যেহোবানা ঐখোয়দা “নমথাক তৌগনু” হায়না য়াথং পীরি। (মালাকী ২:১৬) মরমদি হায়রিবা ৱাফমসি য়ুম্বান পুন্সিদা অসুক্কী মতিক মরু ওই। নমথাক তৌনরবদি অমনা অমবু থাজবা ঙম্লক্লোই। অদুবু মতৈ-মনাও অনীগী মরক্তা নুংশিনবা হেনগৎনবা চেৎনা থাজনবা হায়বসি তঙাইফদে।

ঙসিদি, লুহোংলবা নুপা-নুপী অনীগী মরক্তা অচেৎপা থাজনবা লৈবা হায়বসি অরায়বা ওইদে। নহাক্কী য়ুম্বান পুন্সিদু কায়হন্দনা থম্নবগীদমক থবক ওইনা তৌগদবা ৱাফম অনী য়েংসি।

বাইবলনা করি হায়রি: “হেন্না অফবা অদু” নত্রগা হেন্না মরুওইবদু খঙউ হায়রি। (ফিলিপ্পীয়া ১:১০) য়ুম্বান পুন্সি হায়বসি নহাক্কী পুন্সিগী খৱাইদগী মরুওইবশিংগী মরক্তা অমনি। মরম অদুনা মসি লুনা লৌজগদবনি।

নহাক্কী নপুরোইবা নত্রগা নুপীগীদমক খনবীবা অমসুং পুন্না ‘হরাওনা লৈমিন্নবা‘ যেহোবানা পাম্মী। (পাউ শন্দোকপা ৯:৯) নহাক্কী নপুরোইবা নত্রগা নুপীবু থৌওইদবা তৌরোইদবনি হায়না মহাক্না ময়েক শেংনা খঙহল্লি। মদুগী মহুত্তা অমনা অমবু হরাওহন্নবা হোৎনগদবনি। (১ কোরিন্থীয়া ১০:২৪) নহাক্না মহাকপু য়াম্না মরুওইনা অমসুং মমল লৈনা লৌই হায়বদু খঙহল্লু।

নহাক্না তৌবা য়াবদি:

• অমনা অমদা হায়বা মুন্না তানদুনা, ৱারী ৱাতাই শানবা নুংতিগী মতম কাইথোকপীয়ু

• “ঐগী” হায়বগী মহুত্তা “ঐখোয়গী” হায়না খনবীয়ু

বাইবলনা করি হায়রি: “নুপী অমদা পাম্না য়েংবা মী অদুনা মহাক্কী থম্মোইদা নুপী অদুগা লান্নবগী থবক তৌখ্রবনি।” (মাত্থি ৫:২৮) কনাগুম্বা অমনা ফত্তবা লমচৎ চৎনিংবগী ৱাখল খনদুনা লৈরবদি, মহাক্না মাগী মপুরোইবা নত্রগা নুপীগী মফমদা থাজবা মাঙহনবগা চপ মান্নৈ।

‘চেকশিন্না নহাক্কী থম্মোয় ঙাক্তুনা থমবা’ দরকার ওই হায়না যেহোবানা হায়রি। (পাউরৌ ৪:২৩; যিরেমিয়া ১৭:৯) মদু তৌবা ঙম্নবা, ঐখোয়গী মীৎনা করি করি য়েংলিবগে হায়বদু চেকশিনগদবনি। (মাত্থি ৫:২৯, ৩০) মমাঙঙৈদা যোবনা কনাগুম্বা অতোপ্পা নুপী অমদা মহাক্কী মীৎনা পাম্না য়েংলোই হায়না ৱারেপ লৌজখি। মহাক্কী মতৌ তমজগদবনি। (যোব ৩১:১) লূদবা ভিডিও নত্রগা লাইশিং কৈদৌনুংদা য়েংলোই হায়না লেপচগদবনি। নহাক্কী নপুরোইবা নত্রগা নুপীগা নত্তনা অতোপ্পা লম্লানবা অমত্তগা নুংশি নুংওনগী মরী থম্লোই হায়না খোঙফম চেৎনা লেপকদবনি।

নহাক্না তৌবা য়াবদি:

• নহাকসি নহাক্কী নপুরোইবা নত্রগা নহাক্কী নুপী খক্তগীনি হায়বসি অতোপ্পশিংদা ময়েক শেংনা খঙহল্লু

• নহাক্কী নপুরোইবা নত্রগা নুপীনা পুক্নিংদা করি ফাওবগে হায়বদু খঙবীরগা মহাক্না নুংঙাইরোইদবা থবকশিং খুদক্তা থাদোকপিয়ু