Псалми 12:1-8
На управителот, на пониската октава.+ Давидова песна.
12 Спаси ме,+ Јехова, зашто лојални луѓе повеќе нема,+меѓу синовите човечки ги снема оние што се верни.
2 Еден на друг си кажуваат невистини,+зборуваат со ласкави усни+ и со дволично* срце.+
3 Јехова ќе ги истреби сите ласкави усни,јазикот што зборува вообразено,+
4 оние што велат: „Со својот јазик ќе се возвишиме.+Со своите усни зборуваме што сакаме. Кој ќе господари над нас?“
5 „Злите ги ограбуваат страдалниците, воздивнуваат сиромасите+ —затоа сега ќе станам“, вели Јехова.+„Ќе ги избавам од оние што ги презираат.“+
6 Зборовите на Јехова се чисти зборови,+како сребро пречистено во топилничка печка во земја, седумпати очистено.
7 Ти, Јехова, ќе ги чуваш,+секого од нив довека ќе го заштитуваш од ова поколение.
8 Злите се на сите страни,зашто злобата се велича меѓу синовите човечки.+
Фусноти
^ Или: „двојно“. Буквално: „со срце и со срце“.
