Yɩɩn-sõamyã sebre 21:1-13
Yɩɩlã taoor soab yĩnga. A Davɩɩd yɩɩlle.
21 Zeova, rĩmã kɩdemda sũ-noog yãmb pãngã yĩnga.+Yãmb sẽn fãag-a wã yĩnga, a kɩdemda sũ-noog wʋsgo!+
2 Yãmb kõ-a-la bũmb ning a sũurã sẽn date.+Yãmb pa zãgs n pa kõ-a bũmb ning a sẽn kosã ye. (Sela)
3 Bala yãmb segd-a-la ne bark wʋsgo.Yãmb fõgna a zugã maanf sẽn maan ne sãnem halaale.*+
4 A kosa yãmb vɩɩm, tɩ y kõ-a.+Yãmb kõ-a-la yõ-woko, vɩɩm sẽn kõn sa.
5 A lebga ned b sẽn waoogd wʋsgo, bala yãmb fãag-a lame.+
Yãmb kɩtame t’a lebg kãsenga, la a paam waoogre.
6 Yãmb kɩtame t’a paam bark wakat fãa yĩnga.+Yãmb kɩtame t’a paam sũ-noogo, yãmb sẽn be ne-a wã yĩnga.+
7 Bala rĩmã teega a Zeova.+Sẽn ka-a to wã maan-neerã yĩnga, a pa na n tol n maan yɩɩr ye.+
8 Yãmb nugã na n gãda y bɛɛbã fãa.Yãmb nug-rɩtgã na n gãda neb nins sẽn kis yãmbã.
9 Wakat ning yãmb sẽn yãk n na n ges b yellã sã n ta, yãmb na n sãam-b-la wa bũmb b sẽn lob wʋng sẽn wɩng wʋsg pʋgẽ tɩ rɩ zãnga.
A Zeova na n sãam-b-la a sũ-puugrã pʋgẽ. Bugum n na n dɩ-ba.+
10 Yãmb na n sãama b kambã* dũniyã zugu.Yãmb na n yiisa b yagensã ãdem-biisã sʋka.
11 Bala b ra rat n maana yãmb wẽnga.+B magda magb toor-toor sẽn pa na n yãk nenga.+
12 Bala yãmb na n yãaga y tãpã n tees-ba,*tɩ b lebg n zoe.+
13 Zeova, yik-y ne y pãngã.
Tõnd na n yɩɩl n pẽga yãmb pãn-kãsengã.
