SAK 14
Bõe la y tõe n maan n wilg a Zeova tɩ yẽ la y sakda?
Wilg-y tɩ y bee Wẽnnaam poorẽ. 1 Pɩɛɛr 5:6-9
Ra kẽes-y y toog rog-n-mik la tigr baa a ye sẽn kɩɩsd Biiblã noyã pʋgẽ ye. Woto baooda raoodo.
Ra kẽes-y y toog politik yɛlẽ, bala b pa be a Zeova la a Rĩungã poorẽ ye.
Yãk-y yam n kelg Wẽnnaam la y tũ-a, tɩ rẽ n segde. Matɩe 7:24, 25
Kẽnd-y a Zeova Kaset rãmbã tigissã, tɩ b na n sõng-y lame tɩ y paam Wẽnnaam zoodo.
Bao-y n bãng-y Wẽnnaam n paase, la y modg n sakd a noyã.
Y sã n bãng Wẽnnaam sõma, y tog n dɩka y meng n kõ-a la y reeg koom lisgu.—Matɩe 28:19.
Kelgd-y Wẽnnaam. Karemd-y Biiblã, la y kos a Zeova Kaset rãmbã tɩ b sõng-y tɩ y wʋm a goamã võore. Tũ-y y sẽn zãmsdã. Woto, y na n wa vɩɩmda wakat sẽn kõn sa.—Yɩɩl Sõamyã 37:29.
Découvrez aussi…
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
KIBAY TÕND ZUGU
Kẽng-y tigsga
Bao-y n bãng-y bũmb kẽer tõnd tigissã wɛɛngẽ. Bao-y n bãng-y tigsg zĩig sẽn pẽ ne-yã.
