തീർച്ചയായും! വിശ്വ​സ്‌ത​രായ ദൈവ​ദാ​സർ പ്രാർഥി​ച്ചാൽ ദൈവം അവരുടെ പ്രാർഥ​നകൾ കേൾക്കും, അവർക്കു പ്രയോ​ജ​ന​വും കിട്ടും. (ലൂക്കോസ്‌ 22:40; യാക്കോബ്‌ 5:13) പ്രാർഥി​ക്കു​ന്ന​തു​കൊണ്ട്‌ ഒരുപാട്‌ ഗുണങ്ങ​ളുണ്ട്‌. ദൈവ​വു​മാ​യി നല്ലൊരു ബന്ധം, മനസ്സിന്റെ സന്തോഷം, മെച്ചപ്പെട്ട ആരോ​ഗ്യം അങ്ങനെ പലതും

ഉദാഹരണത്തിന്‌, നിങ്ങളു​ടെ കുട്ടിക്ക്‌ ഒരു സമ്മാനം കിട്ടി​യെന്ന്‌ വിചാ​രി​ക്കുക. അവനു വലിയ സന്തോ​ഷ​വും നന്ദിയും ഒക്കെ തോന്നും. അങ്ങനെ തോന്നി​യാൽ മാത്രം മതി​യെന്ന്‌ നിങ്ങൾ കരുതു​മോ? അതോ സമ്മാനം തന്ന ആളി​നോട്‌ നന്ദി പറയാൻ കുട്ടി​യോട്‌ പറഞ്ഞു​കൊ​ടു​ക്കു​മോ? സമ്മാനം കിട്ടി​യ​തി​ന്റെ സന്തോ​ഷ​വും നന്ദിയും ഒക്കെ വാക്കു​ക​ളി​ലൂ​ടെ അറിയി​ക്കു​മ്പോൾ ആ സമ്മാനം തന്ന വ്യക്തിക്ക്‌ എത്ര സന്തോഷം തോന്നും. ഇതു​പോ​ലെ ദൈവ​ത്തോട്‌ നമ്മൾ സംസാ​രി​ക്കു​മ്പോൾ ദൈവ​ത്തി​നും ഇതുത​ന്നെ​യല്ലേ തോന്നുക? തീർച്ച​യാ​യും. ചില ഉദാഹ​ര​ണങ്ങൾ നോക്കാം.

നന്ദി പറഞ്ഞു​കൊണ്ട്‌ പ്രാർഥി​ക്കുക. നമുക്ക്‌ കിട്ടുന്ന നല്ല കാര്യ​ങ്ങൾക്കു​വേണ്ടി പിതാ​വി​നോട്‌ നന്ദി പറയു​മ്പോൾ, ദൈവം തന്ന അനു​ഗ്ര​ഹ​ങ്ങ​ളി​ലേക്ക്‌ നമ്മൾ കൂടുതൽ ശ്രദ്ധി​ക്കു​ക​യാണ്‌. അത്‌ കൂടുതൽ നന്ദി കാണി​ക്കാ​നും സന്തോ​ഷ​ത്തോ​ടെ​യി​രി​ക്കാ​നും നല്ല ചിന്തകൾ ഉണ്ടായിരിക്കാനും നമ്മളെ സഹായി​ക്കും.—ഫിലി​പ്പി​യർ 4:6.

ഉദാഹരണം: പിതാവ്‌ തന്റെ പ്രാർഥന കേട്ടതി​നും അതിന്‌ മറുപടി കൊടു​ത്ത​തി​നും യേശു നന്ദി പറഞ്ഞു.—യോഹ​ന്നാൻ 11:41.

ക്ഷമയ്‌ക്കുവേണ്ടി പ്രാർഥി​ക്കുക. ദൈവ​ത്തോട്‌ നമ്മൾ ക്ഷമയ്‌ക്കു​വേണ്ടി പ്രാർഥി​ക്കു​മ്പോൾ നല്ല മനസ്സാക്ഷി ഉണ്ടായി​രി​ക്കാ​നും ആത്മാർഥ​മാ​യി പശ്ചാത്ത​പി​ക്കാ​നും തെറ്റിന്റെ ഗൗരവം ശരിക്കും മനസ്സി​ലാ​ക്കാ​നും നമുക്കു കഴിയും. കൂടാതെ, കുറ്റ​ബോ​ധ​ത്തി​ന്റെ ഭാരം പേറു​ന്ന​തിൽനിന്ന്‌ ആശ്വാ​സ​വും കിട്ടും.

ഉദാഹരണം: ദാവീ​ദി​ന്റെ പ്രാർഥ​ന​യിൽ പശ്ചാത്താ​പ​വും ദുഃഖ​വും ഉണ്ടായി​രു​ന്നു.—സങ്കീർത്തനം 51.

അറിവിനും മാർഗ​നിർദേ​ശ​ത്തി​നും വേണ്ടി പ്രാർഥി​ക്കുക. നല്ല തീരു​മാ​നങ്ങൾ എടുക്കാ​നുള്ള അറിവി​നും മാർഗ​നിർദേ​ശ​ത്തി​നും വേണ്ടി യഹോ​വ​യോട്‌ പ്രാർഥി​ക്കു​മ്പോൾ നമുക്ക്‌ താഴ്‌മ ഉണ്ടെന്ന്‌ നമ്മൾ കാണി​ക്കു​ക​യാണ്‌. കൂടാതെ, നമ്മുടെ കുറവു​ക​ളെ​ക്കു​റിച്ച്‌ നമുക്കു​തന്നെ ഒരു തിരി​ച്ച​റിവ്‌ ഉണ്ടായി​രി​ക്കാ​നും സ്വർഗീയ പിതാ​വി​നെ എല്ലാ കാര്യ​ങ്ങ​ളി​ലും ആശ്രയി​ക്കാ​നും അത്‌ നമ്മളെ സഹായി​ക്കും.—സുഭാ​ഷി​തങ്ങൾ 3:5, 6.

