Zoob sebre 33:1-33
33 “La masã, Zoobe, m bõos tɩ f kelg-ma.Kelg bũmb ning fãa m sẽn na n yeelã.
2 Gese! M segd n yaaga m noore.Mam zɩlemdã segd n gomame.
3 Mam goamã wilgda m sũurã tɩrlem,+tɩ m no-bɩmsã togsd m sẽn mi wã ne pʋ-peelem.
4 Wẽnnaam vʋʋsmã n naan maam.+Sẽn-tõe-a-fãa wã vʋʋsmã n kõ maam vɩɩm.+
5 Fo sã n tõe bɩ f leok maam.Segl f meng n gom mam taoore.
6 Gese! Wẽnnaam taoore, ma-me yaa wa foom.B naana ma-me ne tãndo.+
7 Dẽ wã, mam pa segd n kẽes-f rabeem,m sẽn na n yeel-fã me pa na n nams-f ye.
8 La fo gomame tɩ mam wʋme.Sɩd-sɩda, m da wʋmda fo gom-kãensã:
9 ‘Mam yaa yɩlemde, n pa maan yel-wẽnd ye.+Mam yaa yɩlemde, m pa beeg ye.+
10 La Wẽnnaam baooda bʋʋm n na n zab ne maam.A geta maam wa a bɛ.+
11 A balga mam naoã.A gũusda m soayã fãa.’+
12 La fo sẽn yeel woto wã, fo ka bʋʋm ye. Dẽ wã, mam na n leoka foom.
Wẽnnaam yaa kãseng n yɩɩd ninsaal sẽn yaa kiidã hal zĩig sẽn zãre.+
13 Bõe yĩng tɩ fo yẽgemd ne-a?+
Yaa a sẽn pa leok fo goamã fãa wã yĩng bɩ?+
14 Wẽnnaam gomda vugri, la a leb n gom naoor a yiib-n-soaba,la ned baa a ye pa kelgd ye.
15 Yẽ gomda zãmsd pʋgẽ, a gomda yʋng bõn-makr pʋgẽ,+wakat ning nebã sẽn wat n gõe tamm,b sẽn wat n gõe b gãagẽ wã.
16 Dẽ, a yokda nebã tʋbã+n tabended a tõodã b yamẽ wã,
17 n na n kɩt tɩ ned bas wẽng maanego,+la a kogl ned ne wuk-m-menga.+
18 Wẽnnaam fãagda a sɩɩgã* t’a ra sig bokẽ wã,*+la a pa basd me tɩ sʋʋg yãk a yõorã ye.
19 Toog me kibinda ned a gãagẽ,t’a kõabã sẽn zabd n pa basdẽ wã me kibind-a,
20 hal t’a pa le nong rɩɩbo,n pʋd n zãgsd rɩ-noog menga.+
21 A yĩn-nemsã satame tɩ nebã neẽ,t’a kõabã sẽn da solgã puk masã.
22 A sɩɩgã* kolgda bokã,*t’a vɩɩmã kolgd sẽn wat-b ne kũumã.
23 La koe-taasd* sã n wa a nengẽ,ned a ye neb tusr sʋk sẽn sõngd-asã n wilg-a sẽn yaa tɩrga,
24 dẽ, Wẽnnaam na n zoee a nimbãaneg n yeel yaa:‘Da bas-y t’a sig bokã* pʋg ye!+
Mam paama yaood n na n yao n dol a yĩnga!+
25 Bɩ a yĩngã lebg sõma n yɩɩg a bi-bɩɩlmã wakate,+la bɩ a leb n paam keelem wa a bi-bɩɩlmã sasa.’+
26 A na n yõka Wẽnnaam sɛɛga,+ la a na n deega a kosgã.A na n yãa Wẽnnaam nengã n kaas sũ-noogo,la Wẽnnaam na n le ges-a-la wa nin-tɩrga.*
27 Nin-kãng na n yeela nebã yaa:‘Mam beegame+ n golem sẽn yaa tɩrga,la m pa paam sɩbgr ning m sẽn da segd ne wã ye.*
28 A fãaga mam sɩɩgã* t’a pa sig bokẽ wã,*+la mam vɩɩmã na n yãa vẽenemã.’
29 Woto, Wẽnnaam maanda bõn-kãensãnaoor a yiibu, la naoor a tãab meng n kõ neda,
30 n na n fãag-a ne bokã,*sẽn na yɩl t’a maan sũ-noog ne vɩɩmã vẽenem.+
31 Zoobe, kelge! Kelg maam!
Sĩnd tɩ m kell n gome.
32 Fo sã n tar bũmb n na n yeel bɩ f leok-ma.
Gome, bala m dat n wilgame tɩ f bee bʋʋm.
33 Fo sã n pa tar bũmb n na n yeele, bɩ f kelg maam.Sĩnd tɩ m na n zãms-f-la yam.”
Vẽnegr toor-toore
^ Bɩ, “yaoogẽ wã.”
^ Bɩ, “a vɩɩmã.”
^ Bɩ, “a vɩɩmã.”
^ Bɩ, “yaoogã.”
^ Bɩ, “malɛk.”
^ Bɩ, “yaoogã.”
^ Ebre, “a na n lebsa ninsaal sẽn yaa kiidã a tɩrlmã.”
^ Pa rẽ bɩ, “la pa naf maam ye.”
^ Bɩ, “vɩɩmã.”
^ Bɩ, “yaoogẽ wã.”
^ Bɩ, “yaoogã.”
