I whakaako a Īhu me iriiri te tangata Karaitiana. (Pānuitia Matiu 28:19, 20.) Engari he aha te iriiri? Me aha hoki te tangata kia taea e ia tērā whāinga?

1. He aha rā te iriiri?

Ko te kupu “iriiri” nō tētahi kupu Kariki ko tōna tikanga ko te “tou” ki raro i te wai. I te iriiringa o Īhu, i toua ia ki te Awa Hōrano, ā “e haere ake ana [a Īhu] i te wai.” (Māka 1:9, 10) Pērā hoki, ka iriiria ngā Karaitiana pono mā te tou rawa, mā te rumaki rānei ki te wai.

2. Ka whakaatu te iriiri i te aha?

Mā te iriiri, e whakaatu ana tētahi tangata kua hoatu ia e ia anō ki te Atua, ki a Ihowā. He pēhea tēnei hoatutanga? I mua o te iriiri, me inoi muna ia ki a Ihowā. Ka kōrero ia mo tāna hiahia ki te mahi ki a Ia āke tonu atu. Ko tāna kupu taurangi ka karakia ia ki a Ihowā anake, ka meinga ko tā te Atua i pai ai te mea nui rawa i tōna oranga. Kua whakatau ia kia “whakakāhore ia e ia anō . . . ka aru ai” ki ngā whakaako me te tauira o Īhu. (Matiu 16:24) Nā tāna hoatu i a ia, nā tāna iriiri hoki, e āhei ana ia te tino whakatata hei hoa ki a Ihowā, otirā ki ōna hoa kaikarakia.

3. Me aha tētahi tangata i mua o te iriiri?

Kia rite koe mō te iriiri me ako mō Ihowā, me whakakaha i tōu whakapono ki a ia. (Pānuitia Ngā Hīperu 11:6.) Ka nui haere tōu mātauranga me tōu whakapono, ka nui anō tōu aroha ki a Ihowā. Kātahi ka hiahia koe ki te kauwhau mōna, ki te mahi i āna ture. (2 Tīmoti 4:2; 1 Hoani 5:3) Ina “tika ai tā koutou haere, kia rite ai ki tā te Ariki, āhuareka rawa,” kātahi pea ka whakatau ai tētahi ki te hoatu i tōna ora ki te Atua, ki te iriiri hoki.​—Korohe 1:9, 10. a

 KIMI MĀRAMATANGA

4. Ka whakaakona tātou e tā Īhu iriiri

Pānuitia Matiu 3:13-17 kia ako i ētahi kōrero anō mō tā Īhu iriiri. Kōrerotia ēnei pātai:

• He tamaiti nohinohi a Īhu i tāna iriiringa?

• I iriiri pēheatia ia? I tāuhia noa iho ia ki te wai?

I tīmata a Īhu i te mahi motuhake i te whenua, tā te Atua i hoatu ki a ia, i tāna iriiringa. Pānuitia Ruka 3:21-23 me Hoani 6:38, kōrerotia tēnei pātai:

• I muri o tāna iriiringa, he aha tā Īhu i mātua mahi ai i tōna oranga?

5. Ka taea e koe te whāinga pai o te iriiri

He whakaaro nui te hoatu i a koe ki te Atua ma te iriiri. Heoi anō, ki te ako tonu koe mō Ihowā kia mōhio pai ai ki a ia, ka māia koe mō taua whakatau nui. Kia kite i ētahi tāngata i pērā, mātakitakitia te ATAATA.

Pānuitia Hoani 17:3 me Hēmi 1:5, kōrerotia tēnei pātai:

• Me pēhea e rite ai tētahi tangata mō te iriiri?

1. A. Ka hoatu tātou i a tātou anō ki a Ihowā mā te kī atu ki a ia e hiahia ana tātou ki te mahi ki a ia āke tonu atu

2. E. Ka iriiria tātou, ka whakaatu tātou ki ngā kaimātakitaki kua hoatu tātou i a tātou anō ki te Atua

 6. Ka iriiria tātou ka uru tātou ki te whānau o Ihowā

Ka iriiria tātou, ka uru tātou ki tētahi whānau kotahi i te ao whānui. Ahakoa nō ngā wāhi me ngā iwi maha tātou, kotahi tonu a tātou whakapono, ka ū tātou katoa ki ngā ture tika a te Atua. Pānuitia Ngā Waiata 25:14 me 1 Pita 2:17, kōrerotia tēnei pātai:

• He aha te pānga o te iriiri ki te hononga ki a Ihowā, ki ētahi atu hoki e karakia ana ki a Ia?

 WHAKARĀPOPOTO

I whakaako a Īhu me iriiri ngā Karaitiana. Kia taea taua whāinga, me whakakaha te tangata i tāna whakapono ki a Ihowā, me whakarongo ki āna ture, me hoatu hoki i a ia anō ki a Ihowā.

Titiro anō

• He aha te iriiri, he aha hoki i nui ai te iriiri?

• E whakaatu ana te iriiri i te aha?

• Me aha te tangata i mua o te hoatu i a ia ki te Atua me te iriiri?