Mamanggi hiramda Jishuna mangjounana hairamba thoudoksinggi matangda khannakhre. Ishworgi Ningthouleibak asi sargada lingkhatkhre amasung madugi Ningthouna Jishu Chritani haibasi thoudoksing adudagi eikhoina mayek sengna khangba ngamle.

Ningthou oiraba matungda Jishuna Seitan amasung mahakki tunginba sargadutsingbu sargadagi prithibida huntharakkhi haina Biblena khanghalli. Aduna sok 1914 dagi prithibida phattaba khanghen hengatlakkhibagi maruoiba maram amadi makhoina prithibida lakkhibadagini.—Phongdokpiba 12:7, 9.

Ngasi taibangpangi phibham henna henna phatchillaktrabasu Ishworgi Ningthouleibakki Ningthou oiriba Jishuna prithibida leiriba meesingbu mateng pangnabagidamak thabak kaya touri. Jishuna mangjounana hairambagumna ngasi prithibi sinba thungna Bible takpi tambibagi thabak touri. (Jishaiya 2:2-4) Takpi tambiba asidagi meeoi kayana Biblegi niyamsing makhoigi punsida illaga chatnaba hotnari. Meeoi lakh kayana thabak inkhang amasung sel thumgi matangda karamba wakhallon leijagadage, imung manung karamna nungaina leiminnagadage haibadu khanglakpadagi makhoigi punsida kannaba kaya phangle. Tungda Ishworgi Ningthouleibakki praja amamam oinaba makhoina houjiktagi sem sari.

Sargada Jishuna sashan touba houkhre adubu prithibidadi meeoibagi leingaksing adumak leiri. Adum oinamak, “nahakki yeknabasinggi marakta pallu” haina Ishworna Jishuda yathang pikhre. (Thagat Ishei 110:2) Thunamak, Jishuna Ishworgi maiyokta leibasingbu mapungphana manghallagani, aduga Ishworgi yathang harao haraona injabasinggi awa ana pumnamak louthokkhragani.

Matam aduda Ishworgi ningthouleibakna tourakkadaba thabaksing

• Aranba dharma manghanba. Ishworgi maramda aranba kaya takpi tambiduna meesinggi punsibu wahanba dharma khudingmak manghallagani. Biblena aranba dharmabu oktabi amaga changdamnei. Masi mang takhanba matamda meeoi kayana yamna ngakpa phaogani.—Phongdokpiba 17:15, 16.

• Meeoibagi leingaksing louthokpa. Ishworgi Ningthouleibakna ngasi palliba meeoibagi leingak pumnamak louthokkhragani.—Phongdokpiba 19:15, 17, 18.

• Phattaba meesing manghanba. Ishworna haiba illu yadaba phattaba touraga leiba meesinggi maramda Biblena asumna hai: “Phattaba toubasing manghallagani.”—Thagat Ishei 37:9, 10.

• Seitan amasung mahakki tunginba sargadutsing maru phangna mutthatpa. Seitan amasung mahakki tunginba sargadutsingna ‘jatisingbu amuk hanna meenamba ngamlaroi.’—Phongdokpiba 20:3, 10.

Asigumba ahongba kayasing asina Ishworgi Ningthouleibakpu yajaba meesingda kari kari kannaba phanghangani?

Jishuna sargada Ningthou oina panduna meeoibagi leingakpasingna keidounungda touba ngamlaroidaba thabak kaya tourakkani. Prithibidagi khangatkhraba meeoi 1,44,000 ga loinana Jishuna sashan tougani. (Phongdokpiba 5:9, 10; 14:1, 3) Mahakna prithibida Ishworgi aningbadu soidana pangthokkani. Ishworgi Ningthouleibakna prithibida leiriba meeoisinggidamak tourakkadaba thabaksingdu yengsi.

• Asiba amasung anaba leiraroi. “Khundariba aduna hairaroi, “ei nare”” amasung “amuk hanna siba . . . leiraroi.”—Jishaiya 33:24; Phongdokpiba 21:4.

• Ingthana amasung asoi angaam yaodana leigani. “Nahakki nachasingda yamna ingthaba leigani” amasung “makhoi mee khudingna magi magi angur pambi makhada amasung magi magi heiyit pambi makhada phamthagani, kana amatana makhoibu kihalloi.”—Jishaiya 54:13; Micah 4:4.

• Nungaiba thabaksing leigani. “Makhoigi makhutki thabakta matam kuina nungaijagani. Makhoina arembada nomloi.”—Jishaiya 65:22, 23.

• Akoibagi phibham phagathangani. “Lamhang amasung ikang kangba lamna makhoigidamak nungaigani, leikanglana haraojagani amasung gulapkumna satkani.”—Jishaiya 35:1.

• Lomba naidana hingba phangjanabagidamak kari tougadage haibadu meesingda takpigani. “Amata ngaiba achumba Ishwor nahak amasung nahakna tharakpa Jishu Christabu makhoina khangba asi lomba naidaba hingbani.”—Johan 17:3.

Thoujalsing asi nahakna phangjabadu Ishworna pammi. (Jishaiya 48:18) Nungairaba matam aduda hingba phangnabagidamak nahakna houjik kari kari touba yabage haibadu mathanggi hiramda sandokna takkani.