“য়েংউ, ঈশিং লৈ। নহাক্না ঐবু বাপ্টাইজ তৌবিবদা করি অপনবা লৈবগে?”—পাখোনচৎপশিংগী থবক ৮:৩৬

করিগী বাপ্টাইজ তৌগদৌরিবনো? অদুগা কমদৌনা বাপ্টাইজ তৌবগে?

বাপ্টাইজ তৌজবসিনা হান্নগী পুন্সি মহিঙ অদু থাদোক্তুনা ঈশ্বরগী অপাম্বা মতুং ইন্না হিংবা, অনৌবা পুন্সি অমা হৌরে হায়বসি উৎলি।

• মাত্থি ২৮:১৯, ২০

  যেহোবাবু শেবা তৌনবা বাপ্টাইজ তৌজবা দরকার ওই।

• থাগৎ ঈশৈ ৪০:৮

  বাপ্টাইজ তৌবনা, ঈশ্বরগী শেবা তৌজবা পাম্মী হায়বসি অতোপ্পশিংদা খঙহল্লি।

• মাত্থি ৩:১৬

  যীশুনা তৌখিবগুম্না, বাপ্টাইজ তৌবা মতমদা ইশা পুম্বা ঈশিংদা লুপকনি।

“ঐখোয়না ঈশ্বরগী য়াথং ঙাকপা অসি ঐখোয়না মহাকপু নুংশিবনি, মহাক্কী য়াথংশিং অসি অরূম্বা নত্তে।”—১ যোহান ৫:৩

যেহোবাদা কত্থোকচবদা খঞ্জান্নবা তৌরোইদবনি হায়রিবসি করিগীনো?

• থাগৎ ঈশৈ ১০৩:১৪; যিশাইয়া ৪১:১০

  যেহোবাদা কত্থোকচনবগীদমক অশোয়বা অমত্তা তৌদবা, মপুং ফাবা মীশক ওইগদবনি হায়বদি লৈতে। ঐখোয়না অচুম্বা তৌবা ঙম্নবা মহাক্না মতেং পাংগনি।

• কোলোসীয়া ১:১০

  যেহোবাবু নুংঙাইতবা ফাওহনগনি হায়বগী অকিবা লৈবা য়াই। অদুবু ঈশ্বর নুংশিবনা অকিবদু জয় তৌবা ঙমগনি।

“হে ঐগী ঈশ্বর, ঐনা নহাক্কী অনীংবা তৌবা নুঙাইজৈ, হোয়, নহাক্কী ৱায়েন য়াথং ঐগী থম্মোইনুংদা লৈ।”—থাগৎ ঈশৈ ৪০:৮

যেহোবাদা কত্থোকচনবা করি করি তৌবা তাই?

• যোহান ১৭:৩

  ঈশ্বরগী ৱাহৈ নৈনজগদবনি

  যেহোবা অমসুং যীশুগী মরমদা খঙজগদবনি। মখোয়গী মরমদা খঙবা হেল্লিমখৈ, মখোয়বু নুংশিবসু হেনগৎকনি।

• হিব্রু ১১:৬

  অচেৎপা থাজবা লৈগদবনি

  ঈশ্বরগী ৱাশকশিংদা চেৎনা থাজগদবনি। যীশুনা কত্থোকখিবগী মপান্না ঐখোয়বু পাপ অমসুং শিবদগী কনবিবা ঙম্মী, হায়বসিসু থাজগদবনি।

• পাখোনচৎপশিংগী থবক ৩:১৯

  নীংঙমদবা ফাওজগদবনি

  অরানবা তৌখিবগী য়াম্না নুংঙাইতবা ফাওজগদবনি।

  পুক্নিং হোংজগদবনি

  অরানবা থবকশিং থাদোক্তুনা অচুম্বা তৌজগদবনি।

• ১ পিতর ৪:২

  পুন্সি কত্থোকচগদবনি

  ঈশ্বর যেহোবাদা হায়জবা মতমদা, মহাক খক্তবু নীংজগে অমসুং মহাক্কী অপাম্বা তৌবনা পুন্সিগী খ্বাইদগী মরুওইবা থবক ওইজগে হায়না ৱাশকচগদবনি।