Yel-bũnã sebre 22:1-29
22 F sẽn na n tar yʋ-noog* n são arzɛk wʋsgo.+B sẽn na n waoogd-f* n são wanzuri ne sãnem.
2 Ad bũmb sẽn kɩt tɩ arzɛk soab ne naong soab wõnd taaba:*
Yaa a Zeova n naan b fãa.+
3 Gũus-m-meng soab yãta yell n solge,la sẽn pa tar-b minimã kelld n kẽngame, n bao yell n kõ b mense.
4 Sik-m-meng ne a Zeova zoees sẽn wat ne bũmb ninsãyaa arzɛgse, ziir la vɩɩm.+
5 Gõos la bẽds n be nin-wẽng sor zugu,la ned ning fãa sẽn nand a vɩɩmã* zãagda a meng ne bõn-kãense.+
6 Zãms biig* sor ning a sẽn segd n tũ wã.+Baa a sã n wa lebg kãsma, a pa na n bʋdg n bas-a ye.+
7 Arzɛk soab n so naong rãmba.Ned sã n tɩ peng a to bũmbu, a lebgda bũmbã soab yamba.+
8 Ned sã n maand* sẽn pa tɩrga, a na n paama* yel-beedo.+B na n kaooga a sũ-puugrã rasaare.+
9 Ned sẽn yaa kõat na n paama barka,bala a pʋɩta a rɩɩbã ne naong rãmba.+
10 Rig nin-yaand t’a looge,tɩ rẽ la no-koeemdã na n sa.Zabã ne tʋyã me na n saame.
11 Ned ning sũur sẽn yaa yɩlemde, la sẽn gomd gom-noodna n paamame tɩ rĩmã yɩ a zoa.+
12 A Zeova kogenda bãngre,la a sãamda zãmb dãmbã goama.+
13 Kʋɩɩm yetame yaa: “Gɩgemd n be yɩnga!
A na n kʋʋ maam zãma wã zĩig tẽn-sʋka!”+
14 Pʋg-wɛgemsã* noy yaa wa bog-zulunga.+
A Zeova sẽn ning a soab taal n na n lʋɩ a pʋgẽ.
15 Yalemd tara pãng biig* sũurẽ,+la kiblg rasaar n na n kɩt t’a yi n zãag ne-a.+
16 Sẽn zãmbd-a naong soab sẽn na yɩl n paas a paoongo,+ne sẽn kõt-a arzɛgs rãmb kũunna n baasa naong pʋgẽ.
17 Kɩll f tʋbr n kelg yam dãmb goam+n tõog n sak mam bãngrã ne f sũur fãa.+
18 Bala fo sã n bĩng-b f sũurẽ wã+sẽn na yɩl tɩ b fãa zĩnd fo no-bɩmsẽ wã wakat fãa, bee yamleoogo.+
19 Mam kõta foo bãngr dũndãsẽn na yɩl tɩ f kɩs a Zeova sɩda.
20 Mam pa zoe n gʋls foo,n kõ-f sagls la bãngre,
21 n na n zãms foo goam sẽn yaa sɩd la b sẽn tõe n teege,sẽn na yɩl tɩ f tõog n lebg n tɩ togs sẽn tʋm-a foomã goam sẽn zems sɩda?
22 Ra fã naong soab a sẽn yaa naong soabã yĩnga,+la f ra nams nimbãan-ned tẽngã rignoorẽ ye.+
23 Bala yaa a Zeova meng n na n sõng-b tɩ b paam bʋʋm.+A na n yãka neb nins sẽn zãmbd nin-kãensã yõore.*
24 Ra maan tũud-n-taar ne sũur soaba,wall f bao ned sũur sẽn yikd tao-tao zĩigẽ,
25 n da wa rɩk a togs-n-taarn bẽd f meng* ye.+
26 Ra naag neb nins sẽn maand kaoola,n gomd n sõngd b taab tɩ b reegd samã ye.+
27 Fo sã n wa pa tar n na n yao,b na n deega fo gãagã fo sẽn gãe a zugã menga.
28 Ra serg pĩnd wẽndẽ toadg bãnde,bãn nins f yaab-rãmbã sẽn ningã ye.+
29 Ned sã n mi a tʋʋmd sõma,
a na n yaasa rĩm-dãmb taoore.+A pa na n yaas nin-zaals taoor ye.
Vẽnegr toor-toore
^ Ebre, “Lohorem.”
^ Ebre, “yʋʋr.”
^ Ebre, “segd taaba.”
^ Bɩ, “sɩɩgã.”
^ Ebre, “bi-ribl.” Bɩ, “bi-bɩɩg.”
^ Ebre, “bʋt.”
^ Ebre, “kẽeba.”
^ Ebre, “bi-ribl.” Bɩ, “bi-bɩɩg.”
^ Bɩ, “sɩɩga.”
^ Bɩ, “f sɩɩgã.”
