmba, tɩ b ligdã sãeege. A Zeezi yeela neb nins sẽn da koosd marwalã yaa: ‘Yiis-y bõn-kãensã kaanẽ. Da rɩk-y mam Ba wã roog tɩ yɩ koosem doog ye.’
A Zeezi sẽn maan bũmb ningã linga neb nins sẽn da be wẽnd-doogẽ wã. A karen-biisã tẽega b sẽn da yeel bũmb ning Mesi wã wɛɛngẽ wã. B ra yeelame: ‘Mam na n nonga a Zeova roogã ne m sũur fãa.’
Yʋʋmd 33 wã, a Zeezi waa wẽnd-doogẽ wã n le rig neb sẽn da be beenẽ n koosd teedo. A pa bas tɩ nebã maan bũmb sẽn pa sõma a Ba wã roogẽ ye.
“Yãmb pa tõe n yaa Wẽnnaam yembse, la y yaa arzɛgsã yembs me ye.”—Luk 16:13
Découvrez aussi…
A ZEEZI YAA SORE, LA SƖDA, LA VƖƖM
A Zeezi talla yẽesem tũudum hakɩɩkã yĩnga
Tõodã pʋgẽ, Wẽnnaam ra kõo sor tɩ nebã tõe n wa Zeruzalɛm n wa ra rũms maoongã yĩnga. Bõe yĩng masã t’a Zeezi sũurã puug ne lɛɛbdbã sẽn da be wẽnd-doogẽ wã?
LEBG A ZEOVA ZOA: VIDEO-RÃMB SẼN KÕT YAM
Da reem a Zeova roogẽ wã ye
Bõe la f tõe n maan n wilg tɩ f nonga a Zeova roogã?
