AKORANGA 40
Me Pēhea Tātou e Mā ai ki te Titiro a Ihowā?
Whakaarohia tētahi māmā aroha e whakareri ana i tana tama ki te haere ki te kura. E whakarite ana ia kua kaukau tana tama, he ātaahua ōna kākahu, he mā hoki. He pai tēnei mō tōna hauora, he whakaatu hoki ki ētahi, he mātua pai ōna kei te manaaki i a ia. Waihoki, e hiahia ana tō tātou Atua aroha a Ihowā kia matatika tātou, arā, kia mā—ā-tinana, ā-hinengaro, ā-mahi, ā-kōrero hoki. Ki te mā tātou ka whiwhi painga tātou, ā, ka whakahōnore tēnei i a Ihowā.
1. Me pēhea tātou e mā ā-tinana?
E kī ana a Ihowā: “Kia tapu koutou.” (1 Pita 1:16) E pā ana te taputanga, ki ēnei matatika, te mā ā-tinana, me te mā ā-hinengaro. Ka taea e tātou te mā, ā-tinana mā te horoi auau, mā te whakapai i ō tātou kākahu, kāinga, me tō tātou waka. Ka taea hoki e tātou te āwhina ki te whakapai i tō tātou Hōro Kīngitanga. Ki te mā tātou ā-tinana, he whakahōnore tēnei i a Ihowā.—2 Koriniti 6:3, 4.
2. Ka noho mā ana tātou he aha ngā mea hei karo?
E akiaki ana te Paipera, “horoi atu i a tātou i ngā mea poke katoa o te kikokiko, o te wairua.” (2 Koriniti 7:1) Nō reira, me kaha tātou ki te karo i ngā mea whakamamae ā-tinana, ā-hinengaro hoki. Kia āhuareka mai ai a Ihowā ki o tātou whakaaro, me kaha tātou ki te whakakore atu i ngā whakaaro kino. (Ngā Waiata 104:34) Ka whakapau kaha anō hoki tātou kia mā ā tātou kōrero.—Pānuitia Korohe 3:8.
He aha atu ētahi mea ka whakakino i a tātou ā-tinana, ā-hinengaro hoki? Ko ētahi matū ka tāhawahawa i o tātou tinana. Nō reira, ka karo tātou i ngā mea pēnei i te tupeka, te ngaungau betel nut, ngā rau coca, pūroi rēhia rānei. Mā te karo i ēnei, ka pai ake tō tātou hauora, ka whakaute hoki i te taonga o te ora. Ka kaha anō hoki tātou kia mā ā-tinana, ā-hinengaro, mā te whawhai i ngā mahi poke, pēnei i te tītoi me te mātakitaki karihika. (Ngā Waiata 119:37; Epeha 5:5) Ka uaua pea te whakamutu i ēnei momo poke, engari ka āwhina a Ihowā i a koe.—Pānuitia Īhāia 41:13.
KIMI MĀRAMATANGA
Nā tō tātou mā ā-tinana, tirohia he pēhea tēnei e whakahōnore i a Ihowā, tirohia anō hoki me pēhea te whakamutu i ēnei momo mahi poke
3. Ko te mā ā-tinana, he whakahōnore i a Ihowā
Ka mōhio tātou ki ngā whakaaro o Ihowā mō te āhuatanga mā, mā te titiro i āna whakahau ki ngā Īharaira o nehe. Pānuitia Ekoruhe 19:10 me 30:17-19, kōrerotia ēnei pātai:
-
I roto i ēnei whiti he aha ngā whakaaro o Ihowā e pā ana ki te mā ā-tinana?
-
He aha ngā tikanga pai hei āwhina i a koe kia noho mā ā-tinana ai?
Kia noho mā ā-tinana ai me whakapauhia te tāima me te kaha. Ahakoa kei hea e noho ana, te āhuatanga pūtea rānei, ka taea e tātou. Mātakitakitia te ATAATA, kōrerotia ēnei pātai e whai ake nei.
-
Me pēhea te whakapai, horoi hoki i o tātou taputapu, e whakanui ai i a tātou mahi kauwhau?
4. Whakamutua ngā mahi kino
Mā Ihowā tātou e āwhina kia eke panuku i ngā mahi kino
Mēnā he moki, he whakamahi pūroi rēhia rānei koe, tērā pea ka mōhio koe he uaua ki te whakamutu i tēnei mahi kino. He aha hei āwhina? Whakaarohia ka pēhea te pānga o tēnei mahi kino ki a koe. Pānuitia Matiu 22:37-39, kōrerotia ka pēhea te tupeka, raukoti pūroi rānei e pā ki . . .
