Ne pagb la rap kibay sẽn be Biiblã pʋgẽ maasem, a Zeova zãmsda tõnd d sẽn tõe n bɩɩs zʋg-sõma to-to. La a Zeova sẽn naan bũmb ninsã me sõngda tõnd tɩ d bãngd bũmb wʋsgo. (Zoob 12:7, 8) Wala makre, raoodã wɛɛngẽ, d tõe n dɩka yam gɩgemde, wed-moaaga, pɩɩlfo, liuul la wobg nengẽ.

GES-Y VIDEO WÃ: RŨMS SẼN TÕE N SÕNG-D TƖ D BƖƖS RAOODO. RẼ POOR BƖ Y LEOK SOGSGÃ:

• Bõe la gɩgem-yãasã maand n kogend b kambã, tɩ wilgd tɩ b tara raoodo?

• Bõe la b maand sẽn na yɩl tɩ wed-moaag tall raood zabr sasa?

• Bõe yĩng tɩ pɩɩlfã pa zoet waaf zẽnem?

• Bõe la liuulã maand tɩ wilgd t’a tara raoodo?

• Bõe la wobdã maand n sõngd b taabã, tɩ wilgd tɩ b tara raoodo?

• Bõe la rũm-kãensã sõngd yãmb tɩ y bãng raoodã wɛɛngẽ?