Yɩɩn-sõamyã sebre 60:1-12
Yɩɩlã taoor soab yĩnga. Segd n yɩɩlame tɩ zems “Tẽegr rulg-lelemde.” A Davɩɩd yɩɩlle.* Yaa zãmsg yĩnga. Yɩɩ wakat ning a Davɩɩd sẽn zabne a Aram-naarayim la a Aram-zoba, t’a Zowaab lebg n tɩkʋ Edom neb tus-piig la a yiib Yamsem longẽ wã.+
60 Mam Wẽnnaam, yãmb daaga tõnd n base. Yãmb sãeega tõndo.+
Yãmb sũurã ra puuga ne tõndo. La masã, bɩ y le reeg-do!
2 Yãmb kɩtame tɩ tẽngã rigimdi. Yãmb pãrg-a lame.
Maneg-y-yã a zĩis nins sẽn pusã, bala a sirgdame.
3 Yãmb kɩtame tɩ y nin-buiidã paam zu-loe-kɛgemse.
Yãmb kɩtame tɩ tõnd yũ divẽ n tuumdẽ.+
4 Kõ-y* sẽn zoet-b yãmbã bãnde,tɩ b zoetẽ la b kuusdẽ, tɩ pɛɛmã ra paam-b ye. (Sela)
5 Bɩ y fãag tõnd ne y nug-rɩtgã, la y leok tõndo,+sẽn na yɩl tɩ yãmb sẽn nong b rãmbã paam fãagre.
6 Wẽnnaam goma a sõmblmã* pʋgẽ n yeele:
“Mam na n kɩdmame. Mam na n dɩka Sikɛm n kõ tɩ yɩ rogem-pʋɩɩre.+Mam na n maga Sukot longã.*+
7 Galaad yaa maam n so, wa Manase+ sẽn yaa maam n so wã.Efrayim yaa mam kut pugla.Zida yaa mam naam dasaare.+
8 Mowaab yaa mam la-pok m sẽn tar n sood koom.+
Mam na n lobga m neoodrã Edom zugu.+
Mam na n kɩdma sũ-noog m sẽn tõog Filisti nebã yĩnga.”+
9 Ãnda n na n tall maam n kẽng tẽng ning b sẽn gũbg n na n zabã* pʋgẽ?
Ãnda n na n tall maam n kẽng hal Edom?+
10 Mam Wẽnnaam, pa yãmb a soab ning sẽn daag tõnd n basã,tõnd Wẽnnaamã sẽn pa le yãagd tõnd tãb-biisã zabrẽ wã sɩda?+
11 Sõng-y tõnd d yel-pakrã pʋgẽ,bala fãagr sẽn yit ninsaalb nengẽ pa tar teegr ye.+
12 Tõnd na n paama pãng Wẽnnaam maasem yĩnga.+A na n taba tõnd zabd-n-taasã.+
Vẽnegr toor-toore
^ Ebre, “miktam.” Tõe tɩ rat n yeelame tɩ “gʋlsem.”
^ Pa rẽ bɩ, “Yãmb kõo.”
^ Bɩ, “tẽn-nabrã.”
^ Pa rẽ bɩ, “a zĩ-sõngã.”
^ Pa rẽ bɩ, “sẽn gũbg lalsã.”
