Zeremi sebre 6:1-30
6 Yãmb a Bẽnzame yagense, zãag-y ne Zerizalɛm n tɩ bao soondg zĩiga.
Peeb-y baorg+ Tekowa.+Widg-y bugum Bɛt-akerɛm zug tɩ yɩ bãnde!
Bala yel-beed n yi rɩtg n watẽ. Yaa yel-beed meng-menga.+
2 Siyõ bi-puglã wõnda pʋg-neer sẽn nong a menga.+
3 Rũm-kɩɩmbã na n waa ne b rũmsã.
B na n tilga b fu-rotã n gilg-a,+tɩ b ned kam fãa wãbend rũms nins yell a sẽn segd n gesã.+
4 “Segl-y y mens n zab ne-a!
Yik-y-yã, tɩ d zab ne-a wĩnto-sʋka!”
“Toog bee tõnd zugu, bala wĩndgã kɩlldame.Bala zaabrã maasem lebgda wogdo!”
5 “Yik-y tɩ d zab yʋngã,n sãam a gasdã sẽn tar pãngã.”+
6 Bala ad tãb-biis naab a Zeova sẽn yeele:
“Kɛ-y raado, la y gũbg Zerizalɛm n zab ne-a.+
A yaa tẽng sẽn segd n kolg n togse.Bũmb ka be a pʋgẽ wã n zʋʋg maan taab pãng ye.+
7 Wẽnem yita a pʋgẽ,wa ko-maasg sẽn bund bulg pʋgẽ to-to wã.
B wʋmda nen-kɛglem la sãoong rãamd a pʋgẽ.+Yaa bãas la tood bal la mam ne-yã.
8 Zerizalɛm, kelg keoogrã, sã n pa rẽ, m* na n daaga foo n bas la m kisg-fu.+Mam na n kɩtame tɩ fo lebg raboogo, tẽng ned baa a ye sẽn pa be a pʋgẽ.”+
9 Ad tãb-biis naab a Zeova sẽn yeele:
“B na n yiisa Israyɛll neb nins sẽn kellã fãa wa b sẽn yiisd viyn biis to-to wã.
Le tẽeg f nug wa ned sẽn wobd viyn biisi.”
10 “Ãnda la mam na n gom ne la m keooge?
Ãnda n na n kelge?
Ade! B tʋbã yẽdame,* tɩ b pa tõe n kelg ye.+
Ade! A Zeova gomdã lebga bũmb b sẽn yaande.+B pa paamd sũ-noog baa bilf a pʋgẽ ye.
11 A Zeova sũ-puugrã pida maam,hal tɩ m ya n pa le tõe n sĩnd ye.”+
B yeela maam yaa: “Kiig-a biigã sẽn be sorã zugã zugu,+la kom-bɩɩsã sẽn tigim taabã zutu.
B na n yõga b fãa n looge, tɩ yaa rao ne a paga,nin-kẽembã la nin-kẽem-kulkuudã.*+
12 B rotã na n lebga neb a taab rẽnda,n paas b pʋtã la b pagbã.+
Bala mam na n tẽega m nug n zab ne tẽngã nebã.” Yaa a Zeova n yeele.
13 “Bala b ned kam fãa baooda zãmb paoongo,+ sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã.B ned kam fãa wẽgda a taaba,+ sẽn sɩng ne no-rɛɛsdbã n tãag maan-kʋʋdbã.
14 B makdame n na n tɩp mam nin-buiidã noadã* yaal-yaale,* n yetẽ:‘Laafɩ beeme! Laafɩ beeme!’
Tɩ laafɩ yaool n kae ye.+
15 B zoeta yãnd ne b sẽn maan bũmb nins mam sẽn kisã sɩda?
B pa zoet yãnd baa bilfu!
B pa mi yãn-zoeer meng ye!+
Yaa rẽ yĩng la b sẽn na n lʋɩ sẽn zoe n lʋɩ-bã sʋkã.
M sã n wa na n sɩbg-ba, b na n lags n lʋɩɩme.” Yaa a Zeova n yeele.
16 Ad a Zeova sẽn yeele:
“Yaas-y sotiisã zut n gese.