-
te hoatanga o tētahi ki a Ihowā.
-
tōna whānau me ētahi atu.
Whakaritea he kaupapa ki te whakamutu i tētahi mahi kino. a Mātakitakitia te ATAATA.
Pānuitia 1 Koriniti 10:13, kōrerotia tēnei pātai:
-
Ka pēhea te īnoi auau, te akoranga Paipera, te haere hoki ki ngā hui, e hoatu kaha kia whakamutua tētahi mahi kino?
5. Whawhaitia ngā whakaaro me ngā mahi kino
Pānuitia Korohe 3:5, kōrerotia ēnei pātai:
-
Me pēhea tātou e mōhio ai he mea poke ki a Ihowā te karihika, te pātuhi karihika me te tītoi?
-
Ki ōu whakaaro he tika te whakaaro o Ihowā kia mā tātou? He aha ai?
Kitea me pēhea te whawhai i ngā whakaaro kino. Mātakitakitia te ATAATA
He tohu whakaahua tā Īhu, kia tika tonu te whakatau kia noho mā ā-tinana, ā-hinengaro ai. Pānuitia Matiu 5:29, 30, kōrerotia tēnei pātai:
-
Ahakoa kāre a Īhu i te kī me whakamamae ā-tinana tātou, i tohu ia kia tika tonu te mahi. He aha ngā tūmomo mahi ka taea e te tangata hei karo i ngā whakaaro kino? b
Mehemea kei te whawhai koe kia mutu o whakaaro kino, he uara ki a Ihowā o mahi. Pānuitia Ngā Waiata 103:13, 14, kōrerotia tēnei pātai:
-
Mehemea kei te raruraru tonu koe i ngā mahi kino, ka pēhea te akiaki ā tēnei karaipiture kia whawhai haere tonu koe?
Ahakoa ka matahoki, ka taea te ara ake anō!
Ka whakaaro pea koe, ‘Kāore ahau i toa, nō reira pai ake me mutu noa.’ Engari whakaarohia tēnei: Nā te mea ka tapepe he kaioma, ā, ka hinga, ehara i te mea kua ruihi i a ia te reihi, kāore tonu ia e hoki anō ki te tīmatanga. Rite tonu, ehara te matahoki i te mea nei kua ruihi koe i tō whawhai kia whakamutua ngā mahi kino. E kore anō hoki e whakakore katoa i āu mahi ahunga whakamua kua taea e koe. I ētahi wā kua tapepe tātou—he whakaatu tēnei i te huarahi ki te patu warawara. Kia whakamaua! Kia tina! Mā Ihowā koe e āwhina kia eke panuku i ngā mahi kino.
E KĪ ANA ĒTAHI: “He warawara ahau. Tē taea te mutu.”
-
He aha te karaipiture hei whakaatu ki tētahi, mā te āwhina a Ihowā ka taea te whakamutu i ngā mahi kino?
WHAKARĀPOPOTO
Mēnā ka mā, ā-tinana, ā-hinengaro, ā tātou mahi hoki, ka harikoa katoa a Ihowā i a tātou.
Titiro anō
-
He aha i hira ai kia mā tātou?
-
Me pēhea e taea ai e koe kia mā ā-tinana?
-
Me pēhea e taea e koe kia noho mā ā-hinengaro, kia mā hoki āu mahi?
RAPU
He aha ngā mea māmā ka taea e koe kia mā ā-tinana ahakoa he iti ō rawa?
Kitea ngā whāinga ka taea te whakamutu i te mahi kai paipa.
Tirohia ngā pānga o te mātakitaki karihika ki a tātou.
“Pornography—Harmless or Toxic?” (The Watchtower, August 1, 2013)
Kitea i pēhea tētahi tangata i whakamutu i tōna wara karihika.
“I Failed Many Times Before I Succeeded” (The Watchtower No. 4 2016)
a “How to Quit Smoking,” i roto i te wāhanga Rapu o tēnei akoranga, ka whakamāramatia ētahi whāinga kia whakamutua ngā wara.
b Hei āwhina kia whakamutua te mahi tītoi, tirohia “How Can I Conquer the Habit of Masturbation?” i roto i te pukapuka Questions Young People Ask—Answers That Work, Volume 1, upoko 25.
