1. Pẽg-y Wẽnnaam a Zeova,

sẽn nong laafɩ wã.

A na n men’sa zabã fãa,

tɩ laafɩ zĩndi.

A Zeezi yaa Rĩm-sõngo,

yaa laafɩ naaba.

A na n tõoga a bɛɛbã fãa,

tɩ laafɩ zĩndi.

2. Tõnd basa mo-beed la beem,

Ne sũ-toog buud fãa.

Tõnd rɩka d zab-teedã fãa,

n maan tʋʋm-teedo.

Bɩ d kell n kõ taab sugri,

tɩ laafɩ zĩndi.

Tõnd sẽn yaa a Zeezi nebã,

bɩ d fãa bao laafɩ.

3. Laafɩ sẽn be tõnd sʋkã,

yaa Wẽnnaam barka.

Tõnd sakda ne sũ-noogo,

n tũud a noyã.

Tõnd sẽn yaa Wẽnnaam nebã,

d baooda laafɩ,

la d gũud t’a Rĩungã wa ne

laafɩ hakɩɩka.