Yɩɩn-sõamyã sebre 63:1-11
A Davɩɩd yɩɩlle. Yɩɩ a sẽn wa n be Zida we-raoogẽ wã.+
63 Mam Wẽnnaam, yãmb yaa mam Wẽnnaam. Mam gẽesda yãmb wakat fãa.+
Yãmb ko-yũud n sɩd tar maam.*+
Mam bee tẽng sẽn kʋɩ tɩ bũmb pa tõe n yi a zug pʋgẽ, tẽng sẽn pa tar koom pʋgẽtɩ mam* pãngã sa, m sẽn dat yãmb ne m sũur fãa wã yĩnga.+
2 Dẽ, mam gesa yãmb y zĩ-sõngã pʋgẽ.Mam yãa yãmb pãngã la y ziirã.+
3 Yãmb maan-neerã sẽn yaa sõma n yɩɩd vɩɩmã yĩnga,+mam no-bɩmsã na n pẽga yãmba.+
4 Mam na n pẽga yãmb m vɩɩmã tõre.Mam na n zẽka m nusã yĩngr yãmb yʋʋrã yĩnga.
5 Mam* tɩgame, bala yãmb kõo maam bũmb nins sẽn yaa sõma n yɩɩdã.Dẽ, mam noorã na n pẽga yãmb ne sũ-noogo.+
6 Mam tẽegda yãmb yell m sẽn wat n be m gãagã zugu.Mam maagda m yĩng n tagsd yãmb yell yʋngã tõre.+
7 Bala yãmb yaa mam sõangda,+tɩ mam kaasd ne sũ-noog yãmb pɩgsã maasmẽ.+
8 Mam gãda* yãmb kãn-kãe.Yãmb nug-rɩtgã gãda maam kãn-kãe.+
9 La neb nins sẽn baood n na n kʋ maamã*na n siga tẽngã zĩ-zulumsẽ.
10 B na n kʋ-b-la ne sʋʋse.B na n lebga we-baas* rɩɩbo.
11 La rĩmã na n kɩdma sũ-noogo.*
Ned ning fãa sẽn wẽend ne Wẽnnaam na n kɩdma sũ-noogo,*bala sẽn yagd-b ziri wã noy na n mumame.
Vẽnegr toor-toore
^ Bɩ, “mam sɩɩgã.”
^ Ebre, “mam yĩn-nemsã.”
^ Bɩ, “Mam sɩɩgã.”
^ Bɩ, “Mam sɩɩgã gãda.”
^ Bɩ, “sãam mam sɩɩgã.”
^ Bɩ, “waas.”
^ Ebre, “kɩdma sũ-noog Wẽnnaam pʋgẽ.”
^ Bɩ, “pẽga a menga.”
