Псалми 56:1-13
На управителот, за „Немата гулабица“ меѓу оние што се далеку. Давидов псалм. Миктам.* Кога Филистејците го фатија Давид во Гат.+
56 Смилувај ми се, Боже, зашто смртен човек сака да ме зграпчи со забите.+Војувајќи против мене по цел ден, ме угнетува.+
2 Моите непријатели по цел ден гледаат да ме зграпчат со забите,+зашто, мнозина вообразено војуваат со мене.+
3 Во денот кога ќе се исплашам, во тебе ќе имам доверба.+
4 Се потпирам на Бог и ќе ја фалам неговата реч.+На Бог се надевам, нема да се плашам.+Што може да ми направи смртен човек?+
5 По цел ден работат против менеи само зло ми мислат.+
6 Напаѓаат, се кријат,+и ми ги следат чекорите+додека ја демнат мојата душа.+
7 Поради нивната злоба, отфрли ги!+Собори ги во гнев народите, Боже!+
8 Ти го забележа моето прогонство.+Стави ги моите солзи во својата мешина.+Не се ли тие во твојата книга?+
9 Тогаш ќе се повлечат моите непријатели, во денот кога ќе те повикам.+Добро знам дека Бог е со мене.+
10 Во единство со Бог+ ќе ја фалам неговата реч,во единство со Јехова ќе ја фалам неговата реч.+
11 На Бог се надевам. Нема да се плашам.+Што може да ми направи земниот човек?+
12 Ме врзуваат заветите што ти ги дадов, Боже.+Ќе ти принесам благодарности.+
13 Зашто, ти ја избави мојата душа од смрт,+моите нозе од спрепнување,+за да ти служам тебе, Боже,* во светлината на живите.+
