Ka hara, ka mamae, ka mate tātou nō te mea kāore te tokorua tuatahi, a Ārama rāua ko Īwi, i whakarongo ki te Atua. a Engari ka whai tūmanako tonu tātou. Kua hōmai e Ihowā he ara hei whakaora i a tātou mai i te hara me te mate, i roto i tāna Tama, i a Īhu Karaiti. E whakaako ana te Paipera, mā tōna matenga, i hōmai e Īhu he whakautu. I utua e Īhu tōna ora hēkore kia wetekina tātou i te hara me te mate (Pānuitia Matiu 20:28.) I whānau hēkore a Īhu, nā reira i āhei ia te ora ake ake i te whenua. Na tēnā, i pai ia ki te tuku i tōna ora kia whiwhi ai tātou ki ngā mea i ngaro i a Ārama rāua ko Īwi. I whakakitea hoki e Īhu te nui o tōna aroha, me te aroha ō Ihowā ki a tātou. Ka āwhina tēnei akoranga kia nui ake tō whakawhetai mō te matenga o Īhu.

1. Me pēhea tātou whiwhi painga mai i te matenga o Īhu ināianei?

Nō te mea he tāngata hara tātou, he nui ō tātou hē ki a Ihowā. Heoi anō, ki te tino pōuri tātou mō aua hara, ka taea te inoi kia murua e Ihowā ō tātou hara i runga i te ingoa o Īhu Karaiti. Otirā, ki te kaha tonu tātou kia kaua anō e mahi i aua hē, ka taea te tino whakatata atu ki te Atua. (1 Hoani 2:1) E kī ana te Paipera: “Kotahi hoki [te] whakamamaetanga o te Karaiti mō ngā hara, te tika mō te hunga hē, kia arahina ai tātou e ia ki te Atua.”​—1 Pita 3:18.

2. Me pēhea tātou whiwhi painga ai āmua, mai i te matenga o Īhu?

I tonoa a Īhu e Ihowā ki te tuku i tōna ora hēkore “kia kāhore ai e ngaro te tangata e whakapono ana ki a [Īhu], engari kia whiwhi ai ki te ora tonu.” (Hoani 3:16) E whakawhetai ana tātou mō ngā mahi a Īhu, nō te mea taro ake nei ka wetea e Ihowā ngā kino katoa i puta mai i te hara o Ārama. Arā, ki te whakapono tātou ki te whakahere o Īhu, ka āhei tātou te ora ake tonu ki te whenua pararaiha!​—Īhāia 65:21-23.

 KIMI MĀRAMATANGA

3. Mā te matenga o Īhu ka wetekina tātou i te hara me te mate

1. A. He tangata hēkore a Ārama kāore i whakarongo ki te Atua, nā reira i pā mai te hara me te mate ki a tātou

2. E. He tangata hēkore a Īhu i whakarongo ki te Atua, ā nāna i āhei ai tātou ki te ara ki te hēkoretanga me te ora tonu

4. Ka whiwhi painga ngā tāngata katoa i te matenga o Īhu

 5. He koha te matenga o Īhu nā Ihowā ki a koe

Ka tirohia e ngā hoa o Ihowā te matenga o Īhu, hei koha mō rātou. Hei tauira, pānuitia Karatia 2:20, kōrerotia tēnei pātai:

• I tohu pēhea a Pāora āpōtoro i tirohia e ia te matenga o Īhu hei koha mōna ake?

Nā te hara o Ārama, i whiua ia me ōna uri katoa ki te mate. Engari, i tukua e Ihowā tāna Tama kia mate, kia āhei ai koe ki te ora tonu.

Ka pānui koe i ngā rārangi ka whai ake nei, whakaarohia te ngākau o Ihowā i te whakamamaetanga o tāna Tama. Pānuitia Hoani 19:1-7, 16-18, kōrerotia tēnei pātai:

• Ka pēhea tōu whakaaro mō tā Ihowā rāua ko Īhu i hōmai ki a koe?

 WHAKARĀPOPOTO

Nā te matenga o Īhu ka āhei a Ihowā te muru i ō tātou hara, ka āhei hoki tātou te ora tonu.

Titiro anō

• He aha te take i mate ai a Īhu?

• I pēhea te tuku o te ora hēkore o Īhu hei utu mō te katoa?

• Me pēhea tō whiwhi painga mai i te matenga o Īhu?