അറ്റ്‌ലാ​ന്‍റിക്‌ സമു​ദ്ര​ത്തി​ലെ തിരമാ​ല​കളെ കീറി​മു​റി​ച്ചു​കൊണ്ട് യൂറോപ്പ് ലക്ഷ്യമാ​ക്കി ആ കപ്പൽ കുതി​ക്കു​ക​യാണ്‌. അതിലെ ഒരു യാത്ര​ക്കാ​ര​നാ​യി​രു​ന്നു ജോർജ്‌ യങ്‌. ബ്രസീ​ലിൽ ദൈവ​രാ​ജ്യ​ത്തി​നു​വേണ്ടി ചെയ്‌ത കാര്യങ്ങൾ അദ്ദേഹ​ത്തി​ന്‍റെ മനസ്സി​ലൂ​ടെ ഒന്നൊ​ന്നാ​യി കടന്നു​പോ​യി. * ഇപ്പോൾ അദ്ദേഹ​ത്തി​ന്‍റെ ശ്രദ്ധ അതേവരെ പ്രവർത്തി​ച്ചി​ട്ടി​ല്ലാത്ത സ്‌പെ​യി​നി​ന്‍റെ​യും പോർച്ചു​ഗ​ലി​ന്‍റെ​യും വിസ്‌തൃ​ത​മായ ഭൂഭാ​ഗ​ങ്ങ​ളി​ലേക്കു തിരിഞ്ഞു, തന്‍റെ പുതിയ നിയമ​ന​ത്തി​ലേക്ക്. ആ പുതിയ നിയമ​ന​സ്ഥ​ല​ങ്ങ​ളിൽ റഥർഫോർഡ്‌ സഹോ​ദ​രനു ബൈബിൾപ്ര​ഭാ​ഷ​ണങ്ങൾ നടത്താ​നുള്ള ക്രമീ​ക​ര​ണങ്ങൾ ചെയ്യാ​മെ​ന്നും അവിടെ 3,00,000 ലഘു​ലേ​ഖകൾ കൊടു​ക്കാ​മെ​ന്നും യങ്‌ സഹോ​ദരൻ കണക്കു​കൂ​ട്ടു​ന്നു.

യങ്‌ സഹോ​ദരൻ 1925-ന്‍റെ വസന്തകാ​ലത്ത്‌ ലിസ്‌ബ​ണിൽ എത്തി. പ്രക്ഷു​ബ്ധ​മായ രംഗങ്ങ​ളാണ്‌ അദ്ദേഹം അവിടെ കണ്ടത്‌. 1910-ലെ റിപ്പബ്ലി​ക്കൻ വിപ്ലവം അവിടത്തെ രാജഭ​രണം അവസാ​നി​പ്പി​ച്ചി​രു​ന്നു. കത്തോ​ലി​ക്കാ​സഭ വെച്ചനു​ഭ​വി​ച്ചി​രുന്ന അധികാ​രം കുറെ​യ​ധി​കം നഷ്ടപ്പെ​ടു​ക​യും ചെയ്‌തി​രു​ന്നു. ജനങ്ങൾക്കു കൂടുതൽ സ്വാത​ന്ത്ര്യം കിട്ടി​യെ​ങ്കി​ലും രാജ്യത്ത്‌ പൊതു​വേ കലുഷി​ത​മായ അന്തരീ​ക്ഷ​മാ​യി​രു​ന്നു.

റഥർഫോർഡ്‌ സഹോ​ദ​രന്‍റെ പ്രസം​ഗ​ത്തി​നു വേണ്ട ക്രമീ​ക​ര​ണ​ങ്ങ​ളൊ​ക്കെ യങ്‌ സഹോ​ദരൻ ചെയ്‌തു​കൊ​ണ്ടി​രി​ക്കു​ക​യാ​യി​രു​ന്നു. അപ്പോ​ഴാണ്‌ ഭരണം പിടി​ച്ചെ​ടു​ക്കാൻ ഒരു ഗൂഢാ​ലോ​ചന നടന്നതു​കാ​രണം ഗവൺമെന്‍റ് പട്ടാള​നി​യമം ഏർപ്പെ​ടു​ത്തി​യത്‌. കടുത്ത എതിർപ്പു നേരി​ടേ​ണ്ടി​വ​രു​മെന്നു ബ്രിട്ടീഷ്‌ ആന്‍റ് ഫോറിൻ ബൈബിൾ സൊ​സൈ​റ്റി​യു​ടെ സെക്ര​ട്ടറി യങ്‌ സഹോ​ദ​രനു മുന്നറി​യി​പ്പു കൊടു​ത്തു. പക്ഷേ യങ്‌ സഹോ​ദരൻ ധൈര്യ​ത്തോ​ടെ മുന്നോ​ട്ടു​പോ​യി. കെമോ​നിഷ്‌ സ്‌കൂ​ളി​ന്‍റെ ജിം​നേ​ഷ്യ​ത്തിൽവെച്ച് പ്രസംഗം നടത്താ​നുള്ള അനുവാ​ദം അദ്ദേഹം ചോദി​ച്ചു, അനുമതി ലഭിക്കു​ക​യും ചെയ്‌തു.

