Sogsg Biiblã sẽn leokde
Naong tõe n saa dũniyã gill zug bɩ?
Bõe la wẽnnaam na n maan tɩ naongã sa dũniyã zugu?—MATYE 6:9, 10.
Naongã yaa sabab tɩ neb milyõ-rãmb kiidẽ, b sẽn pa paamd n dɩtẽ tɩ sekdẽ, wall bãas yĩnga. Yaa sɩd tɩ tẽns kẽer yidgame, la neb wʋsg ket n vɩɩ pɛt pʋgẽ. Biiblã yeelame tɩ hal pĩnd n tãag masã, naongã bee dũniyã zugu.—Karm-y Zã 12:8.
Sẽn na yɩl tɩ naongã sa, yaa tɩlɛ tɩ d paam goosneema-yɛng sẽn na n soog dũniyã gilli, n ges tɩ b pʋɩ dũniyã paoongã tɩ ta nebã fãa. Goosneema-kãng segd n kɩtame me tɩ zabã sa, bala, zabã me wata ne naongo. Wẽnnaam pʋlmame t’a na n lugla goosneema sẽn na n maan woto.—Karm-y Dãniyɛll 2:44.
Ãnda n tõe tɩ naongã sa?
Wẽnnaam yãka a Bi-ribl a Zeezi t’a na n dɩ naam dũniyã gill zugu. (Yɩɩn-sõamyã 2:4-8) A na n fãaga naong rãmbã, la a kɩt tɩ wẽgbã ne nen-kɛglmã sa.—Karm-y Yɩɩn-sõamyã 72:8, 12-14.
A Zeezi sẽn yaa laafɩ Naabã na n kɩtame tɩ laafɩ la bãan zĩnd dũniyã gill zugu. Wakat kãnga, ned kam fãa na n paama a toorẽ zaka, n tʋmd a yam tʋʋmde, la a paam rɩɩb tɩ seke.—Karm-y Ezayi 9:5, 6; 65:21-23.
Découvrez aussi…
GŨUSG GASGÃ
Bõe la a Zezi na n maan n kõ-d ka la bilfu?
A Zezi na n kɩtame tɩ laafɩ zĩnd tẽngã zugu.
SOGSG BIIBLÃ SẼN LEOKDE
Bõe la Wẽnnaam Rĩungã na n maane?
Bao-y n bãng-y bũmb nins y sẽn tõe n paame, Wẽnnaam Rĩungã sã n wa rɩt naam dũniyã gill zugu.