Sok-y pĩnd wẽndẽ soayã yelle.Sok-y so-sõngã sẽn be zĩig ninga, n kẽn a zugu,+n paam yolsgo.”
La b leokame yaa: “Tõnd pa na n kẽn a zug ye.”+
17 “Mam yãka gũudb+ tɩ b yeele:‘Kelg-y baorgã rãamde!’”+
La bãmb leokame yaa: “Tõnd pa na n kelg ye.”+
18 “Woto wã, yãmb a bu-zẽmsã, kelg-y-yã!
Yãmb a nin-buiidu, bãng-ybũmb ning sẽn na n paam-bã.
19 Foom a tẽnga, kelge!
Mam na n kɩtame tɩ yel-beed wa nin-kãensã zutu,+tɩ yɩ b mag-wẽnsã biisi,bala b pa kelg mam goamã ye.B zãgsa mam tõogã* tũubu.”
20 “Yãmb sẽn tar wisd sẽn yaa pɛɛlg n yit Saba n watẽ wã,la y tar raad sẽn tar yũ-noog n yit zĩ-zãrgẽ n watẽ wã, mam toog be ne rẽ sɩda?
Yãmb maand sẽn yõogd bugmã pa tat mam yam ye.Yãmb maandã pa noom maam ye.”+
21 Woto yĩnga, ad a Zeova sẽn yeele:
“Ade! Mam dɩgenda bũmb toor-toor sẽn tõe n kɩt tɩ ned lak n lʋɩ, nin-kãensã yĩnga.B na n lagsa bõn-kãense.Yaa ba-rãmbã la kambã fãa,la ned ne a tũud-n-taaga.B fãa na n sãamame.”+
22 Ad a Zeova sẽn yeele:
“Ade! Buud n yi rɩtg soolmẽ wã n watẽ.Bu-kãseng n na n nek hal tẽngã zĩ-zãrsẽ.+
23 B na n zãa tãbd la kãna.
B yaa nin-toose, n pa na n zoe ned nimbãaneg ye.
B koeesã rãamd na n sãda wa mogrã rãamde.B zaoo wed-moose.+
Siyõ bi-pugla, b tonga taab zabr yĩng wa gãndaoog n na n zab ne foom.”
24 Tõnd wʋma rẽ kibare.
Tõnd nusã kiime n pa le tar pãng ye.+Toog n tar tõndo.Yaa toog* sẽn yaa wa pag sẽn wat n dogdẽ toogo.+
25 Ra yi-y n kẽng-y weoogẽ wã ye.Ra kẽn-y sorã zugu,bala bɛyã tara sʋʋga.Zĩig fãa yaa rabeem.
26 Mam neba,yeelg-y boto,+ la y bilim tompɛglem pʋgẽ.
Maan-y sũ-sãang n yãb ne sũ-toogo,+ wa ned sẽn yãbd a bi-ribl-yend kʋʋre.Bala sãamdã na n waa yãmb zug zĩig pʋgẽ.+
27 “Mam kɩtame tɩ fo* lebg wa ned sẽn yɩlgd sãnem la wanzuri,bala fo segd n yɩlga mam nin-buiidã.Fo segd n maagda f yĩng n get-ba, la f gũusd n get bũmb nins b sẽn maandã.
28 B fãa yaa neb sũy sẽn diglim wʋsgo.+B gõodame n maand munaafɩglem.+
B yaa wa zũud la kutu.B fãa maanda wẽnga.
29 Bũmb nins b sẽn tar n zugdẽ wã rɩɩ bugum.
Yaa namd n yit bugmẽ wã.
B tara yɩlgr n pa basdẽ, la yaa zaalem bala.+B pa welg nin-wẽnsã toor ye.+
30 Hakɩɩka, nebã na n boond-b lame tɩ wanzuri b sẽn pa le rate,bala a Zeova raag-b lame n base.”+
Vẽnegr toor-toore
^ Bɩ, “mam sɩɩgã.”
^ Ebre, “B tʋbã pa kẽ bãongo.”
^ Ebre, “neb nins sẽn tɩg ne rasmã.”
^ Bɩ, “zugẽ-zugẽ.”
^ Bɩ, “kaoondã.”
^ Bɩ, “zãmsgã.”
^ Ebre, “rogem toog.”
^ Rat n yeel t’a Zeremi.
