Дэлхийн Эрүүл Мэндийн Байгууллагын (ДЭМБ) мэдээлснээр 2022 оны 5 сарын 23-ны байдлаар 6,27 сая хүн КОВИД-19 туссаны улмаас нас барсан байна. Гэхдээ 2022 оны 5 сарын 5-ны ДЭМБ-ын мэдээнд нас барагсдын тоо хамаагүй их байна гэж тооцоолсныг дурдсан байсан. Тэнд мэдээлснээр 2020, 2021 онд «КОВИД-19-тэй шууд болон шууд бус холбоотойгоор нас барсан хүмүүсийн нийт тоо ойролцоогоор 14,9 сая байжээ». Ийм эмгэнэлт явдлын талаар Библид юу гэж байдаг вэ?

•    Есүс «эцсийн өдрүүдэд» «тахал» гарна гэж зөгнөсөн (Лук 21:11; 2 Тимот 3:1).

 Есүсийн хэлсэн зөгнөл өнөөдөр биелж байна. Илүү ихийг «“Эцсийн өдрүүд” буюу “төгсгөлийн ... цагийн” шинж тэмдэг юу вэ?» гэсэн өгүүллээс үзнэ үү.

•    «Ямар ч үед тайвшруулдаг Бурхан магтагдах болтугай. Ямар ч зовлон тохиолдоход Бурхан биднийг тайвшруулдаг» (2 Коринт 1:3, 4).

 Хайртай хүнээ үхэлд алдсан олон хүн Библийн мэдээг уншаад тайвширдаг. Илүү ихийг «Уй гашуугаа тайлахын тулд юу хийх хэрэгтэй вэ?», «Гашуудаж буй хүнд юу хамгийн тустай вэ?» гэсэн өгүүллүүдээс үзнэ үү.

•    «Таны Хаант төр захираасай. Таны хүсэл таалал тэнгэрт биелж байгаа шигээ дэлхий дээр биелээсэй» (Матай 6:10).

 Удахгүй «Бурхны Хаант төр» захирч «“Би өвчтэй байна” гэж нэг ч оршин суугч өгүүлэхгүй» болно (Марк 1:14, 15; Исаиа 33:24). «Бурхны Хаант төр гэж юу вэ?» видеог үзээд тэнгэрт байдаг энэхүү засгийн газрын тухай, ирээдүйд хийх зүйлийнх нь тухай мэдэж аваарай.

 Библид юу гэж байдгийг та гэр бүлийн хамтаар сонирхож үзээрэй. Ирээдүйн тухай сэтгэл сэргээм амлалт, мөн ач тустай зөвлөгөөг мэдэж авна.