ഉദാഹരണം: ഇസ്രാ​യേൽ ജനതയെ ഭരിക്കാ​നുള്ള അറിവി​നും മാർഗ​നിർദേ​ശ​ത്തി​നും ആയി ശലോ​മോൻ താഴ്‌മ​യോ​ടെ പ്രാർഥി​ച്ചു.—1 രാജാ​ക്ക​ന്മാർ 3:5-12.

മനസ്സമാധാനത്തിനുവേണ്ടി പ്രാർഥി​ക്കുക. മനസ്സിനെ ഭാര​പ്പെ​ടു​ത്തുന്ന വിഷമ​ങ്ങ​ളെ​ല്ലാം ദൈവ​ത്തോട്‌ പറഞ്ഞു​ക​ഴി​യു​മ്പോൾ നമുക്ക്‌ വല്ലാത്ത ആശ്വാസം തോന്നും. അങ്ങനെ​യാ​കു​മ്പോൾ നമ്മുടെ ബുദ്ധി​യിൽ ആശ്രയി​ക്കാ​തെ യഹോ​വ​യിൽ ആശ്രയി​ക്കാൻ നമുക്ക്‌ കഴിയും.—സങ്കീർത്തനം 62:8.

ഉദാഹരണം: കരുത്ത​നായ ഒരു ശത്രു​വി​നെ നേരി​ടേ​ണ്ടി​വ​ന്ന​പ്പോൾ ആസാ രാജാവ്‌ പ്രാർഥി​ച്ചു.—2 ദിനവൃ​ത്താ​ന്തം 14:11.

മറ്റുള്ളവർക്കുവേണ്ടി പ്രാർഥി​ക്കുക. കഷ്ടപ്പാ​ടും ബുദ്ധി​മു​ട്ടും അനുഭ​വി​ക്കുന്ന ആളുകൾക്കു​വേണ്ടി പ്രാർഥി​ക്കു​മ്പോൾ നമ്മൾ നമ്മളെ​ക്കു​റിച്ച്‌ ചിന്തി​ക്കു​ന്ന​തി​നു പകരം അവരോട്‌ സഹാനു​ഭൂ​തി​യും അനുക​മ്പ​യും കാണി​ക്കു​ക​യാണ്‌.

ഉദാഹരണം: യേശു തന്റെ ശിഷ്യ​ന്മാർക്കു​വേണ്ടി പ്രാർഥി​ച്ചു.—യോഹ​ന്നാൻ 17:9-17.

ദൈവത്തെ സ്‌തു​തി​ച്ചു​കൊണ്ട്‌ പ്രാർഥി​ക്കുക. യഹോ​വ​യു​ടെ സൃഷ്ടി​ക​ളെ​ക്കു​റി​ച്ചും ഗുണങ്ങ​ളെ​ക്കു​റി​ച്ചും ഒക്കെ വിലമ​തി​പ്പു നിറഞ്ഞ വാക്കു​ക​ളി​ലൂ​ടെ പ്രാർഥി​ക്കു​മ്പോൾ യഹോ​വ​യോ​ടുള്ള നമ്മുടെ ബഹുമാ​ന​വും സ്‌നേ​ഹ​വും വർധി​ക്കും. അത്‌ നമ്മളെ പിതാ​വായ ദൈവ​ത്തോട്‌ കൂടുതൽ അടുപ്പി​ക്കും.

ഉദാഹരണം: ദാവീദ്‌ ദൈവ​ത്തി​ന്റെ സൃഷ്ടി​ക​ളെ​ക്കു​റിച്ച്‌ ചിന്തിച്ച്‌, ദൈവത്തെ വാഴ്‌ത്തി സ്‌തു​തി​ച്ചു.—സങ്കീർത്തനം 8.

പ്രാർഥനയിലൂടെ നമുക്ക്‌ കിട്ടുന്ന മറ്റൊരു അനു​ഗ്ര​ഹ​മാണ്‌ “മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം.” (ഫിലി​പ്പി​യർ 4:7) ഈ പ്രശ്‌നം നിറഞ്ഞ ലോകത്ത്‌ സമാധാ​നം കിട്ടുക എന്നു പറയു​ന്നത്‌ വലിയ കാര്യ​മല്ലേ? മാത്രമല്ല അതു നമ്മുടെ ആരോ​ഗ്യ​ത്തി​നും വളരെ നല്ലതാണ്‌. (സുഭാ​ഷി​തങ്ങൾ 14:30) എന്നാൽ ഇതൊക്കെ നമ്മുടെ ശ്രമം​കൊണ്ട്‌ മാത്രം നേടി​യെ​ടു​ക്കാൻ പറ്റുന്ന​താ​ണോ, അല്ലെങ്കിൽ അതിൽ മറ്റ്‌ എന്തെങ്കി​ലും പ്രധാ​ന​പ്പെട്ട കാര്യങ്ങൾ കൂടി ഉൾപ്പെ​ടു​ന്നു​ണ്ടോ?