Христ шашны удирдагчид хүмүүсийг дайнд уриалдгийг Украинд болж байгаа дайнаас харж болно. Шашны удирдагчид өөр өөрсдийнхөө талыг хэрхэн дэмжсэн бэ?

•   Киевийн Митрополит I Епифани: «Украин орноо харийн түрэмгийлэгчдээс хамгаалж буй цэрэг дайчдаа хүндэтгэж, талархал илэрхийлье. ... Бид та бүхэнтэй зүрх сэтгэлээрээ үргэлж хамт байгаа шүү. Та бүхний төлөө чин сэтгэлээсээ залбирч байна» гэж хэлжээ («Жерусалим Пост», 2022 оны 3-р сарын 16).

•   Оросын Үнэн алдартны шашны тэргүүн ням гарагт орос цэргүүдэд сургаал айлджээ. Тэрбээр Украинд явуулж байгаа Москвагийн энэ дайны үед «орос хүн л эх орноо хамгаална» хэмээн цэргүүдэд урам зориг өгсөн байна («Ройтерс», 2022 оны 4-р сарын 3).

 Христийн дагалдагчид дайнд оролцох ёстой юу? Библид юу гэж байдаг вэ?

 Есүс Христийн жинхэнэ дагалдагч хүн дайнд оролцдоггүй гэж Библид байдаг.

•   «Илдээ хуйнд нь хий. Учир нь илд агсагч бүхэн илдээр хөнөөгдөнө» (Матай 26:52).

   Дайн дажныг дэмждэг хүн Есүсийн хэлснийг үнэхээр сахин биелүүлж байна уу?

•   «Бие биеэ хайрла гэсэн шинэ тушаалыг би өгч байна. Би та нарыг яаж хайрласны адил та нар бие биеэ тийн хайрла. Та нар бие биеэ хайрладаг бол үүгээр тань бүх хүн та нарыг миний шавь гэж мэднэ» (Ёохан 13:34, 35).

   Шавь нарыг нь бие биеэ хайрладгаар нь хүмүүс танина гэж Есүс хэлсэн. Дайн дажныг дэмждэг хүн ийм хайрыг илэрхийлэх үү?

 Илүү ихийг мэдье гэвэл «Дайн Христийн шашинд нийцэх үү?» гэсэн өгүүллийг уншаарай (англи).

 Өнөө үед Христийн дагалдагч хүн дайнд оролцохгүй байх нь зөв үү? Зөв. Бидний амьдарч байгаа цаг үеийг «эцсийн өдрүүд» гэсэн. Энэ цаг үед олон үндэстний хүмүүс Есүсийн сургаалыг дагаж «дайтахад суралцахгүй» гэж зөгнөсөн байдаг (Исаиа 2:2, 4).

•   Илүү ихийг мэдье гэвэл «Бурхан дайныг хэрхэн үздэг вэ?» гэсэн «Харуулын цамхаг» сэтгүүлийн өгүүллийг уншина уу (англи).

 Удахгүй «амар тайвны Бурхан» Ехова a тэнгэрийн засгийн газраараа дамжуулж хүмүүсийг «дарамт ба хүчирхийллээс аварна» (Филиппой 4:9; Дуулал 72:14).

•   Яаж аврах вэ гэдгийг мэдье гэвэл «Бурхны Хаант төр гэж юу вэ?» гэсэн видеог үзнэ үү.