Мом Павел ыштен

ВИДЕОРОЛИК: «Павел Ефесыште таныкла»

1. ВИДЕОРОЛИКЫМ ончалза але Апост. пашашт 19:8—10 лудын лекса. Вара нине йодыш-влак нерген шонкалыза:

1.   а) Нимом ончыде, поро уверым каласкалаш Павелын тыршымыже кушеч коеш?

2.  б) Чыным пален налаш тыршыше еҥ-влак дене Павел мыняр чӱчкыдын да мыняр жап мучко вашлиялтын?

Павел деч мо́лан тунемына?

2. Чыным пален налаш айдемын кумылжым вияҥдашлан да тудын дене Библий шымлымашым тӱҥалашлан жап ден вийым чаманыман огыл.

 Павел деч примерым налза

3. Айдеме дек мийыза тунам, кунам тудлан йӧнан лиеш. Шоналтыза: «Вес гана кунам да кушто тудын дене мутланымашым шуен кертам?» Тыланда йӧнан огеш лий гынат, толаш ямде лийза.

4. Вашлийме нерген мутланен келшыза. Кажне мутланымаш деч вара айдеме дене кутырен келшыза, кунам вес гана вашлиялтын кертыда. Йыҥгырташ але толаш сӧренда гын, шке мутдам кучыза.

5. Сай нерген шонаш тыршыза. Айдемым мӧҥгыштыжӧ вашлияш йӧсӧ але чӱчкыдын мутланаш жапше уке гын, Библий тудлан оҥай огыл манын ида шоно (1 Кор. 13:4, 7). Но тунамак шарныза: жапым уш-акыл дене кучылтман (1 Кор. 9:26).