അങ്ങനെ ഒടുവിൽ റഥർഫോർഡ്‌ സഹോ​ദ​രന്‍റെ പ്രസം​ഗ​ദി​വസം വന്നെത്തി. മെയ്‌ 13 ആയിരു​ന്നു അത്‌. ആളുക​ളു​ടെ പ്രതീ​ക്ഷകൾ വാനോ​ളം ഉയർന്നു. “ഭൂമി​യിൽ എന്നേക്കും ജീവി​ക്കാൻ കഴിയു​ന്നത്‌ എങ്ങനെ” എന്നതാ​യി​രു​ന്നു പ്രസം​ഗ​ത്തി​ന്‍റെ വിഷയം. കെട്ടി​ട​ങ്ങ​ളിൽ സ്ഥാപിച്ച പ്ലക്കാർഡു​ക​ളും പത്രപ്പ​ര​സ്യ​ങ്ങ​ളും നല്ല പ്രചാ​രണം നൽകി. മത​വൈ​രി​കൾ കൈയും​കെട്ടി നിന്നില്ല. പുതി​യ​താ​യി എത്തിയ ‘വ്യാജ​പ്ര​വാ​ച​ക​ന്മാർക്കെ​തി​രെ’ മുന്നറി​യി​പ്പു കൊടു​ക്കു​ന്ന​തി​നു അവർ ഉടൻതന്നെ തങ്ങളുടെ പത്രത്തിൽ ഒരു ലേഖനം പ്രസി​ദ്ധീ​ക​രി​ച്ചു. കൂടാതെ, അവർ റഥർഫോർഡ്‌ സഹോ​ദരൻ പഠിപ്പി​ക്കുന്ന കാര്യ​ങ്ങൾക്കെ​തി​രെ​യുള്ള ആയിര​ക്ക​ണ​ക്കി​നു ലഘുപ​ത്രി​കകൾ ജിം​നേ​ഷ്യ​ത്തി​ന്‍റെ പ്രവേ​ശ​ന​ക​വാ​ട​ത്തിൽ വിതരണം ചെയ്‌തു.

ഇങ്ങനെ​യൊ​ക്കെ​യാ​യി​ട്ടും ഏതാണ്ട് 2,000 പേരെ​ക്കൊണ്ട് യോഗ​സ്ഥലം നിറഞ്ഞു. സ്ഥലപരി​മി​തി കാരണം വേറെ 2000-ത്തോളം ആളുകൾക്ക് അകത്ത്‌ പ്രവേ​ശി​ക്കാൻ കഴിഞ്ഞില്ല. ആകാം​ക്ഷ​കൊണ്ട് ചിലർ ജിം​നേ​ഷ്യ​ത്തി​ന്‍റെ ഉള്ളിലെ കയറു​കൊ​ണ്ടുള്ള ഗോവ​ണി​ക​ളിൽ തൂങ്ങി​ക്കി​ടന്നു, ചിലർ വ്യായാ​മം ചെയ്യാ​നുള്ള ഉപകര​ണ​ത്തി​ന്‍റെ മുകളിൽ കയറി നിന്നു.

