ലോകമെങ്ങുമുള്ളവർ യഹോ​വ​യു​ടെ സാക്ഷി​ക​ളു​ടെ പ്രസിദ്ധീകരണങ്ങൾ വായി​ക്കു​ന്നു. നിങ്ങൾ ഇപ്പോൾ ചെയ്യുന്നതുപോലെ, ഇലക്‌​ട്രോ​ണിക്‌ രൂപത്തി​ലാണ്‌ ആയിര​ക്ക​ണ​ക്കിന്‌ ആളുകൾ അവ വായി​ക്കു​ന്നത്‌. എന്നാൽ, ഞങ്ങളുടെ പ്രസി​ദ്ധീ​ക​ര​ണ​ങ്ങ​ളു​ടെ അച്ചടി​യെ​ക്കു​റിച്ച്‌ അറിയുമ്പോൾ നിങ്ങൾ അതിശയിച്ചുപോയേക്കാം. 2013-ലെ കണക്ക്‌ അനുസ​രിച്ച്‌ ഞങ്ങൾ ഏകദേശം 700 ഭാഷകളിൽ ബൈബിൾ പ്രസിദ്ധീകരണങ്ങൾ പുറത്തിറക്കി 239 ദേശങ്ങളിൽ വിതരണം ചെയ്യുന്നു.

ആദ്യകാ​ലത്ത്‌ ഞങ്ങൾ അച്ചടി​ക്കാ​യി മറ്റു പ്രസ്സു​കാ​രെ​യാണ്‌ ആശ്രയി​ച്ചി​രു​ന്നത്‌. എന്നാൽ 1920-ൽ ന്യൂയോർക്കിലെ ബ്രൂക്‌ലിനിൽ ചെറിയ ഒരു കെട്ടിടം വാടക​യ്‌ക്ക്‌ എടുത്ത്‌ ഞങ്ങൾ ഞങ്ങളുടെ ചില മാസി​ക​ക​ളും ചെറു​പു​സ്‌ത​ക​ങ്ങ​ളും അച്ചടിക്കാൻ തുടങ്ങി. ആ ചെറിയ തുടക്കത്തിൽനിന്ന്‌ ഇപ്പോൾ അത്‌ ആഫ്രിക്ക, ഏഷ്യ, ഓസ്‌​ട്രേ​ലി​യ, തെക്കെ അമേരിക്ക, യൂറോപ്പ്‌, വടക്കെ അമേരിക്ക എന്നിവിടങ്ങളിൽ വ്യാപിച്ചുകിടക്കുന്ന 15 അച്ചടി​ശാ​ല​ക​ളാ​യി വളർന്നിരിക്കുന്നു.

ഞങ്ങളുടെ ഏറ്റവും പ്രധാ​ന​പ്പെട്ട പുസ്‌ത​കം

ഞങ്ങൾ അച്ചടിക്കുന്നതിൽ ഏറ്റവും പ്രധാ​ന​പ്പെട്ട പുസ്‌ത​കം ബൈബി​ളാണ്‌. 1942-ലാണു ഞങ്ങളുടെ പ്രസ്സിൽ ആദ്യമാ​യി മുഴു​ബൈ​ബി​ളും അച്ചടി​ച്ചത്‌. ഇംഗ്ലീ​ഷി​ലു​ള്ള ജയിംസ്‌ രാജാ​വി​ന്റെ ഭാഷാ​ന്ത​രം ആയിരു​ന്നു അത്‌. 1961 മുതൽ യഹോ​വ​യു​ടെ സാക്ഷികൾ വിശുദ്ധ തിരുവെഴുത്തുകൾ—പുതിയ ലോക ഭാഷാ​ന്ത​രം എന്ന സമ്പൂർണ ബൈബിൾ പരിഭാ​ഷ​പ്പെ​ടു​ത്തി പുറത്തി​റ​ക്കു​ന്നു. 2013 ആയപ്പോ​ഴേ​ക്കും ഈ ബൈബി​ളി​ന്റെ 18 കോടി 40 ലക്ഷം പ്രതികൾ 121 ഭാഷകളിൽ പുറത്തിറക്കാനായി.

ഞങ്ങൾ പുറത്തിറക്കുന്ന ബൈബി​ളി​നു മറ്റു ചില സവി​ശേ​ഷ​ത​ക​ളു​മുണ്ട്‌. അവ വളരെ ഈടുനിൽക്കുന്നവയാണ്‌. ആസിഡ്‌ സ്‌പർശമേൽക്കാത്ത കടലാസിൽ അച്ചടി​ക്കു​ന്ന​തു​കൊണ്ട്‌ കാലപ്പഴക്കത്തിൽ കടലാ​സി​നു മഞ്ഞനിറം വരുന്നില്ല. ബയൻഡിങ്ങിലും ഞങ്ങൾ വളരെ ശ്രദ്ധി​ക്കു​ന്നു. അതു​കൊണ്ട്‌, അത്ര പെട്ടെ​ന്നൊ​ന്നും കേടു​വ​രാ​ത്ത ഒരു ബൈബിൾ പുറത്തിറക്കാൻ സാധിക്കുന്നു.

