AKORANGA 35
Ka Taea e Tātou Kia Tika ai Ngā Whakataunga
Kei a tātou katoa ngā whakataunga hei mahi. He maha ngā whakataunga nei ka pā nui kia whakakoa, kia whakamamae rānei i a tātou me tō tātou hoatanga ki a Ihowā. Hei tauira, ka noho tātou ki hea, ka pēhea tātou utu ai i ō tātou nama, me mārena, kāore rānei. Ka pai ana ā tātou whakatau, ka harikoa tō tātou oranga me Ihowā.
1. Me pēhea te Paipera e āwhina i a koe ki te whakatau pai?
I mua i tō whakatau, me īnoi ki a Ihowā ki te āwhina, me pānui hoki i te Paipera kia kite i ōna whakaaro. (Pānuitia Ngā Whakataukī 2:3-6.) I ētahi wā ka hōmai e Ihowā he whakahau tino mārama rawa atu. Heoi, ki te whakarongo ki tērā whakahau, koina te whakataunga pai rawa atu.
Engari ka aha koe ka kore te Paipera i te whakahau i a koe? Ka ārahi tonuhia koe e Ihowā “i te ara e haere ai koe.” (Īhāia 48:17) Pēhea? Mā ngā mātāpono hei ārahi i a koe. He pono ngā mātāpono o te Paipera, hei whakakite i ngā whakaaro me te ngākau o te Atua. I te wā ka pānui tātou i te Paipera ka ako tātou mō tōna ngākau mō tētahi mea. Ka mōhio ana tātou i ngā whakaaro me te ngākau o Ihowā, arā, ka hari ia i a tātou whakatau.
2. He aha ngā mea hei whakaaro i mua i tō whakatau?
E kī ana te Paipera: “Ko te tangata tūpato, ka āta titiro ki tāna hikoi.” (Ngā Whakataukī 14:15) Nō reira, i mua i tō whakatau me āta whakaarohia ngā whiriwhiringa. I a koe e whakaaro ana mō ētahi whiriwhiringa: ‘Ko ēhea o ngā mātāpono Paipera ka āwhina mai? Ko tēhea te whakatau ka whakamārie i taku ngākau? Ka pā pēhea taku whakatau ki ētahi atu? Ko te mea nui kē, ka koa te ngākau o Ihowā?’—Tiuteronomi 32:29.
Nā Ihowā te mana ki te kī mai he aha te pai, he aha te kino. Ka mōhio ana tātou ki āna ture me āna mātāpono ka whakaū hoki ki te whakamahi, ka whakatikaia te hinengaro. Ko te hinengaro te tikanga ā-roto, ka whakamōhio mai kei te hē, kei te tika rānei ā tātou mahi. (Rōma 2:14, 15) Ko te hinengaro mōhiohio ka āwhina i a tātou ki ngā whakataunga pai.
KIMI MĀRAMATANGA
Tirohia ka pēhea ngā mātāpono Paipera me tō tātou hinengaro, e āwhina nui i a tātou kia mahia ngā whakataunga pai.
3. Mā te Paipera koe, e ārahi
Ka pēhea te ārahi a ngā mātāpono Paipera i a tātou kia mahia ngā whakataunga pai? Mātakitakitia te ATAATA, kōrerotia ngā pātai ka whai ake.
-
He aha te mana ki te whiriwhiri?
-
He aha a Ihowā i hōmai ai te mana ki te whiriwhiri?
-
He aha tāna i hōmai hei āwhina i a tātou kia mahia ngā whakataunga pai rawa atu?
Mō tētahi tauira mātāpono Paipera, pānuitia Epeha 5:15, 16. Kōrerotia me pēhea e “hokona te taima” kia . . .
-
pānui i te Paipera ia rā.
-
pai ake koe hei hoa mārena, matua, tama, tamāhine rānei.
-
haere ki ngā hui whakaminenga.
4. Whakaakohia tōu hinengaro kia pai ai ōu whakataunga
Inā mārama ngā whakahau Paipera mō tētahi take, he māmā pea te whiriwhiri tika. Engari, he aha ka kore ana he whakahau pērā? Mātakitakitia te ATAATA, kōrerotia te pātai ka whai ake.
