Ончыкыжым мландыште еҥ-влак курымеш илаш тӱҥалыт манын, поро уверым Библийыште возымо (Псалом 36:29). Библий 66 изирак книга гыч шога. Тудым 40 наре Юмылан ӱшанле пӧръеҥ возен. Тӱҥалтыш вич книгам Моисей пророк иктаж 3 500 ий ончыч возен. Пытартыш книга апостол Иоанн дене 1 900 ий утла ончыч возымо лийын. Библийыште кӧн шонымашыжым возымо? Информацийым Юмо шке пророкшо-влаклан святой шӱлышыж гоч пуэн шоген (2 Самуила 23:2). Нуно шкеныштын огыл, а Юмын шонымашыжым возеныт. Тугеже, Библийын Авторжо — Иегова. (2 Тимофейлан 3:16; 2 Петрын 1:20, 21 лудын лекса.)

«Библийын Авторжо кӧ?» видеороликым ончалза.

Библий — тиде Юмо деч книга, молан манаш гын тудо мо лийшаш нерген чыным ойла. Ик айдемат тидым ыштен огеш керт (Иисус Навин 23:14). Чылакертше Юмо гына айдеме тукымын ончыкылык илышыже нерген ончылгочак каласен кертеш. (Почмаш 1:1 лудын лекса.)

Юмын книгаже моло книга деч ойыртемалтеш. Библийым тачысе кечылан 3 300 йылме дене да икмыняр миллиард экземпляр дене лукмо. Библий пеш ожнысо книга гынат, тушто возымо науко дене кылдалтше информаций эре чын. Библийым 40 еҥ возен гынат, нунын шонымашышт ваш келшен толыт *. Библийыште мом возымо Юмын йӧратымашыжым ончыкта. Тыгак тиде книга мемнан жапыште еҥ-влакын илышыштым сай могырыш вашталташ полша. Чыла тиде миллионло еҥым ӱшандара: Библий — тиде Юмын Мутшо. (1 Фессалоникысе-влаклан 2:13 лудын лекса.)

«Библийын чын улмыжым кушеч ме палена?» видеороликым ончалза.

Библий палдара: Юмо еҥ-влакым йӧратен, нунылан сылне ончыкылык илышым шонен пыштен. Юмын Мутыштыжо возымо, кузе икымше еҥ-влак мланде райыште илаш йӧным йомдареныт да, кузе ончыкылыкышто рай угыч ыштыме лиеш. (Почмаш 21:4, 5 лудын лекса.)

Тыгак Библийыште закон, принцип да каҥаш-влакым возымо. Тылеч посна, тушто Юмын могай улмыжым ончыктышо шуко историйым возымо. Чыла тиде мыланна Юмым сайрак палаш полша. Библий умылтара, кузе Юмын йолташыже лияш. (Псалом 18:8, 12; Иаковын 2:23; 4:8 лудын лекса.)

Библийым умылаш тыланда тиде брошюр полша. Тыште тыгай йӧным кучылтмо, могайым Иисус Христосат туныктымыж годым кучылтын. Тудо Библий гыч почеламут-влакым цитироватлен да умылтарен. (Лукан 24:27, 45 лудын лекса.)

Юмын поро уверже деч сайрак увер уке. Туге гынат, шукышт тиде уверым огыт акле, а южыштым тудо эсогыл шыдештарен кертеш. Но тиде тендам тек огеш чаре. Вет Юмым палымаш деч тендан курымашлык илышда шога. (Иоаннын 17:3 лудын лекса.)