Yɩɩn-sõamyã sebre 38:1-22
A Davɩɩd yɩɩlle, tẽegr yĩnga.
38 Zeova, ra wilg-y maam m kongrã y sũ-yikrã pʋgẽ,wall y rems maam y sũ-puugrã pʋgẽ ye.+
2 Bala yãmb pɛɛmã kõsa maam n kẽ wʋsgo,tɩ y nugã rĩ maam.+
3 Mam yĩngã tõr bẽedame,* yãmb sũ-yikrã yĩnga.
Mam yel-wẽndã yĩnga, laafɩ ka be mam kõabã pʋgẽ ye.+
4 Bala mam yel-wẽnã zamame tɩ b zãntlmã zʋʋg mam zugã.+B yaa wa zɩɩb sẽn yaa zɩsgo, n yɩɩd mam sẽn tõe n tʋke.
5 Mam yalemdã yĩnga,mam noadã põogame n yaa yũugu.
6 Mam sũurã sãamame tɩ m koms raood zãnga.Mam kẽnda ne sũ-sãang daarã tõre.
7 Bũmb n be m pʋgẽ wã n yõogdẽ.Mam yĩngã tõr bẽedame.+
8 Mam pa le tõe n tags sõma ye. Mam komsa raood zãnga.M sũurã sẽn sãam wʋsgã kɩtame tɩ m wõosdẽ tɩ yit wʋsgo.
9 Zeova, yãmb mii mam daabã fãa.Mam sirã pa solg yãmb ye.
10 Mam sũurã kiuusdame. Mam pãngã saame.Mam ninã pa le ne sõma ye.*+
11 Mam toogã yĩnga, mam zo-rãmbã ne m tũud-n-taasã gind-m lame.Mam mitinsã zãagda b mens ne maam.
12 Neb nins sẽn baood maam* n na n kʋ wã bẽta bẽdse.Sẽn baood-b n na n maan maam wẽngã gomda sãoong yelle.+Daarã tõre, b gomda zãmb goam vũn-vũni.
13 La mam yaa wa wʋnga, n pa kelgdẽ ye.+Mam yaa wa muka, n pa yaagd m noor ye.+
14 Mam lebga wa ned tʋb sẽn pa wʋmde,t’a noorã me pa tõe n yeel baa fʋɩ n wilg t’a pa tar taal ye.
15 Bala mam da gũuda yãmba, Zeova.+Mam Wẽnnaam a Zeova, yãmb leoka maam.+
16 Bala mam yeelame yaa: “Bɩ m bɛɛbã ra la maam,wall b wuk b mens mam yĩnga, mam naoã sã n wa salg ye.”
17 Bala ra keta bilf bal tɩ mam lʋɩ.Mam toogã ra namsda maam wakat fãa.+
18 Mam vẽnega m kongrã n togse.+Mam yel-wẽndã ra namsd-m lame.+
19 La mam bɛɛbã tara laafɩ* la b tar pãng wʋsgo.*Neb nins sẽn kis maam zaalem yĩngã sõor lebga wʋsgo.
20 B lebsa maam wẽng neer yĩnga.B ra gɩdgda maam tɩ m da kell n maan sẽn yaa sõma ye.
21 Zeova, ra bas-y maam ye.
Mam Wẽnnaam, ra kell-y n zãag-y ne maam ye.+
22 Mam fãagd a Zeova,+wa n sõng-y maam tao-tao.
Vẽnegr toor-toore
^ Ebre, “Zĩig sẽn tar laafɩ pa tol n be mam yĩn-nemsã pʋgẽ.”
^ Ebre, “Mam ninã vẽenem loogame.”
^ Bɩ, “mam sɩɩgã.”
^ Ebre, “vɩɩme.”
^ Pa rẽ bɩ, “Sẽn yaa-b mam bɛɛb zaalem yĩngã sõor yaa wʋsgo.”
