Yɩɩn-sõamyã sebre 118:1-29
118 Pʋʋs-y-yã a Zeova barka, bala a yaa sõma.+A maan-neerã paada wakat fãa.
2 Bɩ Israyɛll nebã yeel masã yaa:
“A maan-neerã paada wakat fãa.”
3 Bɩ a Aarõ roogã rãmb yeel masã yaa:
“A maan-neerã paada wakat fãa.”
4 Bɩ sẽn zoet-b a Zeova wã yeel masã yaa:
“A maan-neerã paada wakat fãa.”
5 Mam boola a Zah* m yel-pakrã pʋgẽ.A Zah leoka maam, n tall-m n kẽng zĩig bũmb sẽn pa tõe n paam-m pʋgẽ.*+
6 A Zeova bee ne maam. Mam pa na n zoe rabeem ye.+
Ninsaal tõe n maana maam bõe?+
7 A Zeova bee ne maam n yaa m sõangda.*+Mam na n gesa sẽn kis-b maamã lʋɩɩse.+
8 Fo sẽn baood soondg zĩig a Zeova nengẽ n sãof sẽn teegd ninsaalba.+
9 Fo sẽn baood soondg zĩig a Zeova nengẽ n sãof sẽn teegd nanambse.+
10 Buud toɛy-toɛyã fãa ra gũbga maam,la ne a Zeova yʋʋre,mam lebs-b-la poorẽ.+
11 B ra gũbga maam. B ra gũbga maam zãnga,la ne a Zeova yʋʋre,mam lebs-b-la poorẽ.
12 B ra gũbga maam wa sĩ,la b kii tao-tao wa bugum sẽn dɩt gõose.
Ne a Zeova yʋʋre,mam lebs-b-la poorẽ.+
13 B tusa maam ne pãng* sẽn na yɩl tɩ m lʋɩ,la a Zeova sõnga maam.
14 A Zah yaa mam soondg zĩig la m pãnga.A lebga mam fãagda.+
15 Sũ-noog kaasg rãamd n yit nin-tɩrsã fu-rotẽ.Fãagr* n wa b yĩnga.
A Zeova nug-rɩtgã wilgda a* pãnga.+
16 A Zeova nug-rɩtgã zẽkdame.A Zeova nug-rɩtgã wilgda a pãnga.+
17 Mam pa na n ki ye. Mam na n vɩɩmdame,sẽn na yɩl n moon a Zah tʋʋmã.+
18 A Zah kibla maam ne toolem,+la a pa bas maam tɩ m ki ye.+
19 Pak-y tɩrlem rignoyã n kõ-ma.+Mam na n tũu be n kẽ n pẽg a Zah.
20 Ad a Zeova rignoorã.
Nin-tɩrsã na n tũu be n kẽ.+
21 Mam na n pẽga yãmba, bala yãmb leoka maam,+la y lebg mam fãagda.
22 Kugr ning tãn-metbã sẽn zãgsãn lebg roogã pãng kugrã.*+
23 Rẽ yita a Zeova nengẽ.+Yaa bõn-kãseng tõnd nifẽ.+
24 Ad daar ning a Zeova sẽn yãkã:Daar-n-kãnga, tõnd sũur na n yɩɩ noog tɩ d kɩdme.
25 Zeova, d bõosd-y lame tɩ y fãag-do. D yõkd-y-la sɛɛga!
Zeova, d bõosd-y lame tɩ y kɩt tɩ d tõoge!
26 Bark bee ned ning sẽn wat ne a Zeova yʋʋrã zugu.+Tõnd bee a Zeova roogẽ wã n ningd-f barka.
27 A Zeova yaa Wẽnnaam.A kõta tõnd vẽenem.+
Zã-y tɩɩs vãad n wa naag neb nins sẽn dabd tigrã,+n dʋ n ta tẽn-kugrã yɩɩlã.+
28 Yãmb yaa mam Wẽnnaam, tɩ m na n pẽg-yã.Mam Wẽnnaam, mam na n waooga yãmba.+
29 Pʋʋs-y-yã a Zeova barka,+ bala a yaa sõma.A maan-neerã paada wakat fãa.+
Vẽnegr toor-toore
^ “Zah” wã yaa a Zeova yʋʋrã bool-koɛɛga.
^ Bɩ, “zĩ-yalengẽ.”
^ Pa rẽ bɩ, “n paas sẽn sõngd-b maamã.”
^ Pa rẽ bɩ, “Yãmb tusa maam ne pãng.”
^ Rat n yeel t’a nug-rɩtgã.
^ Bɩ, “Tõogr.”
^ Ebre, “gõdrã zugu.”