മറ്റു പ്രസിദ്ധീകരണങ്ങൾ

ബൈബിൾ പഠിക്കാൻ സഹായി​ക്കു​ന്ന ചില പ്രസി​ദ്ധീ​ക​ര​ണ​ങ്ങ​ളും ഞങ്ങൾ അച്ചടി​ക്കു​ന്നുണ്ട്‌. 2013-ലെ ചില കണക്കുകൾ ഇതാ:

• വീക്ഷാ​ഗോ​പു​രം. ഞങ്ങളുടെ ഏറ്റവും മുഖ്യ​മാ​യ ആനുകാ​ലി​ക പ്രസി​ദ്ധീ​ക​ര​ണ​മാണ്‌ ഇത്‌. 210-ലധികം ഭാഷകളിൽ അച്ചടിക്കുന്ന ഇത്‌ ഇന്ന്‌ ലോകത്ത്‌ ഏറ്റവും അധികം വിതരണം ചെയ്യ​പ്പെ​ടു​ന്ന മാസി​ക​യാണ്‌. ഈ മാസി​ക​യു​ടെ 16 പേജുള്ള പതിപ്പി​ന്റെ 4,50,00,000 പ്രതി​കളാ​ണു മാസ​ന്തോ​റും അച്ചടി​ക്കു​ന്നത്‌.

• ഉണരുക! ഇതു വീക്ഷാ​ഗോ​പു​ര​ത്തി​ന്റെ കൂട്ടു​മാ​സി​ക​യാണ്‌. 99 ഭാഷകളിൽ അച്ചടിക്കുന്ന ഇതിനു വിതരണത്തിൽ രണ്ടാം സ്ഥാനമുണ്ട്‌. ഓരോ ലക്കത്തി​ന്റെ​യും 4,40,00,000 പ്രതികൾ അച്ചടി​ക്കു​ന്നു.

• ബൈബിൾ യഥാർഥത്തിൽ എന്തു പഠിപ്പി​ക്കു​ന്നു? 224 പേജുള്ള ഈ പുസ്‌ത​കം ബൈബി​ളി​ന്റെ അടിസ്ഥാന പഠിപ്പിക്കലുകൾ മനസ്സിലാക്കാൻ സഹായി​ക്കു​ന്നു. 2005 മുതൽ 240 ഭാഷകളിൽ ഇതിന്റെ 21 കോടി 40 ലക്ഷത്തി​ല​ധി​കം പ്രതികൾ അച്ചടി​ച്ചി​രി​ക്കു​ന്നു.

• ദൈവം പറയു​ന്ന​തു കേൾക്കുവിൻ! നന്നായി വായിക്കാൻ പറ്റാത്തവർക്കുവേണ്ടി തയ്യാറാ​ക്കി​യ 32 പേജുള്ള ലഘുപ​ത്രി​ക​യാണ്‌ ഇത്‌. മനോ​ഹ​ര​മാ​യ ചിത്ര​ങ്ങ​ളും ചെറിയ ചിത്ര​ക്കു​റി​പ്പു​ക​ളും ഉപയോ​ഗിച്ച്‌ ലളിത​മാ​യ ബൈബിൾസത്യങ്ങൾ ഇത്‌ ആളുകൾക്കു പകർന്നുകൊടുക്കുന്നു. 400-ലധികം ഭാഷകളിൽ അതിന്റെ 4 കോടി 20 ലക്ഷം പ്രതികൾ പുറത്തി​റ​ക്കി​യി​രി​ക്കു​ന്നു.

ഇവയ്‌ക്കു പുറമേ യഹോ​വ​യു​ടെ സാക്ഷികൾ മറ്റു പല പുസ്‌ത​ക​ങ്ങ​ളും ലഘുപ​ത്രി​ക​ക​ളും ലഘു​ലേ​ഖ​ക​ളും അച്ചടി​ക്കു​ന്നുണ്ട്‌. ബൈബിൾചോദ്യങ്ങൾക്ക്‌ ഉത്തരം കണ്ടെത്തു​ന്ന​തി​നും ജീവി​ത​ത്തി​ലെ പ്രശ്‌നങ്ങൾ കൈകാര്യം ചെയ്യു​ന്ന​തി​നും സന്തോ​ഷ​ക​ര​മാ​യ കുടും​ബ​ജീ​വി​തം നയിക്കു​ന്ന​തി​നും ഇവ ബൈബിൾവിദ്യാർഥികളെ സഹായി​ക്കു​ന്നു. 2012-ൽ യഹോവയുടെ സാക്ഷി​ക​ളു​ടെ അച്ചടിശാലകളിൽ മൊത്തം 130 കോടി​യി​ല​ധി​കം മാസികകൾ അച്ചടിച്ചു. പുസ്‌ത​ക​ങ്ങ​ളു​ടെ​യും ബൈബി​ളു​ക​ളു​ടെ​യും 8 കോടി​യി​ല​ധി​കം പ്രതി​ക​ളും അച്ചടിച്ച്‌ പുറത്തി​റ​ക്കി.

