Yɩɩn-sõamyã sebre 76:1-12
Yɩɩlã taoor soab yĩnga. Segd n yɩɩla ne yʋʋm-teed sẽn tar rissi. A Azaf yɩɩlle.+
76 Neb nins sẽn be Zida wã mii Wẽnnaam.+A yʋʋrã yaa kãseng Israyɛlle.+
2 A fu-roogã bee Salɛm.+A yirã bee Siyõ.+
3 Be, a kaoo tãpã pɛɛm sẽn wit bugmã,gãongã ne sʋʋgã, la zab-teed a taabã.+ (Sela)
4 Yãmb pɩnda wʋsgo.*Yãmb yaa kãseng n yɩɩd tãens nins zut we-rũmsã sẽn be wã.
5 B zɛɛ sẽn tar-b raoodã teedo.+
Nin-kãens kiime.*Gãndaadã fãa ra pa tar sõangdb ye.+
6 Zakoob Wẽnnaam, yãmb tãsgã kɩtametɩ sẽn zao-a saarã* ne wed-moaagã fãa ki* zĩig pʋgẽ.+
7 Yãmb y ye tãa n segd ne zoees la waoogre.+
Ãnda n tõe n yals yãmb sũ-pu-kãsengã taoore?+
8 Yãmb paa saasẽ n kao bʋʋdo.+Tẽngã yɛɛsame n pa sɩɩ,+
9 wakat ning Wẽnnaam sẽn yik n na n wa ne sɩbgre,n fãag tẽngã sik-m-mens rãmbã fãa wã.+ (Sela)
10 Bala ninsaalbã sũ-yikrã na n kɩtame tɩ yãmb paam pẽgre.+Yãmb na n nagsa y meng ne bãmb sũ-puugrã sẽn kellã.
11 Pʋlem-y yãmb Wẽnnaam a Zeova bũmb toor-toore, la y pids-ba.+Bɩ neb nins fãa sẽn gũbg-a wã wa ne b kũunã ne rabeem.+
12 A na n kɩtame tɩ taoor dãmbã wuk-m-mengã sa.A kẽesda tẽngã rĩm-dãmb rabeem.
Vẽnegr toor-toore
^ Bɩ, “Vẽenem n gũbg yãmba.”
^ Ebre, “B gũsame.”
^ Yaa bũmb sẽn wõnd sarɛt tɩ wed-moos tatẽ.
^ Ebre, “gũs.”