കാര്യങ്ങൾ സുഗമ​മാ​യി മുന്നോ​ട്ടു പോയില്ല. എതിരാ​ളി​കൾ ഒച്ച വെക്കു​ക​യും കസേരകൾ തകർക്കു​ക​യും ചെയ്‌തു. എന്നാൽ റഥർഫോർഡ്‌ സഹോ​ദരൻ സമനില കൈവി​ടാ​തെ ശാന്തനാ​യി ഒരു മേശയിൽ കയറി​നിന്ന് എല്ലാവർക്കും കേൾക്കാ​വു​ന്ന​തു​പോ​ലെ പ്രസംഗം തുടങ്ങി. പാതി​രാ​ത്രി​യോട്‌ അടുത്ത്‌ അദ്ദേഹം പ്രസംഗം അവസാ​നി​പ്പി​ച്ച​പ്പോൾ 1,200-ലേറെ താത്‌പ​ര്യ​ക്കാർ ബൈബിൾപ്ര​സി​ദ്ധീ​ക​ര​ണങ്ങൾ കിട്ടാ​നാ​യി അവരുടെ പേരും വിലാ​സ​വും ഏൽപ്പിച്ചു. പിറ്റെ ദിവസം​തന്നെ ഒ സെകുലു എന്ന പത്രം റഥർഫോർഡ്‌ സഹോ​ദ​രന്‍റെ പ്രസം​ഗ​ത്തെ​ക്കു​റിച്ച് ഒരു ലേഖനം പ്രസി​ദ്ധീ​ക​രി​ച്ചു.

1925 സെപ്‌റ്റം​ബർ ആയപ്പോ​ഴേ​ക്കും പോർച്ചു​ഗ​ലിൽ വീക്ഷാ​ഗോ​പു​ര​ത്തി​ന്‍റെ പോർച്ചു​ഗീസ്‌ ഭാഷയി​ലുള്ള പതിപ്പു  പ്രസി​ദ്ധീ​ക​രി​ക്കാൻ തുടങ്ങി. (ബ്രസീ​ലിൽ നേര​ത്തേ​തന്നെ ഒരു പോർച്ചു​ഗീസ്‌ ഭാഷാ​പ​തിപ്പ് ഉണ്ടായി​രു​ന്നു.) ഏതാണ്ട് ഈ സമയത്ത്‌ ബ്രസീ​ലി​ലെ ഒരു ബൈബിൾവി​ദ്യാർഥി​യായ വെർജീ​ലി​യോ ഫെർഗ്യൂ​സൺ രാജ്യ​പ്ര​വർത്ത​ന​ത്തി​നാ​യി പോർച്ചു​ഗ​ലി​ലേക്കു മാറി​ത്താ​മ​സി​ക്കു​ന്ന​തി​നെ​ക്കു​റിച്ച് ചിന്തി​ച്ചു​തു​ടങ്ങി. ബ്രസീ​ലി​ലെ ബൈബിൾവി​ദ്യാർഥി​ക​ളു​ടെ ചെറിയ ബ്രാ​ഞ്ചോ​ഫീ​സിൽ അദ്ദേഹം യങ്‌ സഹോ​ദ​ര​ന്‍റെ​കൂ​ടെ മുമ്പ് ജോലി ചെയ്‌തി​ട്ടു​ണ്ടാ​യി​രു​ന്നു. വീണ്ടും യങ്‌ സഹോ​ദ​ര​ന്‍റെ​കൂ​ടെ പ്രവർത്തി​ക്കാ​നാ​യി അധികം താമസി​യാ​തെ വെർജീ​ലി​യോ​യും ഭാര്യ ലിസി​യും യാത്ര പുറ​പ്പെട്ടു. തക്ക സമയത്താ​യി​രു​ന്നു ഫെർഗ്യൂ​സൺ സഹോ​ദ​രന്‍റെ വരവ്‌. കാരണം യങ്‌ സഹോ​ദരൻ സോവി​യറ്റ്‌ യൂണിയൻ ഉൾപ്പെടെ മറ്റു സ്ഥലങ്ങളിൽ പ്രസം​ഗ​നി​യ​മ​ന​ത്തി​നു പോകാൻ തുടങ്ങു​ക​യാ​യി​രു​ന്നു.