ഞങ്ങളുടെ അച്ചടിശാലകൾ സന്ദർശിക്കുന്നവർ അവിടെ ജോലി ചെയ്യു​ന്ന​വ​രു​ടെ കഠിനാ​ധ്വാ​നം കണ്ട്‌ അത്ഭുത​പ്പെ​ടാ​റുണ്ട്‌. പുസ്‌തകങ്ങളും മാസി​ക​ക​ളും മറ്റും ഉത്‌പാദിപ്പിക്കാൻ വേണ്ടി ആ സ്‌ത്രീപുരുഷന്മാർ അവരുടെ സമയവും കായി​ക​ശേ​ഷി​യും ചെലവ​ഴി​ക്കു​ന്നു. “ദൈവ​ത്തി​ന്റെ ഭവനം” എന്ന്‌ അർഥമുള്ള ബഥേലിൽ ചേർന്നപ്പോൾ അവരിൽ മിക്കവർക്കും അച്ചടിമേഖലയിൽ ഒരു പരിച​യ​വു​മു​ണ്ടാ​യി​രു​ന്നില്ല. പക്ഷേ, ഇവിടെ വന്നു കഴിയുമ്പോൾ മികച്ച പരിശീ​ല​ന​മാ​ണു കിട്ടു​ന്നത്‌. ഒരേ സമയം ജോലി​യും പരിശീ​ല​ന​വും കൂടിയാകുമ്പോൾ നല്ല ഫലം ലഭിക്കു​ക​യും ചെയ്യുന്നു. ഉദാഹ​ര​ണ​ത്തിന്‌ 20-നുമേൽ പ്രായമുള്ള ചില യുവാക്കൾക്ക്‌ അതിവേഗ അച്ചടിയന്ത്രങ്ങൾ പ്രവർത്തിപ്പിക്കാനാകുന്നു. ഒറ്റ മണിക്കൂ​റു​കൊണ്ട്‌ 16 പേജുള്ള 2,00,000 മാസികകൾ അച്ചടിക്കുന്ന യന്ത്രങ്ങ​ളാണ്‌ അവ എന്ന്‌ ഓർക്കണം!

എവി​ടെ​നി​ന്നാണ്‌ ഇതി​നൊ​ക്കെ​യു​ള്ള പണം?

ലോക​വ്യാ​പ​ക​മാ​യി യഹോ​വ​യു​ടെ സാക്ഷി​ക​ളു​ടെ ഈ വേല നടക്കു​ന്നത്‌ ആളുകൾ സ്വമനസ്സാലെ തരുന്ന സംഭാ​വ​ന​ക​ളാ​ലാണ്‌. 1879 ആഗസ്റ്റ്‌ ലക്കം സീയോ​ന്റെ വീക്ഷാ​ഗോ​പു​രം (ഇപ്പോൾ വീക്ഷാഗോപുരം എന്നാണ്‌ അതിന്റെ പേര്‌.) ഇങ്ങനെ പറഞ്ഞിരുന്നു: “‘സീയോന്റെ വീക്ഷാ​ഗോ​പു​ര​ത്തിന്‌ യഹോവ അതിന്റെ പിന്തു​ണ​ക്കാ​ര​നാ​യു​ണ്ടെന്നു ഞങ്ങൾ വിശ്വസിക്കുന്നു, വാസ്‌ത​വം ഇതാകയാൽ സഹായത്തിനുവേണ്ടി അത്‌ ഒരിക്ക​ലും മനുഷ്യ​രോ​ടു യാചി​ക്കു​ക​യോ അഭ്യർഥിക്കുകയോ ഇല്ല.” ഇപ്പോ​ഴും അതിനു മാറ്റ​മൊ​ന്നും വന്നിട്ടില്ല.

ഈ വേലയ്‌ക്കു​വേ​ണ്ടി എന്തിനാ​ണു ഞങ്ങൾ ഇത്രയ​ധി​കം സമയവും പണവും ശ്രമവും ഒക്കെ ചെലവ​ഴി​ക്കു​ന്നത്‌? എന്തിനാ​ണു ലക്ഷക്കണ​ക്കി​നു ബൈബി​ളു​ക​ളും പുസ്‌ത​ക​ങ്ങ​ളും അച്ചടി​ക്കു​ന്നത്‌, ഓൺലൈനിൽ ലഭ്യമാക്കുന്നത്‌? നിങ്ങൾ അവ വായിച്ച്‌ ദൈവ​വു​മാ​യി അടുത്ത ബന്ധത്തി​ലേ​ക്കു വരണം എന്നതാണു ഞങ്ങളുടെ ആഗ്രഹം.