Sogsg Biiblã sẽn leokde
Bõe yĩng tɩ d tog n pʋʋs n kos tɩ Wẽnnaam Rĩungã wa?
Y rat n bãnga Wẽnnaam Rĩungã sõma, la a sẽn na n maan bũmb nins bɩ?
Wẽnnaam Rĩungã yaa goosneema sẽn be saasẽ. A Zezi yeela a karen-biisã tɩ b pʋʋs n kos tɩ Rĩungã wa, bala yaa Rĩungã n na n kɩt tɩ tɩrlem la laafɩ zĩnd tẽngã zugu. Ninsaalbã goosneemã baa a ye pa tõe tɩ nen-kɛglmã, wẽgbã la bãasã sa fasɩ ye. Yaa Wẽnnaam Rĩungã bal n tõe rẽ, la a sɩd na n wa maana woto. Yaa a Zezi la Wẽnnaam yãk t’a na n yɩ Rĩungã Rĩma. Wẽnnaam leb n yãka kiris-neb kẽere, tɩ b na n tɩ rɩ naam ne a Zezi saasẽ.—Karm-y Luk 11:2; 22:28-30.
Ka la bilfu, Wẽnnaam Rĩungã na n menesa a bɛɛbã gilli. Dẽnd d sã n wa pʋʋsd n kõtẽ tɩ Wẽnnaam Rĩungã wa, d kotame t’a wa ledg ninsaalbã goosneema rãmbã fãa.—Karm-y Daniɛll 7:13, 14; Wilgr 11:15, 18.
Bõe n wilgd tɩ Wẽnnaam Rĩungã na n nafa ninsaalbã?
A Zezi n tog n yɩ Rĩma, bala a yaa nimbãan-zoeta. A sẽn yaa Wẽnnaam Biigã, a tara tõog me n tõe n sõng neb nins sẽn namsd n dat Wẽnnaam sõngrã.—Karm-y Yɩɩl Sõamyã 72:8, 12-14.
Wẽnnaam Rĩungã sã n wa, na n nafa neb nins sẽn da pʋʋsd ne b sũy fãa n kotẽ t’a wa wã, la sẽn da modgd n maand Wẽnnaam daabã. Y sã n zãms Biiblã n tõog n bãng Wẽnnaam Rĩungã sõma, y kõn tol n maan y bãngẽ ye.—Karm-y Luk 18:16, 17; Zã 4:23.
Découvrez aussi…
SOGSG BIIBLÃ SẼN LEOKDE
Bõe la Wẽnnaam Rĩungã na n maane?
Bao-y n bãng-y bũmb nins y sẽn tõe n paame, Wẽnnaam Rĩungã sã n wa rɩt naam dũniyã gill zugu.
GŨUSG GASGÃ
Bõe la y tõe n maan tɩ Wẽnnaam Rĩungã naf yãmba?
Y sã n date, y tõe n paama sok-kãngã leoore.
