Zonas sebre 3:1-10
3 A Zeova goma ne a Zonas naoor a yiib-n-soab n yeel yaa:+
2 “Yik n kẽng Niniiv+ sẽn yaa tẽn-kãsengẽ wã, n tɩ moon koɛɛg ning mam sẽn togs foomã.”
3 Dẽ, a Zonas saka a Zeova koɛɛgã,+ n yik n kẽng Niniivi.+ Niniiv ra yaa tẽng sẽn yalem wʋsgo,* tɩ ned sã n na n kẽn n gilg-a,* bɩ na n ta rasem a tãabo.
4 A Zonas tɩ kẽe tẽngã, n kẽn daar a ye tõr la a moondẽ yaa: “Ka la rasem pis-naas bala, b na n sãama Niniivi.”
5 Niniiv nebã tẽe Wẽnnaam.+ B moona no-loeer la b sẽgen boto, sẽn sɩng ne sẽn yaa-a kãseng n yɩɩdã, n tãag sẽn yaa-a bilf n yɩɩd bãmb sʋkã.
6 Koɛɛgã sẽn ta Niniiv rĩmã, a yika a geerã zug n yeeg a naamã fuugu, la a yeelg bot n zĩnd tompɛglem pʋgẽ.
7 Sẽn paase, a yiisa noor n kɩt tɩ b gilg n moon Niniiv tõrã n yeel yaa:“Ad noor rĩmã ne a nin-kãsemsã sẽn yiisi: Ninsaal wall rũnga, rat n yeel tɩ rũm-bɛdã la rũm-bõonegã pa segd n dɩ baa fʋɩ ye. B pa segd n dɩ rɩɩb wall b yũ koom ye.
8 Bɩ ninsaalbã ne rũmsã yeelg boto. Bɩ b bool Wẽnnaam ne b sũy fãa, la b bas b manesem-wẽnsã la nen-kɛglem tʋʋmã b sẽn tʋmdã.
9 Daar ninga, Wẽnnaam sɩd-sɩdã na n toeema yam* n pa maan bũmb ning a sẽn magd n na n maanã, la a kɩt t’a sũ-pu-kãsengã sigi, sẽn na yɩl tɩ d ra ki ye.”
10 Wẽnnaam sẽn yã bũmb ning b sẽn maanã, b sẽn toeem n bas b manesem-wẽnsã,+ a toeema yam* yel-beed ning a sẽn da yeel t’a na n kɩtame tɩ wa b zutã wɛɛngẽ, n pa kɩt tɩ wa ye.+
Vẽnegr toor-toore
^ Ebre, “tẽng sẽn yaa kãseng Wẽnnaam nifẽ.”
^ Bɩ, “n pasg-a.”
^ Bɩ, “maana a bãngẽ.”
^ Bɩ, “maana a bãngẽ.”
