Karen-biig a Zak maka Biiblã ne nen-gɛtg sẽn tõe n sõng tõnd tɩ d bãng d sẽn sɩd yaa ned ning buudã. (Zak 1:22-25) Bõe la d tõe n maan tɩ Biiblã sẽn yaa wa nen-gɛtgã naf-d sõma?

Maagd-y y yĩng n karemd-a. D sã n ges d mengã nen-gɛtg pʋgẽ tao-tao n kẽng n looge, d tõeeme n pa yã bũmb sẽn segd ne manegr ye. Woto me, d sã n dat n bãng d sẽn sɩd yaa ned ning buudã sã n data remsgo, d pa segd n karemd Biiblã var-var ye. D segd n maagda d yĩng n karemd-a.

Tagsd-y bũmb nins y sẽn segd n demsã yelle, la pa neb a taabã yell ye. Y sã n kɩll nen-gɛtg n gese y tõe n nee neb a taab zamse. Woto me, d tõe n karemda Biiblã la d tagsd neb a taab zams yelle. D sã n maand woto pa na n sõng-d tɩ d rems tõnd mengã zamsã ye.

Ra yɩ-y dem-dem ne y meng ye. D sã n tar nen-gɛtg n get d zamsã bala, tõe n komsa d raoodo. D sã n wa karemd Biiblã d segd n gũusame n da yɩ dem-dem ne d mengã n baood n na n maan tɩ zʋʋg a Zeova sẽn datã ye.—Zak 3:17.