Јехова сака да му служиме од љубов (Мт 22:37, 38). Токму љубовта кон Бог ќе им даде сила на интересентите да ги направат потребните промени и да не потклекнат на искушенијата (1Јо 5:3). Љубовта кон Бог ќе ги поттикне да се крстат.

Помогни им на интересентите да видат докази дека Бог ги сака. Прашај ги: „Што учиш од ова за Јехова?“; „Како ова покажува дека Бог те сака?“ Помогни им да увидат како Јехова им помага (2Ле 16:9). Кажи им како Јехова ти одговорил на некои твои конкретни молитви и поттикни ги да забележат како тој одговара на нивните. Голема радост ни носи кога гледаме како интересентите возвраќаат на Јеховината љубов и покажуваат дека сакаат да бидат негови пријатели.

ГЛЕДАЈ ГО ВИДЕОКЛИПОТ ПОМОГНИ ИМ НА ТВОИТЕ ИНТЕРЕСЕНТИ ДА СТАНАТ БЛИСКИ ПРИЈАТЕЛИ СО ЈЕХОВА, А ПОТОА ОДГОВОРИ ГИ СЛЕДНИВЕ ПРАШАЊА:

• Со каков проблем се соочи Џејд?

• Како Нита ѝ помогна на Џејд?

• Како Џејд успеа да го надмине проблемот?