Тыйын йолташет уло гын, кудын дене тый моткоч куанет и кудым пагалет, тый тудын гаяк лияш тыршет. «Господь чын да сайлык» — Библийыште ойлалтеш (Псалом 25:8, «Танах», Д. Йосифон [24:8]). Юмын йолташыже лияшлан, мыланна порым да чыным ыштыше лияш кӱлеш. Библийыште ойлымо: «Юмо семын лийза, йӧратыме йоча-влак гай, и йӧратымаште коштса» (Ефесян-влак 5:1, 2). Теве икмыняр йӧн, кузе тидым ышташ лиеш:

Полшен шогаш ямде лий. «Порым ышташ тӱҥалына чылалан» (Галат-влаклан 6:10).

Тыршен пашам ыште. «Кӧ шолыштын, тек тетла ынже шолышт, а лучо пашам ыштыже, шке кидше дене порым ыштен» (Ефесян-влак 4:28).

Койышетым кучен моштымашет да капкылет дене ару лий. «Тугеже эрыктена шкеннам, капын и шӱлышын тӱрлӧ йӧрдымашышт деч, Юмо дечын лӱдын, сулык деч тораште шогымашым саемден» (2. Коринфян-влак 7:1).

 Шке ешетым йӧратен да пагален шого. «Тек кажне йӧрата шке ватыжым, кузе шкенжым шке, а ватыжлан марийжым келгын пагалаш кӱлеш. Йоча-влак, шкендан ача-авадам колыштса» (Ефесян-влак 5:33; 6:1).

Весе-влаклан йӧратымашым ыштен шого. «Икте-весынам йӧраташ тӱҥалына, молан манаш гын, йӧратымаш Юмо деч» (1. Иоанн 4:7).

Шке элетын законжым шуктен шого. «Кажне чон кӱшылсӧ властьым колыштшо... Пуыза чылалан кӱлеш семын: кӧлан налогым — налогым» (Римлян-влак 13:1, 7).