Y sẽn na n bãng bũmb ning Wẽnnaam Gomdã pʋgẽ
Yaa Wẽnnaam goam n be Biiblã pʋgẽ, koees a sẽn taasd tõndo. Biiblã wilgda tõnd d sẽn tõe n maan tɩ d vɩɩmã tall barka, la tɩ Wẽnnaam me sũur yɩ noog ne-do. A leb n sõngda tõnd tɩ d paam sogsg leoore. Wala makre:
Y MAANDA WÃN N BÃNG N LAK BIIBLÃ ZĨIG B SẼN WILGI?
Biiblã yaa sɛb 66 sẽn naag taaba. B pʋɩ-a-la zĩis a yiibu. Pipi wã yaa sɛb nins b sẽn da gʋls ne hebre la arameẽ wã (“kãab-kʋdgã”). Yiib-n-soabã yaa sɛb nins b sẽn da gʋls ne gɛrkã (“kãab-paalgã”). Biiblã sebr fãa pʋɩɩ sak-saka, tɩ sak fãa tar vɛrse-rãmba. B sã n na n wilg zĩig b sẽn dat tɩ y karme, b rengd n wilga sẽn yaa Biiblã sebr ningã. Pipi nimero wã wilgda sẽn yaa seb-kãng sak ningã. Nimero rãmbã sẽn ketã wilgda vɛrse nins y sẽn tog n karmã. Wala makre, b sã n yeel tɩ Sɩngre 1:1, yaa Sɩngr sebrã, sak a 1, vɛrse a 1.