പോർച്ചു​ഗ​ലിൽ സൈനി​കർ അധികാ​രം പിടി​ച്ചെ​ടു​ക്കു​ക​യും ഏകാധി​പ​ത്യം സ്ഥാപി​ക്കു​ക​യും ചെയ്‌തു. നമ്മുടെ പ്രവർത്ത​ന​ത്തോ​ടുള്ള എതിർപ്പും വർധി​ച്ചു​വന്നു. എന്നാൽ ഫെർഗ്യൂ​സൺ സഹോ​ദരൻ ധൈര്യ​ത്തോ​ടെ ഉറച്ചു​നി​ന്നു. അവി​ടെ​യു​ണ്ടാ​യി​രുന്ന ചെറിയ കൂട്ടം ബൈബിൾവി​ദ്യാർഥി​കളെ സംരക്ഷി​ക്കാ​നും അവരുടെ പ്രവർത്തനം ഊർജി​ത​മാ​ക്കാ​നും വേണ്ടി അദ്ദേഹം ആവശ്യ​മായ നടപടി​കൾ സ്വീക​രി​ച്ചു. തന്‍റെ വീട്ടിൽവെച്ച് യോഗങ്ങൾ നടത്തു​ന്ന​തി​നുള്ള അനുമ​തി​ക്കാ​യി അദ്ദേഹം അപേക്ഷി​ച്ചു. 1927 ഒക്‌ടോ​ബ​റിൽ അതിനുള്ള അനുമതി കിട്ടി.

ഏകാധി​പ​ത്യ​ഭ​ര​ണ​ത്തി​ന്‍റെ ആദ്യത്തെ വർഷം പോർച്ചു​ഗ​ലിൽ ഏതാണ്ട് 450 പേർ വീക്ഷാ​ഗോ​പു​ര​ത്തി​ന്‍റെ വരിസം​ഖ്യ എടുത്തു. കൂടാതെ, ലഘു​ലേ​ഖ​ക​ളി​ലൂ​ടെ​യും ചെറു​പു​സ്‌ത​ക​ങ്ങ​ളി​ലൂ​ടെ​യും സത്യത്തി​ന്‍റെ വചനം അംഗോള, അസോ​റസ്‌, കിഴക്കൻ ടിമോർ, കേപ്‌ വേർഡെ, ഗോവ, മദൈറ, മൊസാ​മ്പിക്ക് തുടങ്ങി പോർച്ചു​ഗീസ്‌ സാമ്രാ​ജ്യ​ത്തി​ന്‍റെ വിദൂ​ര​ഭാ​ഗ​ങ്ങ​ളി​ലേ​ക്കും വ്യാപി​ച്ചു.

1920-കളുടെ അവസാനം പോർച്ചു​ഗീ​സു​കാ​ര​നായ മാനുവൽ ഡി സിൽവ ജോറാ​ഡോ ലിസ്‌ബ​ണിൽ എത്തി. എളിയ ചുറ്റു​പാ​ടു​ക​ളിൽനിന്ന് വന്ന അദ്ദേഹ​ത്തി​നു പൂന്തോ​ട്ടം പരിപാ​ലി​ക്കുന്ന ജോലി​യാ​യി​രു​ന്നു. ബ്രസീ​ലി​ലാ​യി​രു​ന്ന​പ്പോൾ യങ്‌ സഹോ​ദ​രന്‍റെ ഒരു പൊതു​പ്ര​സം​ഗം അദ്ദേഹം കേട്ടി​ട്ടു​ണ്ടാ​യി​രു​ന്നു. സത്യം തിരി​ച്ച​റിഞ്ഞ അദ്ദേഹം പ്രസം​ഗ​പ്ര​വർത്ത​ന​ത്തിൽ ഫെർഗ്യൂ​സൺ സഹോ​ദ​രനെ സഹായി​ക്കാൻ ആഗ്രഹി​ച്ചു. അദ്ദേഹം ഒരു കോൽപോർട്ട​റാ​യി സേവി​ക്കാൻ തുടങ്ങി. മുൻനി​ര​സേ​വകർ അന്ന് അങ്ങനെ​യാണ്‌ അറിയ​പ്പെ​ട്ടി​രു​ന്നത്‌. ക്രമീ​കൃ​ത​മായ രീതി​യിൽ ബൈബിൾപ്ര​സി​ദ്ധീ​ക​ര​ണങ്ങൾ അച്ചടി​ക്കാ​നും വിതരണം ചെയ്യാ​നും ആരംഭി​ച്ച​പ്പോൾ ലിസ്‌ബ​ണി​ലെ പുതിയ സഭ തഴച്ചു​വ​ള​രാൻ തുടങ്ങി.