-
I te ataata, he aha ngā mea i mahia e taua tuahine ki te whakaako i tōna hinengaro hei whakamahi whakataunga kia harikoa ai a Ihowā?
He aha tātou e kore ai e uiui ki ētahi atu kia mahi whakataunga mō tātou? Pānuitia Ngā Hīperu 5:14, kōrerotia ēnei pātai:
-
Ahakoa he māmā pea te uiui ki ētahi kia mahi whakataunga mō tātou, me maumahara tātou i te aha?
-
He aha ngā mea e wātea ana hei āwhina i a koe ki te whakawhanake tōu hinengaro kia mahi whakataunga pai?
E rite ana ki te mahere, ka āwhina tō tātou hinengaro ki te whakatau ki hea haere ai i roto i tō oranga
5. Whaiwhakaaro mō te hinengaro o ētahi atu
He rerekē ngā whakatau o te tangata. Me pēhea tā tātou whaiwhakaaro mō te hinengaro o ētahi atu? Whakaarohia ngā tauira e rua:
Tauira 1: He tuahine pai ki a ia te mau pani mata, kua neke ki tētahi whakaminenga kāore te nuinga o ngā tuāhine e whakaae ki ngā mea mau pani mata.
Pānuitia Rōma 15:1 me 1 Koriniti 10:23, 24, kōrerotia ēnei pātai:
-
Nā runga i ēnei whiti, ka whakatau pēhea te tuahine nei? Ka aha koe mēnā he rerekē te hinengaro o tētahi atu ki tōu?
Tauira 2: He tuakana mōhio kāore te Paipera e whakahē kia iti noa te inu waipiro, engari kua whakatau ia kia kaua e inu. Kua haere ia ki tētahi whakawhanaungatanga e kite ana ia e inu waipiro ana ngā tuākana.
Pānuitia Te Kaikauwhau 7:16 me Rōma 14:1, 10, kōrerotia ēnei pātai:
-
Nā runga i ēnei whiti, ka whakatau pēhea te tuakana nei? Ka aha koe mēnā ka kite koe i tētahi e mahi mea ana kāore tōu hinengaro e whakaae ki te mahi?
He aha ngā mea hei mahi mō ngā whakataunga pai?
1. Īnoi ki a Ihowā ki te āwhina i ōu whakataunga.—Hēmi 1:5.
2. Me rangahau i roto i te Paipera me ngā pukapuka whakaako ā-Paipera kia kitea ngā mātāpono hei mahi. Ka taea hoki te kōrero atu ki ētahi Karaitiana mōhio.
3. Whakaarohia te pānga o te whakataunga ki tō hinengaro me te hinengaro o ētahi atu.
E KĪ ANA ĒTAHI: “Kei a koe te tikanga! Kaua e mahara atu ki a rātou!”
-
He aha te take me āta whakaaro tātou ki te ngākau o te Atua, o ētahi atu hoki?
WHAKARĀPOPOTO
Ka pai ā tātou whakataunga ka mōhio ana tātou ki te ngākau o Ihowā mō ētahi take, ka āta whakaaro mehemea ka āwhina tā tātou mahi ki ētahi atu ka kino rānei.
Titiro anō
-
Ka pēhea e taea ai e koe ngā whakataunga kia koa ai a Ihowā?
-
Ka pēhea tō whakaako i tōu hinengaro?
-
Ka pēhea tō whakaatu kei te whai whakaaro koe ki te hinengaro o ētahi atu?
RAPU
Ka pēhea e taea e koe ngā whakataunga hei whakakaha i tō hoatanga ki te Atua?
“Make Decisions That Honor God” (The Watchtower, April 15, 2011)
Whakahōhonutia tō māramatanga he pēhea te hōmai tohutohu a Ihowā ki a tātou.
Tirohia he aha ngā mea i āwhina i tētahi tangata i tōna whakatau uaua.
Ako anō me pēhea te whakakoa i a Ihowā ahakoa kāore ia i hōmai ngā tohutohu mārama mō tētahi mea.
“Do You Always Need a Bible Command?” (The Watchtower, December 1, 2003)
