Yɩɩn-sõamyã sebre 101:1-8
A Davɩɩd yɩɩlle.
101 Mam na n yɩɩl n goma maan-neer la tɩrlem yelle.
Zeova, yaa yãmb la mam na n yɩɩl n pẽge.
2 Mam na n tʋma ne gũusg la burkĩndi.
Wakat bʋg la yãmb na n wa mam nengẽ?
Mam na n kẽna ne burkĩnd+ m doogã pʋgẽ.
3 Mam pa na n ning bũmb sẽn pa tar yõod* mam ninã taoor ye.
Mam kisa sẽn lakd-b n basd sẽn yaa tɩrgã tʋʋma.+Mam pa na n naag-b n maan baa fʋɩ ye.
4 Ned sẽn tar sũur sẽn pa tɩrg zãra ne maam.Mam pa na n sak* bũmb sẽn yaa wẽng ye.
5 Ned ning fãa sẽn soosd n kãnegd a to,+mam na n kɩtame t’a sĩndi.*
Ned ning fãa sẽn yaa tɩta-ned la wuk-m-meng soaba,mam pa na n sĩnd n get-a ye.
6 Mam na n gesa tẽngã sɩd rãmbã sẽnese,sẽn na yɩl tɩ b zĩnd ne maam.
Ned ning sẽn kẽnd n pa tar taal* n na n tʋm n kõ maam.
7 Zãmb soab baa a ye pa na n zĩnd mam doogẽ ye.Zirẽ-be-ned baa a ye pa na n yaas mam taoor ye.*
8 Yibeoog fãa, mam na n kɩtame tɩ tẽngã nin-wẽnsã sĩndi,*sẽn na yɩl n menes tʋʋm-wẽns-maandbã fãa a Zeova galʋ-tẽngã pʋgẽ.+
Vẽnegr toor-toore
^ Bɩ, “sẽn ka bark.”
^ Ebre, “bãng.”
^ Bɩ, “mam na n menes-a lame.”
^ Bɩ, “ne burkĩnd.”
^ Ebre, “mam ninã taoor ye.”
^ Bɩ, “meneme.”
