Псалми 49:1-20
На управителот. Псалм од синовите на Кореј.+ Песна.
49 Чујте го ова, сите народи!Приклонете уво, сите жители на овој век,+
2 синови земни и синови човечки,богати и сиромашни заедно!+
3 Мојата уста ќе го зборува она што е мудро+и моето срце ќе размислува за она што е разборито.+
4 Кон изреката ќе го приклонам своето уво,+со харфа ќе ја објаснам својата загатка.+
5 Зошто да се плашам во злите денови,+кога ќе ме опколи престапот на оние што ме газат?+
6 Од оние што имаат доверба во својот имот+и кои се фалат со своето големо богатство,+
7 никој не може да го откупи братот,+и не може да му даде на Бог откуп за него
8 (откупнината за нивната душа е толку висока+што останува неплатена довека),
9 па да живее засекогаш и да не ја види гробната јама.+
10 Зашто, тој гледа дека и мудрите умираат,+гинат и безумните и неразумните,+и на други им го оставаат својот имот.+
11 Во себе имаат желба нивните куќи да траат довека,+нивните шатори од поколение во поколение.+Своите земјишни поседи ги нарекуваат со своето име.+
12 Но земниот човек, макар и да е почитуван, не може да остане жив,+навистина е како животните што гинат.+
13 Тоа е патот на оние што се полни со безумство+и на оние што ги следат и уживаат во нивните фалбаџиски зборови. (Села)
14 Како овци, одредени се за гробот,*+смртта ќе им биде пастир,+а справедливите ќе владеат наутро над нив+и секоја трага од нив ќе исчезне,+секој од нив заминува во гробот,* а не во возвишено живеалиште.+
15 Но Бог ќе ја откупи мојата душа од раката на гробот,*+тој ќе ме прими. (Села)
16 Нека не те плаши тоа што некој се богати,+што расте славата на неговата куќа,+
17 зашто, кога ќе умре, не може ништо да понесе со себе,+и неговата слава нема да слезе со него.+
18 Зашто, додека беше жив ја благословуваше својата душа.+(Луѓето ќе те фалат затоа што си правиш добро себеси.)+
19 Но неговата душа сепак не оди подалеку отколку поколението на неговите татковци.+Никогаш повеќе нема да ја видат светлината.+
20 Земниот човек што не разбира, макар и да е почитуван,+навистина е како животните што гинат.+