1934-ൽ ഫെർഗ്യൂ​സൺ സഹോ​ദ​ര​നും സഹോ​ദ​രി​ക്കും ബ്രസീ​ലി​ലേക്കു മടങ്ങേ​ണ്ടി​വന്നു. എന്നാൽ ആ സമയമാ​യ​പ്പോ​ഴേ​ക്കും പോർച്ചു​ഗ​ലിൽ സത്യത്തി​ന്‍റെ വിത്തു വിതയ്‌ക്ക​പ്പെ​ട്ടി​രു​ന്നു. സ്‌പാ​നിഷ്‌ ആഭ്യന്ത​ര​ക​ലാ​പ​വും രണ്ടാം ലോക​മ​ഹാ​യു​ദ്ധ​വും യൂറോ​പ്പി​നെ പിടി​ച്ചു​കു​ലു​ക്കി. എങ്കിലും പോർച്ചു​ഗ​ലി​ലെ വിശ്വ​സ്‌ത​രായ സഹോ​ദ​രങ്ങൾ ആത്മീയ​മാ​യി പിടി​ച്ചു​നി​ന്നു. കുറെ കാല​ത്തേക്ക് അവരുടെ വിശ്വാ​സം കനൽക്ക​ട്ട​കൾപോ​ലെ തോന്നി​ച്ചെ​ങ്കി​ലും ജോൺ കുക്ക് 1947-ൽ അവിടെ എത്തിയ​പ്പോൾ ഈ കൂട്ടം വീണ്ടും കത്തിജ്വ​ലി​ക്കാൻ തുടങ്ങി. ഗിലെ​യാദ്‌ പരിശീ​ലനം കിട്ടി അവി​ടെ​യെ​ത്തിയ ആദ്യത്തെ മിഷന​റി​യാ​യി​രു​ന്നു അദ്ദേഹം. പിന്നീട്‌ അങ്ങോട്ട് രാജ്യ​ഘോ​ഷ​ക​രു​ടെ നിലയ്‌ക്കാത്ത വളർച്ച​യാ​യി​രു​ന്നു. 1962-ൽ ഗവൺമെന്‍റ് യഹോ​വ​യു​ടെ സാക്ഷി​ക​ളു​ടെ പ്രവർത്ത​നങ്ങൾ നിരോ​ധി​ച്ചെ​ങ്കി​ലും പ്രവർത്തനം പുരോ​ഗ​മി​ച്ചു​കൊ​ണ്ടേ​യി​രു​ന്നു. 1974 ഡിസം​ബ​റിൽ യഹോ​വ​യു​ടെ സാക്ഷി​കൾക്കു നിയമ​പ​ര​മായ അംഗീ​കാ​രം കിട്ടി​യ​പ്പോൾ രാജ്യത്ത്‌ 13,000-ത്തിലധി​കം പ്രചാ​ര​ക​രു​ണ്ടാ​യി​രു​ന്നു.

ഇന്നു പോർച്ചു​ഗ​ലി​ലും പോർച്ചു​ഗീസ്‌ ഭാഷ സംസാ​രി​ക്കുന്ന അസോ​റസ്‌, മദൈറ തുടങ്ങി അനേകം ദ്വീപു​ക​ളി​ലും ആയി 50,000-ത്തിലധി​കം രാജ്യ​പ്ര​ചാ​രകർ ദൈവ​രാ​ജ്യ​ത്തി​ന്‍റെ സന്തോ​ഷ​വാർത്ത പ്രസം​ഗി​ക്കു​ന്നു. ഇവർക്കി​ട​യിൽ, 1925-ൽ റഥർഫോർഡ്‌ സഹോ​ദ​രന്‍റെ ചരി​ത്ര​പ്ര​സി​ദ്ധ​മായ പ്രസംഗം കേട്ട ആളുക​ളു​ടെ മൂന്നാം തലമു​റ​ക്കാ​രു​മുണ്ട്.

ഇതി​നെ​ല്ലാം നമ്മൾ നന്ദി നൽകു​ന്നത്‌ യഹോ​വ​യ്‌ക്കാണ്‌. കൂടാതെ, ‘ജനതകൾക്കു​വേണ്ടി ക്രിസ്‌തു​യേ​ശു​വി​ന്‍റെ സേവക​രാ​യി​രു​ന്നു​കൊണ്ട്’ പ്രസം​ഗ​പ്ര​വർത്ത​ന​ത്തിൽ ധൈര്യ​ത്തോ​ടെ നേതൃ​ത്വ​മെ​ടുത്ത വിശ്വ​സ്‌ത​രായ ആദ്യകാ​ല​സ​ഹോ​ദ​ര​ങ്ങൾക്കും ഒരുപാ​ടു നന്ദി.—റോമ. 15:15, 16—പോർച്ചു​ഗ​ലി​ലെ ശേഖര​ത്തിൽനിന്ന്.