Юмо тыйым шке йолташыжлан ыштынеже. Сандалыкыште эн кугу акылын йолташыже лийын кертме нерген иктаж-кунам шонкаленат мо? Мӱндыр жапыште илыше Абрам Юмын йолташыже манын лӱмдалтын (Иаков 2:23). Библий каласкала вес еҥ-влак нерген, кудышт Юмо дене келшымыштлан куаныше лийыныт да пеш шуко гана сугыньлалтыныт. Таче айдеме-влак чыла мланде мучко Юмын йолташыже лийыт. Тыят Юмын йолташыже лийын кертат.

Юмын йолташыже лияш, айдемын йолташыже лийме деч сайрак. Шке ӱшанле йолташ-влакшым Юмо нигунамат огеш ӧкындаре (Псалом 17:26, Г. П. Павскийын кусарымыже). Юмын йолташыже лияш, поян лийме деч сайрак. Кунам поян айдеме кола, тудын оксаже весе-влаклан кусаралтеш. Юмо дене келшен шогышо-влак тугай поянлык дене пайдаланат, кудым нигӧат поген налын огеш керт (Матвей 6:19).

Юмо дене тыланет палыме лияш, южо еҥже мешаяш тыршаш тӱҥалын кертыт. Нунын коклаште тыйын йолташет да родо-тукымет-влакат лийын кертыт (Матвей 10:36, 37). Иктаж-кӧ тыйым воштылеш але тыйым лӱдыктылеш гын, шке дечет йод: кӧлан мый йӧрынем — айдеме-влаклан але Юмылан. Теве мо нерген шоналте: иктаж-кӧ тыланет кочкаш огеш кӱл манын ойла гын, тый тудым колыштат? Мутат уке, огыт! Тыланет кочкыш илашлан кӱлеш. Но Юмо тыге ыштен кертеш, эсогыл тый курымеш илаш тӱҥалат! Тудланак, кузе тый Юмын йолташыже лийын кертат, тидын нерген тыланет шинчымашым налаш нигӧлан нигунамат мешаяш ит пу (Иоан 17:3).